سیدنا عقبہ بن عامر رضی اللہ عنہ (راوی کو شک ہے شاید) سیدنا ابوقتادہ رضی اللہ عنہ روایت کرتے ہیں کہ نبی اکرم صلی اللہ علیہ وسلم نے ارشاد فرمایا ہے: ”سب سے بہترین گھوڑا سیاہ رنگ والا ہوتا ہے جس کی پیشانی اور ناک پر سفید رنگ کا داغ ہو اور اس کی ٹانگوں پر بھی سفید رنگ کا داغ ہو، جو دائیں پاؤں کو کھلا رکھتا ہو۔“ یزید نامی راوی کہتے ہیں: اگر اس قسم کا گھوڑا نہ ہو تو پھر ان خصوصیات کا حامل «كُمَيْتٌ» گھوڑا بہتر ہوتا ہے۔ (امام ابن حبان رحمہ اللہ فرماتے ہیں:) اس روایت میں شک یزید بن ابوحبیب نامی راوی کو ہے، یہ روایت سیدنا عقبہ بن عامر رضی اللہ عنہ کے حوالے سے منقول روایت کے طور پر مشہور ہے جسے موسیٰ بن علی نے اپنے والد کے حوالے سے نقل کیا ہے۔ [صحیح ابن حبان/كتاب السير/حدیث: 4676]