ابوعامر ہوزنی بیان کرتے ہیں کہ سیدنا ابوکبشہ انماری رضی اللہ عنہ ان کے پاس آئے اور فرمایا: تم اپنا گھوڑا مجھے جفتی کے لیے دو، کیونکہ میں نے نبی اکرم صلی اللہ علیہ وسلم کو یہ بات ارشاد فرماتے ہوئے سنا ہے: ”جو شخص گھوڑا جفتی کے لیے دیتا ہے اور اس کے نتیجے میں گھوڑا پیدا ہوتا ہے تو اس شخص کو ایسے ستر گھوڑوں کا اجر و ثواب ملتا ہے جن پر (زین وغیرہ) ہو اور اللہ کی راہ میں دیا گیا ہو اور اگر اس کے نتیجے میں گھوڑا پیدا نہیں ہوتا تو اسے ایک گھوڑے کو سامان وغیرہ لاد کر اللہ کی راہ میں دینے کا اجر ملتا ہے۔“ [صحیح ابن حبان/كتاب السير/حدیث: 4679]