سیدنا جابر رضی اللہ عنہ بیان کرتے ہیں کہ سیدنا حاطب رضی اللہ عنہ کا ایک غلام نبی اکرم صلی اللہ علیہ وسلم کی خدمت میں حاضر ہوا اور اس نے سیدنا حاطب رضی اللہ عنہ کی شکایت کی، اس نے عرض کی: یا رسول اللہ صلی اللہ علیہ وسلم ! بے شک سیدنا حاطب رضی اللہ عنہ جہنم میں جائیں گے۔ نبی اکرم صلی اللہ علیہ وسلم نے فرمایا: ”تم نے غلط کہا ہے، وہ اس میں نہیں جائے گا، اس نے غزوہ بدر اور صلح حدیبیہ میں شرکت کی ہے۔“ [صحیح ابن حبان/كتاب السير/حدیث: 4799]