سیدنا جابر رضی اللہ عنہ بیان کرتے ہیں کہ ایک غلام آیا، اس نے نبی اکرم صلی اللہ علیہ وسلم کے دستِ اقدس پر ہجرت کی بیعت کر لی، نبی اکرم صلی اللہ علیہ وسلم کو یہ پتہ نہیں تھا کہ وہ غلام ہے، پھر اس کا آقا اسے تلاش کرتا ہوا آ گیا تو نبی اکرم صلی اللہ علیہ وسلم نے فرمایا: ”تم اسے مجھے فروخت کر دو“، تو نبی اکرم صلی اللہ علیہ وسلم نے دو سیاہ فام غلاموں کے عوض میں اسے خرید لیا، اس کے بعد آپ صلی اللہ علیہ وسلم جب بھی کسی سے بیعت لیتے تھے تو پہلے اس سے دریافت کر لیتے تھے: ”کیا وہ غلام تو نہیں ہے؟“ [صحیح ابن حبان/كتاب البيوع/حدیث: 5027]