سیدنا عبداللہ بن مسعود رضی اللہ عنہ روایت کرتے ہیں، نبی اکرم صلی اللہ علیہ وسلم نے ارشاد فرمایا: ”جو شخص کوئی جھوٹی قسم اٹھاتا ہے تاکہ اس کے ذریعے اپنے بھائی کا مال ہڑپ کر لے جب وہ اللہ کی بارگاہ میں حاضر ہو گا تو اللہ تعالیٰ اس پر غضب ناک ہو گا۔“ (سیدنا ابن مسعود رضی اللہ عنہ کہتے ہیں) اس کی تائید اللہ تعالیٰ کے اس فرمان سے ہوتی ہے۔ ”بے شک وہ لوگ جو اللہ تعالیٰ کے نام کے عہد اور اس کے نام کی قسم کے عوض میں تھوڑی قیمت حاصل کر لیتے ہیں۔“ [صحیح ابن حبان/كتاب الدعوى/حدیث: 5085]