عمرو بن شرید بیان کرتے ہیں: میں سیدنا سعد بن ابی وقاص رضی اللہ عنہ اور سیدنا مسور بن مخرمہ کے ہمراہ موجود تھا۔ اسی دوران نبی اکرم صلی اللہ علیہ وسلم کے غلام سیدنا ابورافع تشریف لے آئے۔ انہوں نے سیدنا سعد بن مالک رضی اللہ عنہ سے کہا: آپ مجھ سے میرے وہ دو گھر خرید لیں جو آپ کے محلے میں ہیں، تو سیدنا سعد بن ابی وقاص رضی اللہ عنہ نے کہا: جی نہیں میں اس شرط پر خریدوں گا ان کی قیمت چار ہزار (درہم) ہو گی اور وہ بھی قسطوں میں ادا کی جائے گی (یہاں ایک لفظ کے بارے میں راوی کو شک ہے) تو سیدنا ابورافع نے فرمایا اللہ کی قسم اگر میں نے نبی اکرم صلی اللہ علیہ وسلم کو یہ بات ارشاد فرماتے ہوئے نہ سنا ہوتا ”کہ پڑوسی اپنے پڑوس کا زیادہ حق دار ہوتا ہے“ تو میں وہ گھر آپ کو فروخت نہ کرتا کیونکہ مجھے اس کے پانچ سو دینار مل رہے تھے۔ [صحیح ابن حبان/كتاب الشفعة/حدیث: 5181]