سیدنا انس بن مالک رضی اللہ عنہ، روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ”دو آدمی جہنم سے نکلیں گے انہیںاللہ تعالیٰ کے سامنے پیش کیا جائے گا پھر انہیں جہنم کی طرف جانے کا حکم ہو گا، تو ان میں سے ایک مڑ آئے گا اور عرض کرے گا: اے میرے پروردگار! مجھے اس بات کی امید نہیں تھی۔اللہ تعالیٰ دریافت کرے گا تمہیں کس بات کی امید تھی؟ وہ عرض کرے گا مجھے اس بات کی امید تھی کہ جب، تو نے مجھے اس (جہنم) سے نکال دیا ہے، تو اب، تو مجھے دوبارہ اس میں داخل نہیں کرے گا، تواللہ تعالیٰ اس شخص پر رحم کرے گا اور اسے جنت میں داخل کر دے گا۔“ [صحیح ابن حبان/كتاب الرقائق/حدیث: 632]