سیدنا عبداللہ بن مغفل رضی اللہ عنہ سے منقول ہے کہ انہوں نے اپنے بیٹے کو یہ کہتے ہوئے سنا: «اللَّهُمَّ إِنِّي أَسْأَلُكَ الْقَصْرَ الْأَبْيَضَ عَنْ يَمِينِ الْجَنَّةِ إِذَا دَخَلْتُهَا» ”اے اللہ! میں تجھ سے جنت کے دائیں طرف محل کا سوال کرتا ہوں،“ تو سیدنا عبداللہ رضی اللہ عنہ نے فرمایا: اے میرے بیٹے! جب تم نے مانگنا ہو، تو اللہ تعالیٰ سے جنت مانگو اور جہنم سے اس کی پناہ مانگو، کیونکہ میں نے نبی اکرم صلی اللہ علیہ وسلم کو یہ بات ارشاد فرماتے ہوئے سنا ہے: ”عنقریب ایسے لوگ آئیں گے جو دعا مانگنے اور طہارت کے حصول میں حد سے تجاوز کریں گے۔“ [صحیح ابن حبان/كتاب التاريخ/حدیث: 6763]