سیدہ عائشہ صدیقہ رضی اللہ عنہا بیان کرتی ہیں، نبی اکرم صلی اللہ علیہ وسلم نے مجھ سے فرمایا: ”مجھے پتا چل جاتا ہے، جب تم مجھ سے راضی ہوتی ہو اور جب مجھ سے ناراض ہوتی ہو۔“ سیدہ عائشہ رضی اللہ عنہا نے دریافت کیا: یا رسول اللہ صلی اللہ علیہ وسلم ! آپ کو یہ کیسے پتا چلتا ہے؟ نبی اکرم صلی اللہ علیہ وسلم نے فرمایا: ”جب تم مجھ سے راضی ہوتی ہو، تو تم قسم اٹھاتے ہوئے یہ کہتی ہو: «وَرَبِّ مُحَمَّدٍ» ”سیدنا محمد صلی اللہ علیہ وسلم کے پروردگار کی قسم!“ اور جب تم مجھ سے ناراض ہو، تو یہ کہتی ہو: «وَرَبِّ إِبْرَاهِيمَ» ”سیدنا ابراہیم علیہ السلام کے پروردگار کی قسم۔““ تو میں نے عرض کی: جی ہاں! لیکن میں صرف آپ کا نام لینا چھوڑتی ہوں۔ [صحیح ابن حبان/كتاب إخباره ﷺ عن مناقب الصحابة رجالهم ونسائهم بذكر أسمائهم رضوان الله عليهم أجمعين/حدیث: 7112]