سیدنا نواس بن سمعان رضی اللہ عنہ بیان کرتے ہیں کہ نبی اکرم صلی اللہ علیہ وسلم کو فتح نصیب ہوئی، تو میں آپ کی خدمت میں حاضر ہوا اور عرض کی: یا رسول اللہ! گھوڑوں کو چرنے کے لیے چھوڑ دیا گیا ہے اور ہتھیار رکھ دیے گئے ہیں اور جنگ ختم ہو چکی ہے اور لوگ یہ کہہ رہے ہیں کہ اب لڑائی نہیں ہوگی، تو نبی کریم صلی اللہ علیہ وسلم نے فرمایا: ”وہ غلط کہہ رہے ہیں۔ اب تو لڑائی کا وقت آیا ہے، اب تو لڑائی کا وقت آیا ہے، بے شک اللہ تعالیٰ کچھ لوگوں کے دلوں کو ٹیڑھا کر دے گا جو ان لوگوں کے ساتھ لڑائی کرنے لگیں۔ اللہ تعالیٰ ان لوگوں کو رزق عطا کرتا رہے گا، یہاں تک کہ ایسی صورت پر اللہ تعالیٰ کا حکم آ جائے گا اور اہل ایمان کا ٹھکانہ اس وقت شام ہوگا۔“ [صحیح ابن حبان/كتاب إخباره ﷺ عن مناقب الصحابة رجالهم ونسائهم بذكر أسمائهم رضوان الله عليهم أجمعين/حدیث: 7307]