ابو اشعث رحمہ اللہ سے روایت ہے کہ ہم نے ایک لڑائی سیدنا امیر معاویہ رضی اللہ عنہ کی قیادت میں لڑی۔ مال غنیمت میں سونا چاندی ہاتھ لگا تو سیدنا معاویہ رضی اللہ عنہ نے ایک آدمی کو حکم دیا کہ وہ اس مالِ غنیمت کو لوگوں کو ملنے والے عطیات (تنخواہ) کے عوض فروخت کر دے (یعنی جب عطیات ملے قیمت اس وقت وصول کر لیں گے) لوگوں نے خریداری میں جلدی کی سیدنا عبادہ رضی اللہ عنہ کھڑے ہو گئے لوگوں کو منع کیا تو لوگوں نے سیدنا معاویہ رضی اللہ عنہ کے نمائندے کو سونا چاندی واپس کر دیا اس نے جا کر سیدنا معاویہ رضی اللہ عنہ کو شکایت کر دی سیدنا معاویہ رضی اللہ عنہ نے لوگوں کو خطبہ دیا کہ لوگوں کا حال کیا ہو گیا وہ احادیث رسول کی یہ بیان کرتے ہیں اور آپ کی یہ تم پر جھوٹ باندھتے ہیں (ہم بھی صحابہ رضی اللہ عنہم ہیں) ہم نے تو آپ صلی اللہ علیہ وسلم سے ایسا نہیں سنا سیدنا عبادہ رضی اللہ عنہ پھر کھڑے ہو گئے اور فرمایا: واللہ ہم وہ احادیث ضرور بیان کریں گے جو ہم نے رسول اللہ صلی اللہ علیہ وسلم سے سنی خواہ معاویہ ناپسند کرے رسول اللہ صلی اللہ علیہ وسلم نے فرمایا تھا۔ سونے کو سونے سے، چاندی کو چاندی سے، گندم کو گندم سے، جو کو جو سے کھجور کو کھجور سے نمک کو نمک سے نہ بیچو الا یہ کہ برابر برابر ہو ایک جیسے اور نقد بنقد ہوں۔ [السنن المأثورة - الإمام الشافعي/باب في البيوع/حدیث: 222]