”اللہ اور اس کے رسول کی طرف سے ان مشرکین سے بیزاری و لاتعلقی کا اعلان ہے جن سے تم نے معاہدہ کیا تھا، پس (اے مشرکو!) تم زمین میں چار ماہ تک (آزادی سے) چل پھر لو اور جان رکھو کہ تم اللہ کو ہرگز عاجز کرنے والے نہیں ہو اور یہ کہ اللہ کافروں کو رسوا کرنے والا ہے، اور حجِ اکبر کے دن اللہ اور اس کے رسول کی جانب سے لوگوں کے لیے (عام) اعلان ہے کہ اللہ مشرکین سے بیزار ہے اور اس کا رسول بھی؛ پس اگر تم توبہ کر لو تو یہ تمہارے لیے بہتر ہے اور اگر تم نے روگردانی کی تو جان لو کہ تم اللہ کو عاجز نہیں کر سکو گے، اور کفر اختیار کرنے والوں کو دردناک عذاب کی خوشخبری سنا دیجیے، سوائے ان مشرکین کے جن سے تم نے معاہدہ کیا پھر انہوں نے تمہارے ساتھ (عہد کی تکمیل میں) کوئی کمی نہیں کی اور نہ ہی تمہارے خلاف کسی کی پشت پناہی کی، تو ان کا عہد ان کی (مقررہ) مدت تک پورا کرو، بے شک اللہ تقویٰ اختیار کرنے والوں کو پسند فرماتا ہے، پھر جب حرمت والے مہینے گزر جائیں تو ان مشرکین کو جہاں کہیں پاؤ قتل کرو، انہیں پکڑو، انہیں محصور کرو اور ہر گھات کی جگہ ان کی تاک میں بیٹھو؛ پھر اگر وہ توبہ کر لیں، نماز قائم کریں اور زکوٰۃ ادا کریں تو ان کی راہ چھوڑ دو، یقیناً اللہ بہت بخشنے والا نہایت رحم فرمانے والا ہے۔“