اللہ تعالیٰ کے اس ارشادِ گرامی کے بیان میں کہ ”یقیناً اللہ تعالیٰ نے نبی کریم ﷺ پر اور ان مہاجرین و انصار پر اپنی رحمت و عنایت فرمائی جنہوں نے نہایت تنگی اور عسرت کی گھڑی میں آپ ﷺ کا ساتھ دیا، اس کے بعد کہ ان میں سے ایک گروہ کے دل ڈگمگا جانے کے قریب ہو چکے تھے، پھر اللہ نے ان کی توبہ قبول فرمائی اور ان پر توجہ کی، بلاشبہ وہ ان کے حق میں نہایت شفیق اور نہایت مہربان ہے؛ اور ان تینوں اشخاص پر بھی اللہ نے اپنی رحمت فرمائی جن کا فیصلہ مؤخر کر دیا گیا تھا، یہاں تک کہ جب زمین اپنی تمام تر وسعتوں کے باوجود ان پر تنگ ہو گئی اور ان کی جانیں خود ان پر بوجھ بن گئیں اور انہوں نے کامل یقین کر لیا کہ اللہ کی گرفت سے خود اسی کی بارگاہ میں پناہ لینے کے سوا کوئی جائے پناہ نہیں، پھر اللہ نے ان پر اپنی توجہ مبذول فرمائی تاکہ وہ تائب ہو جائیں، یقیناً اللہ ہی توبہ قبول کرنے والا اور بے حد رحم فرمانے والا ہے۔“