الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
66. بَابُ اكْتِحَالِهِ بِرِيقِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَكِفَايَتِهِ الرَّمَدَ ، وَالْحَرَّ ، وَالْبَرْدَ .
حضرت علی رضی اللہ عنہ کی آنکھوں میں نبی اکرم ﷺ کا لعاب سرمے کے طور پر لگنا اور پھر اس کا آشوب چشم یا گرمی یا سردی کے حوالے سے کفایت کر جانا
حدیث نمبر: 14708
وَفِي رِوَايَةٍ أُخْرَى عِنْدَهُ: عَنْ سُوَيْدِ بْنِ غَفَلَةَ قَالَ: لَقِينَا عَلِيًّا وَعَلَيْهِ ثَوْبَانِ فِي الشِّتَاءِ، فَقُلْنَا: لَا تَغْتَرُّ بِأَرْضِنَا هَذِهِ فَإِنَّ أَرْضَنَا هَذِهِ مُقِرَّةٌ لَيْسَتْ مِثْلَ أَرْضِكَ. قَالَ: فَإِنِّي كُنْتُ مَقْرُورًا، فَلَمَّا بَعَثَنِي رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِلَى خَيْبَرَ قُلْتُ: إِنِّي أَرْمَدُ، فَتَفَلَ فِي عَيْنِي، فَمَا وَجَدْتُ حَرًّا وَلَا بَرْدًا وَلَا رَمَدَتْ عَيْنَايَ.
ان کی نقل کردہ ایک اور روایت میں یہ الفاظ ہیں: سوید بن غفلہ بیان کرتے ہیں: ہماری ملاقات سیدنا علی رضی اللہ عنہ سے ہوئی، ان کے جسم پر دو کپڑے تھے، یہ سردی کے موسم کی بات ہے، ہم نے کہا: جناب آپ ہمارے اس علاقے کے حوالے سے غلط فہمی کا شکار نہ ہوں، کیونکہ ہمارا یہ علاقہ آپ کے علاقے کی طرح نہیں ہے، تو سیدنا علی رضی اللہ عنہ نے فرمایا: میں ایسا شخص تھا جسے سردی لگی ہوئی تھی (یا سردی زیادہ لگتی تھی) جب نبی اکرم صلی اللہ علیہ وسلم نے مجھے خیبر بھیجا تھا، تو میں نے عرض کی: مجھے آشوب چشم کی شکایت ہے، تو نبی اکرم صلی اللہ علیہ وسلم نے میری آنکھوں میں لعاب دہن ڈالا، اس کے بعد مجھے نہ کبھی گرمی محسوس ہوئی، نہ سردی محسوس ہوئی اور نہ ہی کبھی آشوب چشم کی شکایت ہوئی۔ [مجمع الزاوئد ومنبع الفوائد/كتاب المناقب/حدیث: 14708]
الحكم على الحديث:
إسنادہ صحیح۔
Majma al-Zawa'id Hadith 14708 in Urdu