´شراب پینے والے کی حد اور نشہ آور چیزوں کا بیان`
سیدنا انس رضی اللہ عنہ سے روایت ہے کہ اللہ تعالیٰ نے شراب کو حرام قرار دیا تو مدینہ میں اس وقت صرف کھجور سے تیار کردہ شراب پی جاتی تھی۔ (مسلم) «بلوغ المرام/حدیث: 1068»

تخریج:
«أخرجه مسلم، الأشربة، باب تحريم الخمر...، حديث:1982.» تشریح:
اس حدیث کے بیان کرنے کا مقصد و مدعا یہ ہے کہ محض انگور سے کشید کردہ شراب ہی حرام نہیں بلکہ کسی بھی چیز سے تیار کردہ شراب حرام ہے جو نشہ آور ہو‘ انسان کی عقل کو ڈھانپ لے اور انسان اپنے حواس کھو بیٹھے۔
گویا ہر نشہ آور چیز شراب ہے۔
ہم اسے لغوی حقیقت کہیں یا شرعی‘ شارع علیہ السلام کے نزدیک یہ حرام ہی ہے۔
اس کی تائید آئندہ احادیث سے بھی ہوتی ہے۔