حضرت سعید مسیّب نے کہا کہ حضرت ابراہیم علیہ السلام ہی نے سب سے پہلے مہمان کی ضیافت کی، اور سب سے پہلے ختنہ کیا، اور سب سے پہلے مونچھیں کتریں، اور سب سے پہلے سفید بال کو دیکھ کر کہا: ”اے پروردگار! یہ کیا ہے؟“ اللہ جل جلالہُ نے فرمایا: ”یہ عزت اور وقار ہے۔“ حضرت ابراہیم علیہ السلام نے کہا: ”تو اے پروردگار! زیادہ عزت دے مجھ کو۔“

امام مالک رحمہ اللہ نے فرمایا کہ مونچھوں کو اتنا کترنا چاہیے کہ ہونٹ کے کنارے کھل جائیں، یہ نہیں کہ بالکل کتر ڈالے۔