´نبی اکرم صلی اللہ علیہ وسلم پر درود (نماز) بھیجنے کا بیان۔`
عبداللہ بن عباس رضی اللہ عنہما کہتے ہیں کہ رسول اللہ صلی اللہ علیہ وسلم نے فرمایا: ”جو مجھ پر درود پڑھنا بھول گیا، وہ جنت کا راستہ بھول گیا۔‏‏‏‏“ [سنن ابن ماجه/كتاب إقامة الصلاة والسنة/حدیث: 908]

اردو حاشہ:
فوائد و مسائل:
(1)
ہمارے فاضل محقق نے مذکورہ روایت کوسنداً ضعیف قرار دیا ہے۔
جبکہ دیگر محققین نے اسے شواہد کی بنا پر صحیح قرار دیا ہے۔
تفصیل کےلئے دیکھئے۔ (الصحیحه رقم: 2337،  وفضل الصلاۃ علی النبی ﷺ بتحقیق شیخ البانی ؒرقم: 42، 41)

(2)
نیکیاں جنت میں لے جاتی ہیں۔
جو شخص درود جیسی عظیم نیکی سے غفلت کرتا ہے۔
وہ دوسری بہت سے نیکیوں سے بھی غافل ہوگا۔
اور ایسے شخص کاجنت میں جانا مشکل ہے۔