´عقیقہ کا بیان۔`
یزید بن عبدالمزنی رضی اللہ عنہ کہتے ہیں کہ نبی اکرم صلی اللہ علیہ وسلم نے فرمایا: ”لڑکے کی طرف سے عقیقہ کیا جائے، اور اس کے سر میں عقیقہ کے جانور کا خون نہ لگایا جائے“ ۱؎۔ [سنن ابن ماجه/كتاب الذبائح/حدیث: 3166]

اردو حاشہ:
فوائد و مسائل:
(1)
جاہلیت میں بھی بچے کی طرف سے قربانی کی جاتی تھی اور جانور کا خون بچے کے سر پر لگایا جاتا تھا۔
اسلام نے جتنا کام صحیح تھا اسے قائم رکھا اور جو غلط تھا اس سے منع فرما دیا۔ (صحيح ابن حبان، العقيقة، باب ذكر الأمر لمن عق عن ولده۔
۔
۔
۔
، حديث: 5284)

(2)
غیر مسلوں کی رسموں پرعمل کرنا جائز نہیں، البتہ کسی چیز کی تائید قرآن وحدیث سے ہوجائےتو اتنا کام کرنا درست ہوگا۔