4311. مجاہد بن جبر سے روایت ہے کہ عبداللہ بن عمر ؓ کہتے ہیں کہ فتح مکہ کے بعد ہجرت ختم ہے۔ [صحيح بخاري، حديث نمبر:4311]

حدیث حاشیہ:
یہ حکم مدنی ہجرت کی بابت ہے۔
اگر اہل اسلام کیلئے کسی بھی علاقہ میں مکہ جیسے حالات پیدا ہوجائیں تو دار الامان کی طرف وہ اب بھی ہجرت کر سکتے ہیں۔
جس سے ان کو یقینا ہجرت کا ثواب مل سکتا ہے مگر إنما الأعمالُ بالنیاتِ کو سامنے رکھنا ضروری ہے۔

4311. مجاہد بن جبر سے روایت ہے کہ عبداللہ بن عمر ؓ کہتے ہیں کہ فتح مکہ کے بعد ہجرت ختم ہے۔ [صحيح بخاري، حديث نمبر:4311]

حدیث حاشیہ:
1۔
اس ہجرت سے مراد خاص ہجرت ہے جو فتح مکہ سے پہلے تھی خواہ حبشہ کی طرف ہویا مدینہ طیبہ کی طرف، فتح مکہ کے بعد جب مکہ مکرمہ دارالاسلام بن گیا تو اب یہاں سے ہجرت کرنے کی ضرورت نہیں رہی۔
2۔
حدیث کے الفاظ اگرچہ عام ہیں لیکن اس سے خاص ہجرت مراد ہے۔
ہاں اگر کوئی ایسا دارالحرب ہے جس میں شعائر اسلام کی صحیح طور پر ادائیگی نہیں ہوتی بلکہ ان پر عمل کرنے سے روکا جاتا ہو تو اس وقت وہاں سے ہجرت کرنا ضروری ہوگا۔
اگر شعائر اسلام کماحقہ ادانہ ہوتے ہوں اور اہل اسلام کو مجبورنہ کیا جاتا ہو تو ایسے حالات میں ہجرت مستحب ہے۔
بہرحال مذکورہ احادیث میں ہجرت مکہ مراد ہے مطلق ہجرت کی نفی نہیں ہے۔
واللہ اعلم۔