4754. حضرت قاسم بن محمد سے روایت ہے، انہوں نے کہا: حضرت ابن عباس ؓ نے حضرت عائشہ‬ ؓ ک‬ے پاس آنے کی اجازت چاہی۔ پھر راوی نے مذکورہ بالا حدیث کی طرح واقعہ بیان کیا لیکن اس روایت میں راوی نے نَسْيًا مَّنسِيًّا کے الفاظ ذکر نہیں کیے۔ [صحيح بخاري، حديث نمبر:4754]

حدیث حاشیہ:
1۔
حضرت عائشہ رضی اللہ تعالیٰ عنہا کا مقصد تھا کہ تعریف سے آدمی کے اندر پسندی اور تکبر کے جذبات پروان چڑھتے ہیں اور یہ ایسا وقت ہے کہ اس میں آدمی کو اللہ تعالیٰ کی طرف متوجہ ہونا چاہیے۔
اپنے نفس کی طرف توجہ کسی بھی طرح سے مناسب نہیں ہے۔
اس لیے حضرت ابن عباس رضی اللہ تعالیٰ عنہ کو اجازت دینے میں انھیں کچھ تامل ہوا۔
ان کے جانے کے بعد آپ نے جو کچھ کہا اس سے حضرت عائشہ رضی اللہ تعالیٰ عنہا کی خشیت الٰہی اور تقوی کے بلند مقام کا اندازہ لگایا جا سکتا ہے۔
2۔
واقعی اولیاء اللہ اور بزرگ لوگ گمنامی ہی پسند کرتے ہیں انھوں نے شہرت و ناموری کو کبھی اپنے پاس نہیں آنے دیا۔
وہاں اگر اللہ تعالیٰ ان کی اچھی شہرت کر دے اور لوگوں کے دلوں میں ان کے لیے محبت ڈال دے۔
”تو“ رضائے الٰہی مولیٰ از ہمہ اولیٰ “ سمجھ کر خاموش رہتے ہیں۔