7338. سیدنا سائب بن یزید ؓ سے روایت ہے کہ انہوں نے نبی ﷺ کے منبر شریف پر سیدنا عثمان ؓ کو خطبہ دیتے ہوئے سنا۔ [صحيح بخاري، حديث نمبر:7338]

حدیث حاشیہ:
منبر نبوی کی عظمت کا کیا کہنا مگر صد افسوس کہ دشمنوں نے اس ممبر کی عظمت کو بھی بھلا دیا اور حضرت سیدنا عثمان غنی رضی اللہ عنہ کی اسی ممبر پر بھی توہین کی۔
قد خابو او خسروا في الدنیا والآخرة۔

7338. سیدنا سائب بن یزید ؓ سے روایت ہے کہ انہوں نے نبی ﷺ کے منبر شریف پر سیدنا عثمان ؓ کو خطبہ دیتے ہوئے سنا۔ [صحيح بخاري، حديث نمبر:7338]

حدیث حاشیہ:
1۔
اس حدیث میں بھی منبر نبوی کی عظمت کا بیان ہے کہ رسول اللہ صلی اللہ علیہ وسلم کے بعد خلفائے راشدین رضوان اللہ عنھم اجمعین اہم کاموں کے لیے منبر استعمال کرتے اور اس پر کھڑے ہو کرخطبہ دیتے تاکہ تمام لوگوں کو اس کا علم ہو جائے۔
اس میں یہ بھی اشارہ ہے کہ منبر نبوی حضرت عثمان رضی اللہ تعالیٰ عنہ کے دور تک بلاکم وکاست باقی رہا اور اس میں کوئی تبدیلی نہ کی گئی تھی۔
بعض روایات سے پتا چلتا ہے کہ منبر نبوی حضرت عثمان رضی اللہ تعالیٰ عنہ کے بعد بھی دیر تک اپنی اصلی حالت پر قائم ودائم رہا۔
(فتح الباري: 380/13)
2۔
منبر نبوی کی عظمت کا کیا کہنا!مگرصد افسوس کہ دشمنانِ اسلام نے اس منبر کی عظمت کو بالائے طاق رکھتے ہوئے سیدنا عثمان رضی اللہ تعالیٰ عنہ کی توہین بھی اس منبر پر کی تھی۔
العیاذ باللہ۔