📖 حوالہ / مصدر: اسے امام ترمذی 74 اور ابن ماجہ 515 دونوں نے شعبہ بن حجاج کے واسطے سے، انھوں نے سہیل بن ابی صالح سے، انھوں نے اپنے والد سے اور انھوں نے حضرت ابوہریرہ رضی اللہ عنہ سے روایت کیا ہے۔

⚖️ درجۂ حدیث: اس کی سند صحیح ہے۔ امام ترمذی نے اسے "حسن صحیح" کہا ہے، اور اسی طریق سے امام ابن خزیمہ 27 نے بھی اس کی تصحیح کی ہے۔

🔍 فنی نکتہ / علّت: امام بیہقی کی رائے یہ ہے کہ یہ حدیث سہیل بن ابی صالح کی پچھلی حدیث کا ہی اختصار ہے (جو پچھلے باب میں گزری)، اور شعبہ نے اسے اپنے استاد سہیل سے سن کر مختصر کر دیا ہے۔ 📖 حوالہ / مصدر: السنن الکبریٰ 1/117۔ 📝 نوٹ / توضیح: جبکہ علامہ ابن الترکمانی کا خیال ہے کہ یہ دو الگ الگ احادیث ہیں؛ اسی احتمال کی وجہ سے میں نے اس کا دوبارہ ذکر کیا ہے۔