🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب إتحاف الخيرة المهرة اور فضائل الصحابة اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:
61. بَابٌ فِي مُعْجِزَاتِهِ - صَلَّى اللَّهُ عَلَيْهِ وَسَلَّمَ - فِي الْحَيَوَانَاتِ ، وَالشَّجَرِ ، وَغَيْرِ ذَلِكَ .
جانوروں، درختوں اور دیگر چیزوں کے بارے میں نبی اکرم ﷺ کے معجزات کا بیان
اطراف الحدیث — مجمع الزاوئد ومنبع الفوائد حدیث نمبر 14155 (کل: 3 مقامات، 2 کتب)
مجمع الزاوئد ومنبع الفوائد: 14155، 7652
المعجم الکبیر للطبرانی: 11953
اظهار التشكيل
حدیث نمبر: 14155
وَعَنِ ابْنِ عَبَّاسٍ: أَنَّ رَجُلًا مِنَ الْأَنْصَارِ كَانَ لَهُ فَحْلَانِ فَاغْتَلَمَا، فَأَدْخَلَهُمَا حَائِطًا فَسَدَّ عَلَيْهِمَا الْبَابَ، ثُمَّ جَاءَ إِلَى النَّبِيِّ - صَلَّى اللَّهُ عَلَيْهِ وَسَلَّمَ - فَأَرَادَ أَنْ يَدْعُوَ لَهُ، وَالنَّبِيُّ - صَلَّى اللَّهُ عَلَيْهِ وَسَلَّمَ - قَاعِدٌ مَعَ نَفَرٍ مِنَ الْأَنْصَارِ. فَقَالَ: يَا نَبِيَّ اللَّهِ، إِنِّي جِئْتُ فِي حَاجَةٍ، وَإِنَّ فَحْلَيْنِ لِيَ اغْتَلَمَا، وَإِنِّي أَدْخَلْتُهُمَا حَائِطًا وَسَدَدْتُ عَلَيْهِمَا الْبَابَ، فَأُحِبُّ أَنْ تَدْعُوَ لِي أَنْ يُسَخِّرَهُمَا اللَّهُ لِي. فَقَالَ لِأَصْحَابِهِ:" قُومُوا مَعَنَا". فَذَهَبَ حَتَّى أَتَى الْبَابَ فَقَالَ:" افْتَحْ". فَأَشْفَقَ الرَّجُلُ عَلَى النَّبِيِّ - صَلَّى اللَّهُ عَلَيْهِ وَسَلَّمَ - قَالَ:" افْتَحْ". فَفَتَحَ الْبَابَ فَإِذَا أَحَدُ الْفَحْلَيْنِ قَرِيبٌ مِنَ الْبَابِ، فَلَمَّا رَأَى النَّبِيَّ - صَلَّى اللَّهُ عَلَيْهِ وَسَلَّمَ - سَجَدَ لَهُ، فَقَالَ النَّبِيُّ - صَلَّى اللَّهُ عَلَيْهِ وَسَلَّمَ -:" ائْتِنِي بِشَيْءٍ أَشُدُّ بِرَأْسِهِ وَأُمَكِّنُكَ مِنْهُ". فَجَاءَ بِخِطَامٍ، فَشَدَّ رَأْسَهُ وَأَمْكَنَهُ مِنْهُ، ثُمَّ مَشَى إِلَى أَقْصَى الْحَائِطِ إِلَى الْفَحْلِ الْآخَرِ، فَلَمَّا رَآهُ وَقَعَ لَهُ سَاجِدًا، فَقَالَ لِلرَّجُلِ:" ائْتِنِي بِشَيْءٍ أَشُدُّ رَأْسَهُ". فَشَدَّ رَأْسَهُ وَأَمْكَنَهُ مِنْهُ. ثُمَّ قَالَ:" اذْهَبْ فَإِنَّهُمَا لَا يَعْصِيَانِكَ". فَلَمَّا رَأَى أَصْحَابُ النَّبِيِّ - صَلَّى اللَّهُ عَلَيْهِ وَسَلَّمَ - ذَلِكَ قَالُوا: هَذَانِ فَحْلَانِ لَا يَعْقِلَانِ سَجَدَا لَكَ ; أَفَلَا نَسْجُدُ لَكَ؟ قَالَ:" لَا آمُرُ أَحَدًا أَنْ يَسْجُدَ لِأَحَدٍ، وَلَوْ أَمَرْتُ أَحَدًا يَسْجُدُ لِأَحَدٍ لَأَمَرْتُ الْمَرْأَةَ أَنْ تَسْجُدَ لِزَوْجِهَا".
رَوَاهُ الطَّبَرَانِيُّ، وَفِيهِ أَبُو عَزَّةَ الدَّبَّاغُ، وَثَّقَهُ ابْنُ حِبَّانَ، وَاسْمُهُ الْحَكَمُ بْنُ طَهْمَانَ، وَبَقِيَّةُ رِجَالِهِ ثِقَاتٌ.
سیدنا عبداللہ بن عباس رضی اللہ عنہما بیان کرتے ہیں: انصار سے تعلق رکھنے والے ایک شخص کے دو اونٹ تھے، اس نے ان دونوں کو ایک باغ میں داخل کیا اور دروازہ بند کر دیا، پھر وہ نبی اکرم صلی اللہ علیہ وسلم کے پاس آیا، اس کا یہ ارادہ تھا کہ نبی اکرم صلی اللہ علیہ وسلم ان دونوں کے لئے دعا کریں، نبی اکرم صلی اللہ علیہ وسلم انصار سے تعلق رکھنے والے کچھ افراد کے ہمراہ تشریف فرما تھے، اس نے عرض کی: اے اللہ کے نبی! میں ایک کام کے سلسلے میں آیا ہوں، میرے دو اونٹ ہیں، وہ دونوں سرکش ہو گئے ہیں، میں نے ان دونوں کو باغ میں داخل کیا ہے، اور دروازہ بند کر دیا ہے، میں یہ چاہتا ہوں کہ آپ میرے لئے یہ دعا کریں کہ اللہ تعالیٰ انہیں میرے لئے مسخر کر دے، تو نبی اکرم صلی اللہ علیہ وسلم نے اپنے اصحاب سے فرمایا کہ تم لوگ ہمارے ساتھ اٹھو، پھر نبی اکرم صلی اللہ علیہ وسلم تشریف لے گئے، پھر آپ دروازے پر آئے، آپ نے فرمایا: دروازہ کھولو! وہ شخص نبی اکرم صلی اللہ علیہ وسلم کے حوالے سے اندیشے کا شکار ہوا، تو نبی اکرم صلی اللہ علیہ وسلم نے فرمایا: تم دروازہ کھولو، اس نے دروازہ کھولا تو دو اونٹوں میں سے ایک دروازے کے قریب موجود تھا، جب اس نے نبی اکرم صلی اللہ علیہ وسلم کو دیکھا تو آپ کے سامنے سجدہ کیا، نبی اکرم صلی اللہ علیہ وسلم نے فرمایا: میرے پاس کوئی ایسی چیز لے کر آؤ، جس کے ذریعے میں اس کے سر کو باندھ دوں، اور اسے تمہارے ق ابومیں دے دوں، وہ شخص لگام لے کر آیا، نبی اکرم صلی اللہ علیہ وسلم نے اس کے سر کو باندھا اور اس کو ق ابومیں کر لیا، پھر آپ باغ کے ایک کونے میں تشریف لے گئے، جہاں دوسرا اونٹ موجود تھا، جب اس نے آپ کو دیکھا تو وہ بھی سجدے میں چلا گیا، نبی اکرم صلی اللہ علیہ وسلم نے اس شخص سے فرمایا: تم میرے پاس کوئی چیز لے کر آؤ، جس کے ذریعے میں اس کے سر کو باندھ دوں، نبی اکرم صلی اللہ علیہ وسلم نے اس کے سر کو باندھ دیا اور اسے اس شخص کے ق ابومیں دے دیا، پھر آپ نے فرمایا: تم جاؤ! یہ دونوں تمہاری نافرمانی نہیں کریں گے، جب نبی اکرم صلی اللہ علیہ وسلم کے اصحاب نے اس صورت حال کو دیکھا تو انہوں نے عرض کی: یہ دو اونٹ جو عقل نہیں رکھتے ہیں، انہوں نے آپ کو سجدہ کیا ہے، کیا ہم آپ کو سجدہ نہ کریں؟ نبی اکرم صلی اللہ علیہ وسلم نے فرمایا: ”میں کسی کو یہ اجازت نہیں دوں گا کہ وہ کسی دوسرے کو سجدہ کرے، اگر میں نے کسی کو یہ اجازت دینی ہوتی کہ وہ کسی دوسرے کو سجدہ کرے، تو میں نے عورت کو یہ ہدایت کرنی تھی کہ وہ اپنے شوہر کو سجدہ کرے۔“
یہ روایت امام طبرانی نے نقل کی ہے، اس کی سند میں ایک راوی ابوعزہ دباغ ہے، جسے ابن حبان نے ثقہ قرار دیا ہے، اس کا نام حکم بن طہمان ہے، اس روایت کے بقیہ رجال ثقہ ہیں۔ [مجمع الزاوئد ومنبع الفوائد/كتاب علامات النبوة/حدیث: 14155]
تخریج الحدیث: «اخرجه الطبراني فى المعجم الكبير (12003)، أخرجه المعجم الكبير للطبراني برقم: 12003، وأخرجه الأحاديث المختارة برقم: 373»

الحكم على الحديث:
إسنادہ حسن
مزید تخریج الحدیث شرح دیکھیں
اظهار التشكيل
حدیث نمبر: 7652
وَعَنِ ابْنِ عَبَّاسٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ:" لَوْ أَمَرْتُ أَحَدًا أَنْ يَسْجُدَ لِأَحَدٍ لَأَمَرْتُ الْمَرْأَةَ أَنْ تَسْجُدَ لِزَوْجِهَا".
رَوَاهُ الْبَزَّارُ، وَفِيهِ الْحَكَمُ بْنُ طَهْمَانَ أَبُو عَزَّةَ الدَّبَّاغُ، وَهُوَ ضَعِيفٌ.
سیدنا عبداللہ بن عباس رضی اللہ عنہما نبی اکرم صلی اللہ علیہ وسلم کا یہ فرمان نقل کرتے ہیں: ”اگر میں کس کو یہ حکم دیتا کہ وہ کسی دوسرے کو سجدہ کرے، تو میں عورت کو یہ حکم دیتا کہ وہ اپنے شوہر کو سجدہ کرے“۔
یہ روایت امام بزار نے نقل کی ہے۔ اس کی سند میں ایک راوی حکم بن طہمان ابوعزہ دباغ ہے، اور وہ ضعیف ہے۔ [مجمع الزاوئد ومنبع الفوائد/كتاب النكاح/حدیث: 7652]
تخریج الحدیث: «اخرجه البزار فى المسند (1467)»

الحكم على الحديث:
إسناده ضعیف
مزید تخریج الحدیث شرح دیکھیں
اظهار التشكيل
حدیث نمبر: 11953
حَدَّثَنَا الْعَبَّاسُ بْنُ الْفَضْلِ الْأَسْفَاطِيُّ ، ثَنَا أَبُو عَوْنٍ الزِّيَادِيُّ ، ثَنَا أَبُو عَزَّةَ الدَّبَّاغُ ، عَنْ أَبِي يَزِيدَ الْمَدِينِيِّ ، عَنْ عِكْرِمَةَ ، عَنِ ابْنِ عَبَّاسٍ رَضِيَ اللهُ عَنْهُمَا: أَنَّ رَجُلًا مِنَ الْأَنْصَارِ كَانَ لَهُ فَحْلَانِ فَاغْتَلَمَا، فَأَدْخَلَهُمَا حَائِطًا فَسَدَّ عَلَيْهِمَا الْبَابَ، ثُمَّ جَاءَ إِلَى النَّبِيِّ صَلَّى اللهُ عَلَيْهِ وَسَلَّمَ، فَأَرَادَ أَنْ يَدْعُوَ لَهُ وَالنَّبِيُّ صَلَّى اللهُ عَلَيْهِ وَسَلَّمَ قَاعِدٌ وَمَعَهُ نَفَرٌ مِنَ الْأَنْصَارِ، فَقَالَ: يَا نَبِيَّ اللهِ إِنِّي جِئْتُ فِي حَاجَةٍ، وَإِنَّ فَحْلَيْنِ لِي اغْتَلَمَا فَأَدْخَلْتُهُمَا حَائِطًا، وَسَدَدْتُ الْبَابَ عَلَيْهِمَا، فَأُحِبُّ أَنْ تَدْعُوَ لِي أَنْ يُسَخِّرَهُمَا اللهُ لِي، فَقَالَ لِأَصْحَابِهِ: " قُومُوا مَعَنَا " فَذَهَبَ حَتَّى أَتَى الْبَابَ، فَقَالَ: " افْتَحْ " فَفَتَحَ الْبَابَ، فَإِذَا أَحَدُ الْفَحْلَيْنِ قَرِيبٌ مِنَ الْبَابِ، فَلَمَّا رَأَى النَّبِيَّ صَلَّى اللهُ عَلَيْهِ وَسَلَّمَ سَجَدَ لَهُ، فَقَالَ النَّبِيُّ صَلَّى اللهُ عَلَيْهِ وَسَلَّمَ: " ائْتِنِي بِشَيْءٍ أَشُدُّ بِهِ رَأْسَهُ وَأُمَكِّنُكَ مِنْهُ "، فَجَاءَ بِخِطَامٍ فَشَدَّ بِهِ رَأْسَهُ، وَأَمْكَنَهُ مِنْهُ، ثُمَّ مَشَيَا إِلَى أَقْصَى الْحَائِطِ إِلَى الْفَحْلِ الْآخَرِ، فَلَمَّا رَآهُ وَقَعَ لَهُ سَاجِدًا، فَقَالَ لِلرَّجُلِ: " ائْتِنِي بِشَيْءٍ أَشُدُّ بِهِ رَأْسَهُ "، فَشَدَّ رَأْسَهُ وَأَمْكَنَهُ مِنْهُ، فَقَالَ: " اذْهَبْ فَإِنَّهُمَا لَا يَعْصِيَانِكَ "، فَلَمَّا رَأَى أَصْحَابُ النَّبِيِّ صَلَّى اللهُ عَلَيْهِ وَسَلَّمَ ذَلِكَ قَالَ: قَالُوا: يَا رَسُولَ اللهِ، هَذَيْنِ فَحْلَيْنِ لَا يَعْقِلَانِ سَجَدَا لَكَ أَفَلَا نَسْجُدُ لَكَ؟ قَالَ: لَا آمُرُ أَحَدًا أَنْ يَسْجُدَ لِأَحَدٍ وَلَوْ أَمَرْتُ أَحَدًا يَسْجُدُ لِأَحَدٍ لَأَمَرْتُ الْمَرْأَةَ أَنْ تَسْجُدَ لِزَوْجِهَا.
سیدنا عبداللہ بن عباس رضی اللہ عنہما سے روایت ہے کہ انصار میں سے ایک شخص کے دو نر اونٹ تھے جو مستی میں آ گئے، تو اس نے انہیں ایک باغ میں داخل کر کے ان پر دروازہ بند کر دیا، پھر وہ نبی کریم صلی اللہ علیہ وسلم کے پاس آیا اور اس کا ارادہ تھا کہ آپ صلی اللہ علیہ وسلم اس کے لیے دعا فرمائیں، جبکہ نبی کریم صلی اللہ علیہ وسلم بیٹھے ہوئے تھے اور آپ صلی اللہ علیہ وسلم کے ساتھ انصار کی ایک جماعت تھی، تو اس نے عرض کیا: اے اللہ کے نبی! میں ایک ضرورت لے کر آیا ہوں، میرے دو نر اونٹ مستی میں آ گئے ہیں، تو میں نے انہیں ایک باغ میں بند کر کے دروازہ ان پر مقفل کر دیا ہے، میں چاہتا ہوں کہ آپ میرے لیے دعا فرمائیں کہ اللہ انہیں میرے لیے مسخر کر دے۔ آپ صلی اللہ علیہ وسلم نے اپنے صحابہ سے فرمایا: ”ہمارے ساتھ چلو۔“ چنانچہ آپ صلی اللہ علیہ وسلم چل پڑے یہاں تک کہ دروازے پر پہنچے تو فرمایا: ”کھولو۔“ اس آدمی کو نبی کریم صلی اللہ علیہ وسلم کی جان کا خدشہ ہوا، مگر آپ صلی اللہ علیہ وسلم نے پھر فرمایا: ”کھولو۔“ تو اس نے دروازہ کھول دیا، دیکھا تو ایک نر اونٹ دروازے کے قریب تھا، جب اس نے نبی کریم صلی اللہ علیہ وسلم کو دیکھا تو آپ صلی اللہ علیہ وسلم کو سجدہ کر دیا۔ نبی کریم صلی اللہ علیہ وسلم نے فرمایا: ”مجھے کوئی چیز لا دو جس سے میں اس کا سر باندھوں اور تمہیں اس پر قابو دے دوں۔“ وہ کچھ رسی لے آیا، آپ صلی اللہ علیہ وسلم نے اس کا سر باندھ دیا اور اسے اس پر قابو دے دیا۔ پھر دونوں باغ کے دور والے کنارے پر دوسرے اونٹ کے پاس گئے، جب اس نے آپ صلی اللہ علیہ وسلم کو دیکھا تو وہ بھی آپ صلی اللہ علیہ وسلم کے سامنے سجدے میں گر گیا۔ آپ صلی اللہ علیہ وسلم نے اس آدمی سے فرمایا: ”مجھے کوئی چیز لا دو جس سے میں اس کا سر باندھوں۔“ اس نے اس کا سر باندھا اور اسے اس پر قابو دے دیا۔ آپ صلی اللہ علیہ وسلم نے فرمایا: ”جاؤ، اب یہ تمہاری نافرمانی نہیں کریں گے۔“ جب نبی کریم صلی اللہ علیہ وسلم کے صحابہ نے یہ دیکھا تو عرض کیا: یا رسول اللہ! یہ دو بے عقل جانور آپ کو سجدہ کر رہے ہیں، تو کیا ہم آپ کو سجدہ نہ کریں؟ آپ صلی اللہ علیہ وسلم نے فرمایا: ”میں کسی کو کسی کے لیے سجدہ کرنے کا حکم نہیں دیتا، اور اگر میں کسی کو کسی کے لیے سجدہ کرنے کا حکم دیتا تو عورت کو حکم دیتا کہ وہ اپنے شوہر کو سجدہ کرے۔“ [المعجم الكبير للطبراني/باب العين/حدیث: 11953]
تخریج الحدیث: «المعجم الكبير للطبراني (مطبوعہ): جلد 11، صفحہ 356، حدیث 12003»

مزید تخریج الحدیث شرح دیکھیں