🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب إتحاف الخيرة المهرة اور فضائل الصحابة اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:
23. بَابٌ فِي كُلِّ ذِي نَابٍ ، أَوْ ظُفُرٍ ، وَمَا نُهِيَ عَنْهُ .
ہر نوکیلے دانتوں والے اور پنجوں والے جانور کا بیان اور اس سے جو منع کیا گیا ہے، اس کا بیان
اطراف الحدیث — مجمع الزاوئد ومنبع الفوائد حدیث نمبر 6078 (کل: 4 مقامات، 2 کتب)
مجمع الزاوئد ومنبع الفوائد: 6078، 4219
المعجم الکبیر للطبرانی: 7761، 7768
اظهار التشكيل
حدیث نمبر: 6078
وَعَنْ أَبِي أُمَامَةَ قَالَ: خَرَجْنَا مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فِي غَزْوَةٍ غَزَاهَا فَأَمَرَ مُنَادِيًا فَنَادَى:" إِنَّ الْجَنَّةَ لَا تَحِلُّ لِعَاصٍ، أَلَا وَإِنَّ الْحُمُرَ الْأَهْلِيَّةَ حَرَامٌ، وَكُلَّ ذِي نَابٍ - أَوْ قَالَ: - ذِي ظُفُرٍ".
وَفِي رِوَايَةٍ:" وَكُلُّ سَبُعٍ ذِي ظُفُرٍ، أَوْ نَابٍ".
رَوَاهُ الطَّبَرَانِيُّ فِي الْكَبِيرِ فِي حَدِيثٍ طَوِيلٍ - تَقَدَّمَ فِي الْجَنَائِزِ -، وَفِيهِ لَيْثُ بْنُ أَبِي سُلَيْمٍ، وَهُوَ ثِقَةٌ، وَلَكِنَّهُ مُدَلِّسٌ، وَبَقِيَّةُ رِجَالِهِ ثِقَاتٌ.
سیدنا ابوامامہ رضی اللہ عنہ بیان کرتے ہیں: ہم نبی اکرم صلی اللہ علیہ وسلم کے ساتھ ایک جنگ میں حصہ لینے کے لئے نکلے آپ نے منادی کو یہ حکم دیا تو اس نے یہ اعلان کیا: جنت کسی نافرمان کے لئے حلال نہیں ہے۔ خبردار! پالتو گدھے حرام ہیں اور ہر نوکیلے دانتوں والا (راوی کو شک ہے شاید یہ الفاظ ہیں:) نوکیلے پنجوں والا جانور حرام ہے۔ ایک روایت میں یہ الفاظ ہیں: ”ہر وہ درندہ جو ناخنوں والا ہو یا دانتوں والا ہو“۔
یہ روایت امام طبرانی نے معجم کبیر میں ایک طویل حدیث میں ذکر کی ہے، جو جنائز سے متعلق باب میں پہلے گزر چکی ہے اس کی سند میں ایک راوی لیث بن ابوسلیم ہے وہ ثقہ ہے لیکن وہ تدلیس کرنے والا ہے اس روایت کے بقیہ رجال ثقہ ہیں۔ [مجمع الزاوئد ومنبع الفوائد/كتاب الصيد والذبائح/حدیث: 6078]
تخریج الحدیث: «اخرجه الطبراني فى المعجم الكبير (7792 و 7793)، أخرجه المعجم الكبير للطبراني برقم: 7793»

الحكم على الحديث:
إسناده ضعیف
مزید تخریج الحدیث شرح دیکھیں
اظهار التشكيل
حدیث نمبر: 4219
وَعَنْ أَبِي أُمَامَةَ - رَضِيَ اللَّهُ عَنْهُ - قَالَ: خَرَجْنَا مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فِي غَزْوَةٍ غَزَاهَا فَأَمَرَ الْمُنَادِيَ فَنَادَى:" مَنْ كَانَ مُضْعِفًا مَعَنَا فَلْيَرْجِعْ"، فَجَعَلَ النَّاسُ يَتَرَاجَعُونَ حَتَّى بَلَغُوا مَضِيقًا مِنَ الطَّرِيقِ، فَوَقَصَتْ بِرَجُلٍ نَاقَتُهُ فَقَتَلَتْهُ، فَرَآهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - [ فَنَادَى بِالْمُسْلِمِينَ فَأَتَاهُ النَّاسُ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ ] :" مَا شَأْنُكُمْ أَوْ مَا حَبَسَكُمْ؟"، قَالُوا: يَا رَسُولَ اللَّهِ، فُلَانٌ أَتَى الْمَضِيِقَ فَوَقَصَتْهُ نَاقَتُهُ فَقَتَلَتْهُ، فَدَعَوْهُ يُصَلِّي عَلَيْهِ فَأَبَى، فَأَمَرَ مُنَادِيًا فَنَادَى:" إِنَّ الْجَنَّةَ لَا تَحِلُّ لِعَاصٍ، أَلَا وَإِنَّ الْحُمُرَ الْأَهْلِيَّةَ حَرَامٌ، وَكُلُّ [ سَبُعٍ ] ذِي نَابٍ، أَوْ قَالَ: ظُفُرٍ".
رَوَاهُ الطَّبَرَانِيُّ فِي الْكَبِيرِ، وَفِيهِ لَيْثُ بْنُ أَبِي سُلَيْمٍ، وَهُوَ مُدَلِّسٌ، وَلَكِنَّهُ ثِقَةٌ.
سیدنا ابوامامہ رضی اللہ عنہ بیان کرتے ہیں: ہم لوگ نبی اکرم صلی اللہ علیہ وسلم کے ہمراہ ایک جنگ میں حصہ لینے کے لئے نکلے نبی اکرم صلی اللہ علیہ وسلم نے منادی کو حکم دیا اس نے یہ اعلان کیا ہمارے ساتھ جو شخص کمزور جانور والا ہو اسے واپس چلے جانا چاہیے تو لوگوں نے واپس جانا شروع کر دیا یہاں تک کہ وہ راستے میں ایک تنگ جگہ کے پاس پہنچے تو ایک شخص کی اونٹنی نے اسے نیچے گرا دیا جس کے نتیجے میں وہ شخص مر گیا۔ نبی اکرم صلی اللہ علیہ وسلم نے یہ صورت حال ملاحظہ فرمائی تو بلند آواز میں مسلمانوں کو پکارا تو کچھ لوگ نبی اکرم صلی اللہ علیہ وسلم کی خدمت میں حاضر ہوئے تو نبی اکرم صلی اللہ علیہ وسلم نے دریافت کیا: تمہارا کیا معاملہ ہے؟ (راوی کو شک ہے، یا شاید یہ الفاظ ہیں:) کس چیز نے تمہیں روک دیا ہے؟ لوگوں نے عرض کی: یا رسول اللہ! فلاں شخص تنگ جگہ پر پہنچا تھا اس کی اونٹنی نے اسے گرا دیا جس کے نتیجے میں وہ شخص مر گیا لوگوں نے نبی اکرم صلی اللہ علیہ وسلم سے یہ درخواست کی کہ آپ اس کی نماز جنازہ پڑھائیں تو آپ نے یہ بات قبول نہیں کی آپ نے منادی کو حکم دیا اس نے بلند آواز میں یہ اعلان کیا: جنت کسی نافرمان کے لئے حلال نہیں ہے خبردار پالتو گدھے حرام ہیں اور ہر نوکیلے دانت والے (راوی کو شک ہے شاید یہ الفاظ ہیں:) ہر ناخن والے درندے (کا گوشت کا کھانا) حرام ہے“۔
یہ روایت امام طبرانی نے معجم کبیر میں نقل کی ہے۔ اس کی سند میں ایک راوی لیث بن ابوسلیم ہے، اور وہ تدلیس کرنے والا ہے، لیکن وہ ثقہ ہے۔ [مجمع الزاوئد ومنبع الفوائد/كتاب الجنائز/حدیث: 4219]
تخریج الحدیث: «اخرجه الطبراني فى المعجم الكبير (7792)، أخرجه المعجم الكبير للطبراني برقم: 7792، 7793»

الحكم على الحديث:
إسناده ضعیف
مزید تخریج الحدیث شرح دیکھیں
اظهار التشكيل
حدیث نمبر: 7761
حَدَّثَنَا عَبْدُ الرَّحْمَنِ بْنُ خَلَّادٍ الدَّوْرَقِيُّ ، ثَنَا إِسْحَاقُ بْنُ إِبْرَاهِيمَ الشَّهِيدِيُّ ، ثَنَا الْمُعْتَمِرُ ، قَالَ: سَمِعْتُ لَيْثًا يُحَدِّثُ، عَنْ ثَابِتِ بْنِ عَجْلَانَ ، عَنْ أَبِي عَبْدِ الرَّحْمَنِ ، عَنْ أَبِي أُمَامَةَ قَالَ: خَرَجْنَا مَعَ رَسُولِ اللهِ - صَلَّى اللهُ عَلَيْهِ وَسَلَّمَ - فِي غَزْوَةٍ غَزَاهَا، فَأَمَرَ الْمُنَادِيَ، فَنَادَى: مَنْ كَانَ مُضَعَّفًا، فَلْيَرْجِعْ. فَجَعَلَ النَّاسُ يَتَرَاجَعُونَ حَتَّى بَلَغُوا مَضِيقًا مِنَ الطَّرِيقِ، فَوَقَصَتْ بِرَجُلٍ نَاقَتُهُ فَقَتَلَتْهُ، فَرَآهُ رَسُولُ اللهِ - صَلَّى اللهُ عَلَيْهِ وَسَلَّمَ - فَنَادَى بِالْمُسْلِمِينَ فَأَتَاهُ النَّاسُ، فَقَالَ رَسُولُ اللهِ - صَلَّى اللهُ عَلَيْهِ وَسَلَّمَ -: " مَا شَأْنُكُمْ، وَمَا حَبَسَكُمْ؟ " قَالُوا: يَا رَسُولَ اللهِ، فُلَانُ أَتَى الْمَضِيقَ مِنَ الطَّرِيقِ، فَوَقَصَتْهُ رَاحِلَتُهُ فَقَتَلَتْهُ. قَالَ: فَدَعَوْهُ يُصَلِّي عَلَيْهِ، فَأَبَى، فَأَمَرَ مُنَادِيًا، فَنَادَى: " إِنَّ الْجَنَّةَ لَا تَحِلُّ لِعَاصٍ، أَلَا وَإِنَّ الْحُمُرَ الْأَهْلِيَّةَ حَرَامٌ، وَكُلُّ سَبُعٍ ذِي نَابٍ - أَوْ قَالَ - ذِي ظُفُرٍ.
سیدنا ابو امامہ رضی اللہ عنہ سے روایت ہے: ہم رسول اللہ صلی اللہ علیہ وسلم کے ساتھ ایک غزوے میں نکلے، تو آپ صلی اللہ علیہ وسلم نے منادی کرنے والے کو حکم دیا، اس نے اعلان کیا: ”جو کمزور ہو وہ واپس لوٹ جائے۔“ تو لوگ واپس لوٹنے لگے یہاں تک کہ راستے کی ایک تنگ جگہ پر پہنچے، تو ایک آدمی کی اونٹنی نے اس کی گردن مروڑ کر اسے مار ڈالا۔ رسول اللہ صلی اللہ علیہ وسلم نے اسے دیکھا تو مسلمانوں کو پکارا، لوگ آپ صلی اللہ علیہ وسلم کے پاس آئے، آپ صلی اللہ علیہ وسلم نے فرمایا: ”تمہیں کیا ہوا، تم کیوں رکے ہو؟“ لوگوں نے کہا: یا رسول اللہ! فلاں شخص راستے کی تنگ جگہ پر پہنچا تو اس کی سواری نے اس کی گردن مروڑ کر اسے مار ڈالا۔ راوی کہتے ہیں: لوگوں نے آپ صلی اللہ علیہ وسلم کو بلایا کہ آپ اس پر نماز (جنازہ) پڑھائیں، تو آپ صلی اللہ علیہ وسلم نے انکار فرما دیا، پھر ایک منادی کو حکم دیا، تو اس نے اعلان کیا: ”جنت نافرمان کے لیے حلال نہیں“
”سن لو! پالتو گدھے حرام ہیں، اور ہر کچلی والا“ — یا فرمایا ”پنجے والا — درندہ حرام ہے۔“ [المعجم الكبير للطبراني/باب الصاد/حدیث: 7761]
تخریج الحدیث: «المعجم الكبير للطبراني (مطبوعہ): جلد 8، صفحہ 192، حدیث 7792»

مزید تخریج الحدیث شرح دیکھیں
اظهار التشكيل
حدیث نمبر: 7768
حَدَّثَنَا أَحْمَدُ بْنُ الْحُسَيْنِ بْنِ مُدْرِكٍ ، ثَنَا سُلَيْمَانُ بْنُ أَحْمَدَ الْوَاسِطِيُّ ، ثَنَا أَبُو خُلَيْدٍ عُتْبَةُ بْنُ حَمَّادٍ ، ثَنَا ابْنُ ثَوْبَانَ ، عَنِ الْقَاسِمِ ، عَنْ أَبِي أُمَامَةَ قَالَ: نُودِيَ فِينَا عَامَ خَيْبَرَ مَعَ رَسُولِ اللهِ - صَلَّى اللهُ عَلَيْهِ وَسَلَّمَ -: كُلُّ ذِي نَابٍ مِنَ السِّبَاعِ حَرَامٌ، وَالْحُمُرُ الْأَهْلِيَّةُ حَرَامٌ، وَأَنَّ الْجَنَّةَ لَا تَحِلُّ لِعَاصٍ.
سیدنا ابو امامہ رضی اللہ عنہ کہتے ہیں: خیبر کے سال ہمارے درمیان رسول اللہ صلی اللہ علیہ وسلم کے ساتھ یہ اعلان کیا گیا: ”ہر کچلی والا درندہ حرام ہے، اور پالتو گدھے حرام ہیں“
”اور بیشک جنت نافرمان کے لیے حلال نہیں۔“ [المعجم الكبير للطبراني/باب الصاد/حدیث: 7768]
تخریج الحدیث: «المعجم الكبير للطبراني (مطبوعہ): جلد 8، صفحہ 195، حدیث 7799»

مزید تخریج الحدیث شرح دیکھیں