حضرت عبایہ بن رفاعہ سے روایت ہے، انہوں نے کہا کہ میں نماز جمعہ کے لیے جا رہا تھا کہ مجھے پیچھے سے حضرت ابوعبس (عبدالرحمٰن بن جبر) رضی اللہ عنہ آ ملے، انہوں نے فرمایا کہ میں نے رسول اللہ صلی اللہ علیہ وسلم کو یہ فرماتے ہوئے سنا: ”جس شخص کے قدم اللہ کے راستے میں غبار آلود ہو گئے، اللہ تعالیٰ اسے جہنم پر حرام کر دے گا۔“ [صحيح البخاري/كتاب الجمعة/حدیث: 907]

حضرت ابو عبس عبد الرحمن بن جبر رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس بندے کے قدم اللہ کی راہ میں غبار آلود ہو گئے، اسے جہنم کی آگ نہیں چھوئے گی۔“ [صحيح البخاري/كتاب الجمعة/حدیث: 2811]