حضرت ابو ہریرہ رضی اللہ عنہ فرماتے تھے، اگر میں مدینہ میں ہرنیاں چرتی دیکھوں تو میں انہیں پریشان یا ہراساں نہیں کروں گا، نبی اکرم صلی اللہ علیہ وسلم نے فرمایا ہے: ”اس کے دونوں حروں کے درمیان کا علاقہ حرم ہے۔“ [صحيح مسلم/كتاب الحج/حدیث: 3332]

حضرت ابو ہریرہ رضی اللہ عنہ سے روایت ہے کہ نبی اکرم صلی اللہ علیہ وسلم نے ”مدینہ کے دونوں حروں کے درمیانی علاقہ کو حرمت والا“ قرار دیا ہے، حضرت ابو ہریرہ رضی اللہ عنہ فرماتے ہیں: تو اگر میں اس کے دونوں حروں کے درمیان ہرنیوں کو پاؤں تو انہیں ہراساں یا خوف زدہ نہیں کروں گا، اور آپ صلی اللہ علیہ وسلم نے ”مدینہ کے گرد بارہ (12) میل کے علاقہ کو «حِمًى» ”(ممنوعہ علاقہ جس میں نہ کوئی درخت کاٹا جا سکتا ہے، اور نہ کسی جانور کا شکار کیا جا سکتا ہے)“ قرار دیا ہے۔ [صحيح مسلم/كتاب الحج/حدیث: 3333]