سیدنا ابوہریرہ رضی اللہ عنہ بیان کرتے ہیں کہ میں نے رسول اللہ صلی اللہ علیہ وسلم کو یہ فرماتے سنا: ”جب تم پر اندھیری رات کے ٹکڑوں کی طرح فتنے ٹوٹ پڑیں گے تو ان سے زیادہ نجات حاصل کرنے والے (‏‏‏‏دو قسم کے لوگ ہوں گے:) (‏‏‏‏۱) (‏‏‏‏پہاڑوں کی) بلند و بالا چوٹیوں پر نکل جانے والا آدمی جو بکریوں کے دودھ کو خوراک بنائے گا اور (۲) وہ آدمی جو شاہراہ حیات سے ہٹ کر اپنے گھوڑے کی لگام تھام کر (‏‏‏‏کسی سرحد پر فروکش ہو کر) اپنے تلوار کے مال غنیمت کے ذریعے روزی کمائے گا۔“ ‏‏‏‏