🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب إتحاف الخيرة المهرة اور فضائل الصحابة اردو عربی سرچ سہولت کے ساتھ پیش کر دی گئی ہے۔ News
مشكوة المصابيح سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مشکوۃ المصابیح میں ترقیم شاملہ سے تلاش کل احادیث (6294)
حدیث نمبر لکھیں:
حدیث میں اردو لفظ/الفاظ تلاش کریں
اردو لفظ / الفاظ لکھیں:
حدیث میں اردو لفظ/الفاظ تلاش کریں
اردو لفظ / الفاظ لکھیں:
--. (أَوْصَافُ النَّبِيِّ الكَرِيمِ صَلَّى اللَّهُ عَلَيْهِ وَسَلَّمَ الحَسَنَةُ)
نبی کریم صلی اللہ علیہ وسلم اوصاف حسنہ
شواہد الحدیث — مشكوة المصابيح حدیث نمبر 5820 (کل: 4 مقامات، 4 کتب)
مشکوۃ المصابیح: 5820
مسند احمد: 9787
الفتح الربانی: 11123
المطالب العالية بزوائد المسانيد الثمانية: 4216
اظهار التشكيل
حدیث نمبر: 5820
5820 - وَعَنْ عَائِشَةَ، قَالَتْ: لَمْ يَكُنْ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَاحِشًا وَلَا مُتَفَحِّشًا  وَلَا سَخَّابًا فِي الْأَسْوَاقِ وَلَا يَجْزِي بِالسَّيِّئَةِ السَّيِّئَةَ وَلَكِنْ يَعْفُو وَيَصْفَحُ. رَوَاهُ التِّرْمِذِيُّ.
عائشہ رضی اللہ عنہا بیان کرتی ہیں کہ رسول اللہ صلی ‌اللہ ‌علیہ ‌وآلہ ‌وسلم نہ ہی طبعاً فحش گو تھے اور نہ ہی تکلفاً فحش گو تھے، آپ صلی ‌اللہ ‌علیہ ‌وآلہ ‌وسلم بازاروں میں شور و غل کرنے والے نہ تھے اور نہ ہی برائی کا بدلہ برائی سے دیتے تھے، بلکہ آپ صلی ‌اللہ ‌علیہ ‌وآلہ ‌وسلم درگزر فرماتے اور معاف فرما دیتے تھے۔ [إِسْنَادُهُ صَحِيحٌ، رَوَاهُ التِّرْمِذِيُّ] [مشكوة المصابيح/كتاب الفضائل والشمائل/حدیث: 5820]
تخریج الحدیث: ´تحقيق و تخريج: محدث العصر حافظ زبير على زئي رحمه الله` «إسناده صحيح، رواه الترمذي (2016 وقال: حسن صحيح)»
قال الشيخ الألباني: صَحِيحٌ
قال الشيخ زبير على زئي:إسناده صحيح

مزید تخریج الحدیث شرح دیکھیں
اظهار التشكيل
حدیث نمبر: 9787
حَدَّثَنَا يَزِيدُ بْنُ هَارُونَ ، قَالَ: أَخْبَرَنَا ابْنُ أَبِي ذِئْبٍ . ح وَرَوْحٌ ، قَالَ: حَدَّثَنَا ابْنُ أَبِي ذِئْبٍ ، عَنْ صَالِحٍ مَوْلَى التَّوْءَمَةِ، قَالَ: سَمِعْتُ أَبَا هُرَيْرَةَ يَنْعَتُ النَّبِيَّ صَلَّى اللَّهُ عَلَيْهِ وَسَلَّمَ، فَقَالَ: " كَانَ شَبْحَ الذِّرَاعَيْنِ، أَهْدَبَ أَشْفَارِ الْعَيْنَيْنِ، بَعِيدَ مَا بَيْنَ الْمَنْكِبَيْنِ، يُقْبِلُ إِذَا أَقْبَلَ جَمِيعًا، وَيُدْبِرُ إِذَا أَدْبَرَ جَمِيعًا" . قَالَ رَوْحٌ فِي حَدِيثِهِ: بِأَبِي وَأُمِّي، " لَمْ يَكُنْ فَاحِشًا، وَلَا مُتَفَحِّشًا، وَلَا سَخَّابًا بِالْأَسْوَاقِ" .
حضرت ابوہریرہ رضی اللہ عنہ سے مروی ہے کہ وہ نبی کریم صلی اللہ علیہ وسلم کا حلیہ بیان کرتے ہوئے فرماتے تھے کہ آپ صلی اللہ علیہ وسلم کے ہاتھ بھرے ہوئے آنکھوں کی پلکیں لمبی اور گھنی اور دونوں کندھوں کے درمیان فاصلہ تھا آپ صلی اللہ علیہ وسلم پوری طرح متوجہ ہوتے اور پوری طرح رخ پھیرتے میرے ماں باپ آپ پر قربان ہوں وہ فحش گو یا بتکلف بےحیاء نہ بنتے تھے اور نہ ہی بازاروں میں شور مچاتے پھرتے تھے۔ [مسند احمد/مسند المكثرين من الصحابة/حدیث: 9787]

الحكم على الحديث:
إسناده حسن
مزید تخریج الحدیث شرح دیکھیں
اظهار التشكيل
حدیث نمبر: 11123
عَنْ صَالِحٍ مَوْلَى التَّوْأَمَةِ قَالَ سَمِعْتُ أَبَا هُرَيْرَةَ رَضِيَ اللَّهُ عَنْهُ يَنْعَتُ النَّبِيَّ صَلَّى اللَّهُ عَلَيْهِ وَآلِهِ وَسَلَّمَ فَقَالَ كَانَ شَبْحَ الذِّرَاعَيْنِ أَهْدَبَ أَشْفَارِ الْعَيْنَيْنِ بَعِيدَ مَا بَيْنَ الْمَنْكِبَيْنِ يُقْبِلُ إِذَا أَقْبَلَ جَمِيعًا وَيُدْبِرُ إِذَا أَدْبَرَ جَمِيعًا قَالَ رَوْحٌ فِي حَدِيثِهِ بِأَبِي وَأُمِّي لَمْ يَكُنْ فَاحِشًا وَلَا مُتَفَحِّشًا وَلَا سَخَّابًا بِالْأَسْوَاقِ زَادَ فِي رِوَايَةٍ ضَخْمَ الْكَفَّيْنِ وَالْقَدَمَيْنِ لَمْ أَرَ بَعْدَهُ مِثْلَهُ
ابو صالح مولی التوأمہ سے مروی ہے، وہ کہتے ہیں: میں نے سیدنا ابو ہریرہ رضی اللہ عنہ کو سنا، وہ نبی کریم صلی اللہ علیہ وآلہ وسلم کا حلیہ مبارک بیان کر رہے تھے، انھوں نے کہا:آپ صلی اللہ علیہ وآلہ وسلم کے ہاتھ طویل (یا عریض) تھے، آنکھوں کی پلکیں بھی طویل تھیں، کندھوں کے درمیان تھوڑا سا نمایاں فاصلہ تھا (یعنی آپ صلی اللہ علیہ وآلہ وسلم کا سینہ چوڑا تھا)، آپ صلی اللہ علیہ وآلہ وسلم جس طرف بھی مڑتے، پوری طرح مڑتے اور متوجہ ہوتے۔روح راوی نے اپنی حدیث میں کہا: میرے ماں باپ آپ پر نثار ہوں، آپ عادۃًیا تکلفاً فحش گو نہ تھے، نہ ہی آپ صلی اللہ علیہ وآلہ وسلم بازاروں (اور گلیوں) میں بلند آواز سے بولتے تھے، آپ کی ہتھیلیاں اور قدم مبارک گوشت سے بھرے ہوئے تھے، میں نے آپ کے بعد آپ جیسا کوئی نہیں دیکھا۔ [الفتح الربانی/حدیث: 11123]
تخریج الحدیث: «اسناده حسن، اخرجه البيهقي في دلائل النبوة: 1/ 244، (انظر مسند أحمد ترقيم الرسالة: 9787 ترقیم بيت الأفكار الدولية: 9786»

الحكم على الحديث:
اسناده حسن
مزید تخریج الحدیث شرح دیکھیں
اظهار التشكيل
حدیث نمبر: 4216
قَالَ أَبُو دَاوُدَ : حَدَّثَنَا ابْنُ أَبِي ذِئْبٍ ، عَنْ صَالِحٍ مَوْلَى التَّوْأَمَةِ ، عَنْ أَبِي هُرَيْرَةَ رَضِيَ اللهُ عَنْهُ، قَالَ: كَانَ رَسُولُ اللهِ صَلَّى اللهُ عَلَيْهِ وَسَلَّمَ شَبْحَ الذِّرَاعَيْنِ، بَعِيدَ مَا بَيْنَ الْمَنْكِبَيْنِ، أَهْدَبَ الْأَشْفَارِ - أَشْفَارِ الْعَيْنِ - لَمْ يَكُنْ سَخَّابًا فِي الْأَسْوَاقِ، وَلَمْ يَكُنْ فَاحِشًا وَلَا مُتَفَحِّشًا، كَانَ صَلَّى اللهُ عَلَيْهِ وَسَلَّمَ يُقْبِلُ جَمِيعًا وَيُدْبِرُ جَمِيعًا.
سیدنا ابوہریرہ رضی اللہ عنہ سے روایت ہے کہ ”رسول اللہ صلی اللہ علیہ وسلم چوڑی اور لمبی کلائیوں والے تھے، آپ صلی اللہ علیہ وسلم کے دونوں کندھوں کے درمیان چوڑائی تھی (یعنی آپ صلی اللہ علیہ وسلم چوڑے شانوں والے تھے)، آپ صلی اللہ علیہ وسلم کی آنکھوں کی پلکیں دراز اور گھنی تھیں، آپ صلی اللہ علیہ وسلم بازاروں میں چیخنے چلانے اور شور و غل مچانے والے نہیں تھے، آپ صلی اللہ علیہ وسلم کی ذاتِ گرامی میں نہ تو فحش گوئی تھی اور نہ ہی آپ صلی اللہ علیہ وسلم تکلف سے بدکلامی کرنے والے تھے، آپ صلی اللہ علیہ وسلم (دورانِ گفتگو کسی کی طرف متوجہ ہونے کے لیے) اپنے پورے وجودِ مبارک کے ساتھ مڑتے تھے اور (واپس مڑتے ہوئے بھی) پورے بدنِ اطہر کے ساتھ رخ پھیرتے تھے۔“
اسے امام ابو داؤد طیالسی نے اپنی مسند میں روایت کیا ہے، اس کی سند میں صالح مولیٰ التوامہ نامی راوی کے حافظہ میں آخری عمر میں اختلاط (یادداشت کی کمزوری) کی وجہ سے کلام ہے، البتہ ان اوصافِ مبارکہ کے شواہد دیگر معتبر احادیث اور شمائل کی کتب میں موجود ہیں۔ [المطالب العالية بزوائد المسانيد الثمانية/كتاب السيرة والمغازي/حدیث: 4216]
تخریج الحدیث: «أخرجه مسند أحمد برقم: 8152، وأخرجه مصنف عبد الرزاق برقم: 20490، وأخرجه إتحاف الخيرة المهرة بزوائد المسانيد العشرة برقم: 6320»

مزید تخریج الحدیث شرح دیکھیں