الحمدللہ ! آج حدیث مبارک کی دو نئی کتب إتحاف الخيرة المهرة اور فضائل الصحابة اردو عربی سرچ سہولت کے ساتھ پیش کر دی گئی ہے۔
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
39. بَابٌ مِنْهُ فِي الْإِسْرَاءِ .
معراج کے بارے میں مزید روایات
شواہد الحدیث — مجمع الزاوئد ومنبع الفوائد حدیث نمبر 235 (کل: 82 مقامات، 22 کتب)
سنن ابوداود: 489
سنن ترمذی: 2524
سنن دارمی: 1427
مشکوۃ المصابیح: 5747
مسند الشهاب: 1112
المنتقى ابن الجارود: 124
الجامع الكامل: 494، 730، 795، 884، 923، 924، 1706، 1709، 8008، 12169، 12347، 12587، 12905، 13117، 13231، 13482، 13484، 16295، 16297
مسند ابی یعلیٰ موصلی: 3038
1 تا 10
حدیث نمبر: 235
عَنْ أَبِي هُرَيْرَةَ - رَضِيَ اللَّهُ عَنْهُ - أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - أَتَى بِفَرَسٍ، يَجْعَلُ كُلَّ خَطْوٍ مِنْهُ أَقْصَى بَصَرِهِ، فَسَارَ وَسَارَ مَعَهُ جِبْرِيلُ - صَلَّى اللَّهُ عَلَيْهِ وَسَلَّمَ - فَأَتَى عَلَى قَوْمٍ يَزْرَعُونَ فِي يَوْمٍ، وَيَحْصُدُونَ فِي يَوْمٍ، كُلَّمَا حَصَدُوا عَادَ كَمَا كَانَ، فَقَالَ: يَا جِبْرِيلُ، مَنْ هَؤُلَاءِ؟ قَالَ: هَؤُلَاءِ الْمُجَاهِدُونَ فِي سَبِيلِ اللَّهِ، تُضَاعَفُ لَهُمُ الْحَسَنَةُ بِسَبْعِمِائَةِ ضِعْفٍ، وَمَا أَنْفَقُوا مِنْ شَيْءٍ فَهُوَ يُخْلِفُهُ، ثُمَّ أَتَى عَلَى قَوْمٍ تُرْضَخُ رُءُوسُهُمْ بِالصَّخْرِ، كُلَّمَا رُضِخَتْ عَادَتْ كَمَا كَانَتْ، وَلَا يُفَتَّرُ عَنْهُمْ مِنْ ذَلِكَ شَيْءٌ. قَالَ: يَا جِبْرِيلُ، مَنْ هَؤُلَاءِ؟ قَالَ: هَؤُلَاءِ الَّذِينَ تَثَاقَلَتْ رُءُوسُهُمْ عَنِ الصَّلَاةِ، ثُمَّ أَتَى عَلَى قَوْمٍ عَلَى أَدْبَارِهِمْ رِقَاعٌ، وَعَلَى أَقْبَالِهِمْ رِقَاعٌ، يَسْرَحُونَ كَمَا تَسْرَحُ الْأَنْعَامُ إِلَى الضَّرِيعِ وَالزَّقُّومِ وَرَضْفِ جَهَنَّمَ. قَالَ: مَا هَؤُلَاءِ يَا جِبْرِيلُ؟ قَالَ: هَؤُلَاءِ الَّذِينَ لَا يُؤَدُّونَ صَدَقَاتِ أَمْوَالِهِمْ، وَمَا ظَلَمَهُمُ اللَّهُ، وَمَا اللَّهُ بِظَلَّامٍ لِلْعَبِيدِ، ثُمَّ أَتَى عَلَى قَوْمٍ بَيْنَ أَيْدِيهِمْ لَحْمٌ فِي قِدْرٍ نَضِيجٌ، وَلَحْمٌ آخَرُ نِيءٌ خَبِيثٌ، فَجَعَلُوا يَأْكُلُونَ الْخَبِيثَ وَيَدَعُونَ النَّضِيجَ الطَّيِّبَ. قَالَ: يَا جِبْرِيلُ، مَنْ هَؤُلَاءِ؟ قَالَ: الرَّجُلُ مِنْ أُمَّتِكَ يَقُومُ مِنْ عِنْدِ امْرَأَتِهِ حَلَالًا، فَيَأْتِي الْمَرْأَةَ الْخَبِيثَةَ، فَيَبِيتُ مَعَهَا حَتَّى يُصْبِحَ، وَالْمَرْأَةُ تَقُومُ مِنْ عِنْدِ زَوْجِهَا حَلَالًا طَيِّبًا، فَتَأْتِي الرَّجُلَ الْخَبِيثَ فَتَبِيتُ عِنْدَهُ حَتَّى تُصْبِحَ، ثُمَّ أَتَى عَلَى رَجُلٍ قَدْ جَمَعَ حُزْمَةً عَظِيمَةً لَا يَسْتَطِيعُ حَمْلَهَا وَهُوَ يُرِيدُ أَنْ يَزِيدَ عَلَيْهَا، فَقَالَ: يَا جِبْرِيلُ، مَنْ هَذَا؟ قَالَ: هَذَا رَجُلٌ مِنْ أُمَّتِكَ عَلَيْهِ أَمَانَةُ النَّاسِ، لَا يَسْتَطِيعُ أَدَاءَهَا وَهُوَ يَزِيدُ عَلَيْهَا، ثُمَّ أَتَى عَلَى قَوْمٍ تُقْرَضُ شِفَاهُهُمْ وَأَلْسِنَتُهُمْ بِمَقَارِيضَ مِنْ حَدِيدٍ، كُلَّمَا قُرِضَتْ عَادَتْ كَمَا كَانَتْ، لَا يُفَتَّرُ عَنْهُمْ مِنْ ذَلِكَ شَيْءٌ. قَالَ: يَا جِبْرِيلُ، مَا هَؤُلَاءِ؟ قَالَ: خُطَبَاءُ الْفِتْنَةِ، ثُمَّ أَتَى عَلَى جُحْرٍ صَغِيرٍ يَخْرُجُ مِنْهُ ثَوْرٌ عَظِيمٌ، فَيُرِيدُ الثَّوْرُ أَنْ يَدْخُلَ مِنْ حَيْثُ خَرَجَ فَلَا يَسْتَطِيعُ، فَقَالَ: مَا هَذَا يَا جِبْرِيلُ؟ قَالَ: هَذَا الرَّجُلُ يَتَكَلَّمُ بِالْكَلِمَةِ الْعَظِيمَةِ فَيَنْدَمُ عَلَيْهَا، فَيُرِيدُ أَنْ يَرُدَّهَا فَلَا يَسْتَطِيعُ، ثُمَّ أَتَى عَلَى وَادٍ فَوَجَدَ رِيحًا طَيِّبَةً، وَوَجَدَ رِيحَ مِسْكٍ مَعَ صَوْتٍ، فَقَالَ: مَا هَذَا؟ قَالَ: صَوْتُ الْجَنَّةِ تَقُولُ: يَا رَبِّ، ائْتِنِي بِأَهْلِي وَبِمَا وَعَدْتَنِي، فَقَدْ كَثُرَ غَرْسِي، وَحَرِيرِي، وَسُنْدُسِي، وَإِسْتَبْرَقِي، وَعَبْقَرِيِّي، وَمَرْجَانِي، وَقَصَبِي، وَذَهَبِي، وَأَكْوَابِي، وَصِحَافِي، وَأَبَارِيقِي، وَفَوَاكِهِي، وَعَسَلِي، وَثِيَابِي، وَلَبَنِي، وَخَمْرِي، ائْتِنِي بِمَا وَعَدْتَنِي. قَالَ: لَكِ كُلُّ مُسْلِمٍ وَمُسْلِمَةٍ وَمُؤْمِنٍ وَمُؤْمِنَةٍ. وَمَنْ آمَنَ بِي وَبِرُسُلِي، وَعَمِلَ صَالِحًا، وَلَمْ يُشْرِكْ بِي شَيْئًا، وَلَمْ يَتَّخِذْ مِنْ دُونِي أَنْدَادًا - فَهُوَ آمِنٌ، وَمَنْ سَأَلَنِي أَعْطَيْتُهُ، وَمَنْ أَقْرَضَنِي جَزَيْتُهُ، وَمَنْ تَوَكَّلَ عَلَيَّ كَفَيْتُهُ، إِنِّي أَنَا اللَّهُ لَا إِلَهَ إِلَّا أَنَا، لَا خُلْفَ لِمِيعَادِي، قَدْ أَفْلَحَ الْمُؤْمِنُونَ، تَبَارَكَ اللَّهُ أَحْسَنُ الْخَالِقِينَ، فَقَالَتْ: قَدْ رَضِيتُ، ثُمَّ أَتَى عَلَى وَادٍ فَسَمِعَ صَوْتًا مُنْكَرًا، فَقَالَ: يَا جِبْرِيلُ، مَا هَذَا الصَّوْتُ؟ قَالَ: هَذَا صَوْتُ جَهَنَّمَ تَقُولُ: يَا رَبِّ، ائْتِنِي بِأَهْلِي وَبِمَا وَعَدْتَنِي، فَقَدْ كَثُرَ سَلَاسِلِي، وَأَغْلَالِي، وَسَعِيرِي، وَحَمِيمِي، وَغَسَّاقِي، وَغِسْلِينِي، وَقَدْ بَعُدَ قَعْرِي، وَاشْتَدَّ حَرِّي، ائْتِنِي بِمَا وَعَدْتَنِي. قَالَ: لَكِ كُلُّ مُشْرِكٍ وَمُشْرِكَةٍ وَخَبِيثٍ وَخَبِيثَةٍ، وَكُلُّ جَبَّارٍ لَا يُؤْمِنُ بِيَوْمِ الْحِسَابِ. قَالَتْ: قَدْ رَضِيتُ. ثُمَّ سَارَ حَتَّى أَتَى بَيْتَ الْمَقْدِسِ، فَنَزَلَ فَرَبَطَ فَرَسَهُ إِلَى صَخْرَةٍ، فَصَلَّى مَعَ الْمَلَائِكَةِ، فَلَمَّا قُضِيَتِ الصَّلَاةُ قَالُوا: يَا جِبْرِيلُ، مَنْ هَذَا مَعَكَ؟ قَالَ: هَذَا مُحَمَّدٌ رَسُولُ اللَّهِ - صَلَّى اللَّهُ عَلَيْهِ وَسَلَّمَ - خَاتَمُ النَّبِيِّينَ. قَالُوا: وَقَدْ أُرْسِلَ إِلَيْهِ؟ قَالَ: نَعَمْ. قَالُوا: حَيَّاهُ اللَّهُ مِنْ أَخٍ وَخَلِيفَةٍ، فَنِعْمَ الْأَخُ، وَنِعْمَ الْخَلِيفَةُ. ثُمَّ لَقُوا أَرْوَاحَ الْأَنْبِيَاءِ، فَأَثْنَوْا عَلَى رَبِّهِمْ - تَعَالَى - فَقَالَ إِبْرَاهِيمُ - صَلَّى اللَّهُ عَلَيْهِ وَسَلَّمَ -: الْحَمْدُ لِلَّهِ الَّذِي اتَّخَذَنِي خَلِيلًا، وَأَعْطَانِي مُلْكًا عَظِيمًا، وَجَعَلَنِي أُمَّةً قَانِتًا، وَاصْطَفَانِي بِرِسَالَاتِهِ، وَأَنْقَذَنِي مِنَ النَّارِ، وَجَعَلَهَا عَلَيَّ بَرْدًا وَسَلَامًا، ثُمَّ إِنَّ مُوسَى - عَلَيْهِ السَّلَامُ - أَثْنَى عَلَى رَبِّهِ، فَقَالَ: الْحَمْدُ لِلَّهِ الَّذِي كَلَّمَنِي تَكْلِيمًا، وَاصْطَفَانِي وَأَنْزَلَ عَلَيَّ التَّوْرَاةَ، وَجَعَلَ هَلَاكَ فِرْعَوْنَ عَلَى يَدَيَّ، وَنَجَاةَ بَنِي إِسْرَائِيلَ عَلَى يَدَيَّ، ثُمَّ إِنَّ دَاوُدَ - صَلَّى اللَّهُ عَلَيْهِ وَسَلَّمَ - أَثْنَى عَلَى رَبِّهِ، فَقَالَ: الْحَمْدُ لِلَّهِ الَّذِي جَعَلَ لِي مُلْكًا، وَأَنْزَلَ عَلَيَّ الزَّبُورَ، وَأَلَانَ لِيَ الْحَدِيدَ، وَسَخَّرَ لِيَ الْجِبَالَ يُسَبِّحْنَ مَعِي وَالطَّيْرَ، وَآتَانِيَ الْحِكْمَةَ وَفَصْلَ الْخِطَابِ، ثُمَّ إِنَّ سُلَيْمَانَ - عَلَيْهِ السَّلَامُ - أَثْنَى عَلَى رَبِّهِ - تَبَارَكَ وَتَعَالَى - فَقَالَ: الْحَمْدُ لِلَّهِ الَّذِي سَخَّرَ لِي الرِّيَاحَ وَالْجِنَّ وَالْإِنْسَ، وَسَخَّرَ لِيَ الشَّيَاطِينَ يَعْمَلُونَ مَا شِئْتُ مِنْ مَحَارِيبَ وَتَمَاثِيلَ وَجِفَانٍ كَالْجَوَابِي وَقُدُورٍ رَاسِيَاتٍ، وَعَلَّمَنِي مَنْطِقَ الطَّيْرِ، وَأَسَالَ لِي عَيْنَ الْقِطْرِ، وَأَعْطَانِي مُلْكًا لَا يَنْبَغِي لِأَحَدٍ مِنْ بَعْدِي، ثُمَّ إِنَّ عِيسَى - صَلَّى اللَّهُ عَلَيْهِ وَسَلَّمَ - أَثْنَى عَلَى رَبِّهِ، فَقَالَ: الْحَمْدُ لِلَّهِ الَّذِي عَلَّمَنِي التَّوْرَاةَ وَالْإِنْجِيلَ، وَجَعَلَنِي أُبْرِئُ الْأَكْمَهَ وَالْأَبْرَصَ، وَأُحْيِي الْمَوْتَى بِإِذْنِهِ، وَرَفَعَنِي وَطَهَّرَنِي مِنَ الَّذِينَ كَفَرُوا، وَأَعَاذَنِي وَأُمِّي مِنَ الشَّيْطَانِ الرَّجِيمِ، وَلَمْ يَجْعَلْ لِلشَّيْطَانِ عَلَيْنَا سَبِيلًا. وَإِنَّ مُحَمَّدًا - صَلَّى اللَّهُ عَلَيْهِ وَسَلَّمَ - أَثْنَى عَلَى رَبِّهِ، فَقَالَ: كُلُّكُمْ أَثْنَى عَلَى رَبِّهِ، وَأَنَا مُثْنٍ عَلَى رَبِّي: الْحَمْدُ لِلَّهِ الَّذِي أَرْسَلَنِي رَحْمَةً لِلْعَالَمِينَ، وَكَافَّةً لِلنَّاسِ، بَشِيرًا وَنَذِيرًا، وَأَنْزَلَ عَلَيَّ الْفُرْقَانَ فِيهِ تِبْيَانُ كُلِّ شَيْءٍ، وَجَعَلَ أُمَّتِي خَيْرَ أُمَّةٍ أُخْرِجَتْ لِلنَّاسِ، وَجَعَلَ أُمَّتِي وَسَطًا، وَجَعَلَ أُمَّتِي هُمُ الْأَوَّلُونَ وَهُمُ الْآخِرُونَ، وَشَرَحَ لِي صَدْرِي، وَوَضَعَ عَنِّي وِزْرِي، وَرَفَعَ لِي ذِكْرِي، وَجَعَلَنِي فَاتِحًا وَخَاتَمًا، فَقَالَ إِبْرَاهِيمُ - صَلَّى اللَّهُ عَلَيْهِ وَسَلَّمَ -: بِهَذَا فَضَلَكُمْ مُحَمَّدٌ - صَلَّى اللَّهُ عَلَيْهِ وَسَلَّمَ -. ثُمَّ أُتِيَ بِآنِيَةٍ ثَلَاثَةٍ مُغَطَّاةٍ، فَدُفِعَ إِلَيْهِ إِنَاءٌ فِيهِ مَاءٌ، فَقِيلَ لَهُ: اشْرَبْ، ثُمَّ دُفِعَ إِلَيْهِ إِنَاءٌ آخَرُ فِيهِ لَبَنٌ فَشَرِبَ حَتَّى رَوِيَ، ثُمَّ دُفِعَ إِلَيْهِ إِنَاءٌ آخَرُ فِيهِ خَمْرٌ، فَقَالَ: قَدْ رَوِيتُ، لَا أَذُوقُهُ، فَقِيلَ لَهُ: أَصَبْتَ، أَمَّا إِنَّهَا سَتُحَرَّمُ عَلَى أُمَّتِكَ، وَلَوْ شَرِبْتَهَا لَمْ يَتَّبِعْكَ مِنْ أُمَّتِكَ إِلَّا قَلِيلٌ. ثُمَّ صَعِدَ بِهِ إِلَى السَّمَاءِ، فَاسْتَفْتَحَ جِبْرِيلُ فَقِيلَ: مَنْ هَذَا؟ قَالَ: جِبْرِيلُ، قِيلَ: وَمَنْ مَعَكَ؟ قَالَ: مُحَمَّدٌ - صَلَّى اللَّهُ عَلَيْهِ وَسَلَّمَ -. قَالُوا: وَقَدْ أُرْسِلَ إِلَيْهِ؟ قَالَ: نَعَمْ. قَالُوا: حَيَّاهُ اللَّهُ مِنْ أَخٍ وَخَلِيفَةٍ، فَنِعْمَ الْأَخُ وَنِعْمَ الْخَلِيفَةُ، وَنِعْمَ الْمَجِيءُ جَاءَ. فَدَخَلَ فَإِذَا بِشَيْخٍ جَالِسٍ تَامِّ الْخَلْقِ لَمْ يَنْقُصْ مِنْ خَلْقِهِ شَيْئٌ كَمَا يَنْقُصُ مِنْ خَلْقِ الْبَشَرِ، عَنْ يَمِينِهِ بَابٌ يَخْرُجُ مِنْهُ رِيحٌ طَيِّبَةٌ، وَعَنْ شِمَالِهِ بَابٌ تَخْرُجُ مِنْهُ رِيحٌ خَبِيثَةٌ، إِذَا نَظَرَ إِلَى الْبَابِ الَّذِي عَنْ يَمِينِهِ ضَحِكَ، وَإِذَا نَظَرَ إِلَى الْبَابِ الَّذِي عَنْ يَسَارِهِ بَكَى وَحَزِنَ، فَقَالَ: يَا جِبْرِيلُ، مَنْ هَذَا الشَّيْخُ؟ وَمَا هَذَانِ الْبَابَانِ؟ قَالَ: هَذَا أَبُوكَ آدَمُ، وَهَذَا الْبَابُ الَّذِي عَنْ يَمِينِهِ بَابُ الْجَنَّةِ، إِذَا رَأَى مَنْ يَدْخُلُهُ مِنْ ذُرِّيَّتِهِ ضَحِكَ وَاسْتَبْشَرَ، وَإِذَا نَظَرَ إِلَى الْبَابِ الَّذِي عَنْ شِمَالِهِ بَابِ جَهَنَّمَ مَنْ يَدْخُلُهُ مِنْ ذُرِّيَّتِهِ بَكَى وَحَزِنَ. ثُمَّ صَعِدَ إِلَى السَّمَاءِ الثَّانِيَةِ فَاسْتَفْتَحَ، فَقَالَ: مَنْ هَذَا؟ فَقَالَ: جِبْرِيلُ. قَالُوا: وَمَنْ مَعَكَ؟ قَالَ: مُحَمَّدٌ رَسُولُ اللَّهِ - صَلَّى اللَّهُ عَلَيْهِ وَسَلَّمَ - قَالُوا: وَقَدْ أُرْسِلَ إِلَيْهِ؟ قَالَ: نَعَمْ. قَالُوا: حَيَّاهُ اللَّهُ مِنْ أَخٍ وَخَلِيفَةٍ، فَنِعْمَ الْأَخُ وَنِعْمَ الْخَلِيفَةُ، وَنِعْمَ الْمَجِيءُ جَاءَ. فَدَخَلَ فَإِذَا هُوَ بِشَابَّيْنِ، فَقَالَ: يَا جِبْرِيلُ، مَا هَذَانِ الشَّابَّانِ؟ قَالَ: هَذَا عِيسَى وَيَحْيَى ابْنَا الْخَالَةِ، ثُمَّ صَعِدَ إِلَى السَّمَاءِ الثَّالِثَةِ، فَاسْتَفْتَحَ جِبْرِيلُ، فَقَالُوا: مَنْ هَذَا مَعَكَ؟ قَالَ: مُحَمَّدٌ. قَالُوا: وَقَدْ أُرْسِلَ إِلَيْهِ؟ قَالَ: نَعَمْ. قَالُوا: حَيَّاهُ اللَّهُ مِنْ أَخٍ وَخَلِيفَةٍ، فَنِعْمَ الْأَخُ وَنِعْمَ الْخَلِيفَةُ، وَنِعْمَ الْمَجِيءُ جَاءَ، فَدَخَلَ فَإِذَا هُوَ بِرَجُلٍ جَالِسٍ قَدْ فَضَلَ عَلَى النَّاسِ فِي الْحُسْنِ كَمَا فَضَلَ الْقَمَرُ لَيْلَةَ الْبَدْرِ عَلَى سَائِرِ الْكَوَاكِبِ، فَقَالَ: مَنْ هَذَا يَا جِبْرِيلُ؟ قَالَ: أَخُوكَ يُوسُفُ - صَلَّى اللَّهُ عَلَيْهِ وَسَلَّمَ -. ثُمَّ صَعِدَ إِلَى السَّمَاءِ الرَّابِعَةِ فَاسْتَفْتَحَ جِبْرِيلُ، فَقَالُوا: مَنْ هَذَا مَعَكَ؟ قَالَ: مُحَمَّدٌ - صَلَّى اللَّهُ عَلَيْهِ وَسَلَّمَ -. قَالُوا: وَقَدْ أُرْسِلَ إِلَيْهِ؟ قَالَ: نَعَمْ. قَالُوا: حَيَّاهُ اللَّهُ مِنْ أَخٍ وَخَلِيفَةٍ وَنِعْمَ الْمَجِيءُ جَاءَ، فَدَخَلَ فَإِذَا هُوَ بِرَجُلٍ، فَقَالَ: يَا جِبْرِيلُ، مَنْ هَذَا الرَّجُلُ الْجَالِسُ؟ قَالَ: هَذَا أَخُوكَ إِدْرِيسُ، رَفَعَهُ اللَّهُ مَكَانًا عَلِيًّا. ثُمَّ صَعِدَ بِهِ إِلَى السَّمَاءِ الْخَامِسَةِ فَاسْتَفْتَحَ جِبْرِيلُ، فَقَالُوا: مَنْ هَذَا مَعَكَ؟ قَالَ: مُحَمَّدٌ - صَلَّى اللَّهُ عَلَيْهِ وَسَلَّمَ -. قَالُوا: وَقَدْ أُرْسِلَ إِلَيْهِ؟ قَالَ: نَعَمْ. قَالُوا: حَيَّاهُ اللَّهُ مِنْ أَخٍ وَخَلِيفَةٍ فَنِعْمَ الْأَخُ وَنِعْمَ الْخَلِيفَةُ، وَنِعْمَ الْمَجِيءُ جَاءَ، فَدَخَلَ فَإِذَا هُوَ بِرَجُلٍ جَالِسٍ يَقُصُّ عَلَيْهِمْ. قَالَ: يَا جِبْرِيلُ، مَنْ هَذَا؟ وَمَنْ هَؤُلَاءِ الَّذِينَ حَوْلَهُ؟ قَالَ: هَذَا هَارُونُ - صَلَّى اللَّهُ عَلَيْهِ وَسَلَّمَ - الْمُخَلَّفُ فِي قَوْمِهِ، وَهَؤُلَاءِ قَوْمُهُ مِنْ بَنِي إِسْرَائِيلَ، ثُمَّ صَعِدَ بِهِ إِلَى السَّمَاءِ السَّادِسَةِ فَاسْتَفْتَحَ جِبْرِيلُ، فَقَالُوا: مَنْ هَذَا مَعَكَ؟ قَالَ: مُحَمَّدٌ - صَلَّى اللَّهُ عَلَيْهِ وَسَلَّمَ -. قَالُوا: وَقَدْ أُرْسِلَ إِلَيْهِ؟ قَالَ: نَعَمْ. قَالُوا: حَيَّاهُ اللَّهُ مِنْ أَخٍ وَخَلِيفَةٍ، فَنِعْمَ الْأَخُ وَنِعْمَ الْخَلِيفَةُ، وَنِعْمَ الْمَجِيءُ جَاءَ، فَإِذَا هُوَ بِرَجُلٍ جَالِسٍ فَجَاوَزَهُ، فَبَكَى الرَّجُلُ، فَقَالَ: يَا جِبْرِيلُ، مَنْ هَذَا؟ قَالَ: مُوسَى - صَلَّى اللَّهُ عَلَيْهِ وَسَلَّمَ - قَالَ: مَا يُبْكِيهِ؟ قَالَ: تَزْعُمُ بَنُو إِسْرَائِيلَ أَنِّي أَفْضَلُ الْخَلْقِ، وَهَذَا قَدْ خَلَفَنِي، فَلَوْ أَنَّهُ وَحْدَهُ، وَلَكِنَّ مَعَهُ كُلَّ أُمَّتِهِ. ثُمَّ صَعِدَ بِنَا إِلَى السَّمَاءِ السَّابِعَةِ فَاسْتَفْتَحَ جِبْرِيلُ، فَقَالُوا: مَنْ مَعَكَ؟ قَالَ: مُحَمَّدٌ - صَلَّى اللَّهُ عَلَيْهِ وَسَلَّمَ -. قَالُوا: وَقَدْ أُرْسِلَ إِلَيْهِ؟ قَالَ: نَعَمْ. قَالُوا: حَيَّاهُ اللَّهُ مِنْ أَخٍ وَمِنْ خَلِيفَةٍ، فَنِعْمَ الْأَخُ وَنِعْمَ الْخَلِيفَةُ، وَنِعْمَ الْمَجِيءُ جَاءَ، فَإِذَا هُوَ بِرَجُلٍ أَشْمَطَ، جَالِسٍ عَلَى كُرْسِيٍّ عِنْدَ بَابِ الْجَنَّةِ، وَعِنْدَهُ قَوْمٌ جُلُوسٌ فِي أَلْوَانِهِمْ شَيْءٌ - قَالَ عِيسَى (يَعْنِي: أَبَا جَعْفَرٍ الرَّازِيَّ: وَسَمِعْتُهُ مَرَّةً يَقُولُ: سُودُ الْوُجُوهِ) - فَقَامَ هَؤُلَاءِ الَّذِينَ فِي أَلْوَانِهِمْ شَيْءٌ، فَدَخَلُوا نَهَرًا يُقَالُ لَهُ:" نِعْمَةُ اللَّهِ"، فَاغْتَسَلُوا فِيهِ، فَخَرَجُوا وَقَدْ خَلَصَ مِنْ أَلْوَانِهِمْ شَيْءٌ، فَدَخَلُوا نَهَرًا آخَرَ يُقَالُ لَهُ:" رَحْمَةُ اللَّهِ"، فَاغْتَسَلُوا فِيهِ، فَخَرَجُوا وَقَدْ خَلَصَ مِنْ أَلْوَانِهِمْ شَيْءٌ، فَدَخَلُوا نَهَرًا آخَرَ، فَذَلِكَ قَوْلُهُ - تَعَالَى -: (وَسَقَاهُمْ رَبُّهُمْ شَرَابًا طَهُورًا) ، فَخَرَجُوا وَقَدْ خَلَصَتْ أَلْوَانُهُمْ مِثْلَ أَلْوَانِ أَصْحَابِهِمْ، فَجَلَسُوا إِلَى أَصْحَابِهِمْ، فَقَالَ: يَا جِبْرِيلُ، مَنْ هَذَا الْأَشْمَطُ الْجَالِسُ؟ وَمَنْ هَؤُلَاءِ الْبِيضُ الْوُجُوهِ؟ وَمَنْ هَؤُلَاءِ الَّذِينَ فِي أَلْوَانِهِمْ شَيْءٌ، فَدَخَلُوا هَذِهِ الْأَنْهَارَ فَاغْتَسَلُوا فِيهَا، ثُمَّ خَرَجُوا وَقَدْ خَلَصَتْ أَلْوَانُهُمْ؟ قَالَ: هَذَا أَبُوكَ إِبْرَاهِيمُ - صَلَّى اللَّهُ عَلَيْهِ وَسَلَّمَ - أَوَّلُ مَنْ شَمِطَ عَلَى الْأَرْضِ، وَهَؤُلَاءِ الْقَوْمُ الْبِيضُ الْوُجُوهِ قَوْمٌ لَمْ يَلْبِسُوا إِيمَانَهُمْ بِظُلْمٍ، وَهَؤُلَاءِ الَّذِينَ فِي أَلْوَانِهِمْ شَيْءٌ قَدْ خَلَطُوا عَمَلًا صَالِحًا وَآخَرَ سَيِّئًا، تَابُوا فَتَابَ اللَّهُ عَلَيْهِمْ. ثُمَّ مَضَى إِلَى السِّدْرَةِ، فَقِيلَ لَهُ: هَذِهِ السِّدْرَةُ الْمُنْتَهَى، يَنْتَهِي كُلُّ أَحَدٍ مِنْ أُمَّتِكَ خَلَا عَلَى سَبِيلِكَ، وَهِيَ السِّدْرَةُ الْمُنْتَهَى، يَخْرُجُ مِنْ أَصْلِهَا أَنْهَارٌ مِنْ مَاءٍ غَيْرِ آسِنٍ، وَأَنْهَارٌ مِنْ لَبَنٍ لَمْ يَتَغَيَّرْ طَعْمُهُ، وَأَنْهَارٌ مِنْ خَمْرٍ لَذَّةٍ لِلشَّارِبِينَ، وَأَنْهَارٌ مِنْ عَسَلٍ مُصَفًّى، وَهِيَ شَجَرَةٌ يَسِيرُ الرَّاكِبُ فِي ظِلِّهَا سَبْعِينَ عَامًا، وَإِنَّ وَرَقَةً مِنْهَا مِظَلَّةُ الْخَلْقِ، فَغَشِيَهَا نُورٌ وَغَشِيَتْهَا الْمَلَائِكَةُ - قَالَ عِيسَى: فَذَلِكَ قَوْلُهُ (إِذْ يَغْشَى السِّدْرَةَ مَا يَغْشَى) - فَقَالَ - تَبَارَكَ وَتَعَالَى - لَهُ: سَلْ، فَقَالَ: إِنَّكَ اتَّخَذْتَ إِبْرَاهِيمَ خَلِيلًا، وَأَعْطَيْتَهُ مُلْكًا عَظِيمًا، وَكَلَّمْتَ مُوسَى تَكْلِيمًا، وَأَعْطَيْتَ دَاوُدَ مُلْكًا عَظِيمًا، وَأَلَنْتَ لَهُ الْحَدِيدَ، وَسَخَّرْتَ لَهُ الْجِبَالَ، وَأَعْطَيْتَ سُلَيْمَانَ مُلْكًا عَظِيمًا، وَسَخَّرْتَ لَهُ الْجِنَّ وَالْإِنْسَ وَالشَّيَاطِينَ وَالرِّيَاحَ، وَأَعْطَيْتَهُ مُلْكًا لَا يَنْبَغِي لِأَحَدٍ مِنْ بَعْدِهِ، وَعَلَّمْتَ عِيسَى التَّوْرَاةَ وَالْإِنْجِيلَ، وَجَعَلْتَهُ يُبْرِئُ الْأَكْمَهَ وَالْأَبْرَصَ، وَأَعَذْتَهُ وَأُمَّهُ مِنَ الشَّيْطَانِ الرَّجِيمِ، فَلَمْ يَكُنْ لَهُ عَلَيْهِمَا سَبِيلٌ، فَقَالَ لَهُ رَبُّهُ - تَبَارَكَ وَتَعَالَى -:" قَدِ اتَّخَذْتُكَ خَلِيلًا وَهُوَ مَكْتُوبٌ فِي التَّوْرَاةِ: مُحَمَّدٌ حَبِيبُ الرَّحْمَنِ، وَأَرْسَلْتُكَ إِلَى النَّاسِ كَافَّةً، وَجَعَلْتُ أُمَّتَكَ هُمُ الْأَوَّلُونَ وَهُمُ الْآخِرُونَ، وَجَعَلْتُ أُمَّتَكَ لَا تَجُوزُ لَهُمْ خُطْبَةٌ حَتَّى يَشْهَدُوا أَنَّكَ عَبْدِي وَرَسُولِي، وَجَعَلْتُكَ أَوَّلَ النَّبِيِّينَ خَلْقًا وَآخِرَهُمْ بَعْثًا، وَأَعْطَيْتُكَ سَبْعًا مِنَ الْمَثَانِي وَلَمْ أُعْطِهَا نَبِيًّا قَبْلَكَ، وَأَعْطَيْتُكَ خَوَاتِيمَ سُورَةِ الْبَقَرَةِ مِنْ كَنْزٍ تَحْتَ الْعَرْشِ لَمْ أُعْطِهَا نَبِيًّا قَبْلَكَ، وَجَعَلْتُكَ فَاتِحًا وَخَاتِمًا". وَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" فَضَّلَنِي رَبِّي - تَبَارَكَ وَتَعَالَى - بِسِتٍّ: قَذَفَ فِي قُلُوبِ عَدُوِّيَ الرُّعْبَ مِنْ مَسِيرَةِ شَهْرٍ، وَأُحِلَّتْ لِيَ الْغَنَائِمُ وَلَمْ تَحِلَّ لِأَحَدٍ قَبْلِي، وَجُعِلَتْ لِيَ الْأَرْضُ مَسْجِدًا وَطَهُورًا، وَأُعْطِيتُ فَوَاتِحَ الْكَلَامِ وَجَوَامِعَهُ، وَعُرِضَ عَلَيَّ أُمَّتِي ; فَلَمْ يَخْفَ عَلَيَّ التَّابِعُ وَالْمَتْبُوعُ مِنْهُمْ، وَرَأَيْتُهُمْ أَتَوْا عَلَى قَوْمٍ يَنْتَعِلُونَ الشَّعْرَ، وَرَأَيْتُهُمْ أَتَوْا عَلَى قَوْمٍ عِرَاضِ الْوُجُوهِ، صِغَارِ الْأَعْيُنِ، فَعَرَفْتُهُمْ مَا هُمْ. وَأُمِرْتُ بِخَمْسِينَ صَلَاةً، فَرَجَعَ إِلَى مُوسَى، فَقَالَ لَهُ مُوسَى: بِكَمْ أُمِرْتَ مِنَ الصَّلَاةِ؟ قَالَ: بِخَمْسِينَ صَلَاةً. قَالَ: ارْجِعْ إِلَى رَبِّكَ فَسَلْهُ التَّخْفِيفَ ; فَإِنَّ أُمَّتَكَ أَضْعَفُ الْأُمَمِ، وَقَدْ لَقِيتُ مِنْ بَنِي إِسْرَائِيلَ شِدَّةً. فَرَجَعَ مُحَمَّدٌ - صَلَّى اللَّهُ عَلَيْهِ وَسَلَّمَ - فَسَأَلَ اللَّهَ التَّخْفِيفَ، فَوَضَعَ عَنْهُ عَشْرًا، فَرَجَعَ إِلَى مُوسَى، فَقَالَ لَهُ: بِكَمْ أُمِرْتَ؟ قَالَ: بِأَرْبَعِينَ صَلَاةً. قَالَ: ارْجِعْ إِلَى رَبِّكَ فَسَلْهُ التَّخْفِيفَ لِأُمَّتِكَ ; فَإِنَّ أُمَّتَكَ أَضْعَفُ الْأُمَمِ، وَقَدْ لَقِيتُ مِنْ بَنِي إِسْرَائِيلَ شِدَّةً. فَرَجَعَ مُحَمَّدٌ - صَلَّى اللَّهُ عَلَيْهِ وَسَلَّمَ - فَسَأَلَهُ التَّخْفِيفَ، فَوَضَعَ عَنْهُ عَشْرًا، فَرَجَعَ إِلَى مُوسَى فَقَالَ لَهُ: بِكَمْ أُمِرْتَ؟ قَالَ: بِثَلَاثِينَ. قَالَ: ارْجِعْ إِلَى رَبِّكَ فَسَلْهُ التَّخْفِيفَ لِأُمَّتِكَ ; فَإِنَّ أُمَّتَكَ أَضْعَفُ الْأُمَمِ، وَلَقَدْ لَقِيتُ مِنْ بَنِي إِسْرَائِيلَ شِدَّةً. فَرَجَعَ مُحَمَّدٌ فَسَأَلَ رَبَّهُ التَّخْفِيفَ، فَوَضَعَ عَنْهُ عَشْرًا، فَرَجَعَ إِلَى مُوسَى، فَقَالَ لَهُ: بِكَمْ أُمِرْتَ؟ قَالَ: بِعِشْرِينَ. قَالَ: ارْجِعْ إِلَى رَبِّكَ فَسَلْهُ التَّخْفِيفَ عَنْ أُمَّتِكَ ; فَإِنَّ أُمَّتَكَ أَضْعَفُ الْأُمَمِ، وَقَدْ لَقِيتُ مِنْ بَنِي إِسْرَائِيلَ شِدَّةً. فَرَجَعَ مُحَمَّدٌ - صَلَّى اللَّهُ عَلَيْهِ وَسَلَّمَ - فَسَأَلَ رَبَّهُ التَّخْفِيفَ، فَوَضَعَ عَنْهُ عَشْرًا، فَرَجَعَ إِلَى مُوسَى فَقَالَ لَهُ: بِكَمْ أُمِرْتَ؟ قَالَ: بِعَشْرٍ. قَالَ: ارْجِعْ إِلَى رَبِّكَ فَسَلْهُ التَّخْفِيفَ عَنْ أُمَّتِكَ ; فَإِنَّ أُمَّتَكَ أَضْعَفُ الْأُمَمِ، وَقَدْ لَقِيتُ مِنْ بَنِي إِسْرَائِيلَ شِدَّةً. فَرَجَعَ مُحَمَّدٌ - صَلَّى اللَّهُ عَلَيْهِ وَسَلَّمَ - فَسَأَلَ رَبَّهُ التَّخْفِيفَ، فَوَضَعَ عَنْهُ خَمْسًا، فَرَجَعَ إِلَى مُوسَى، فَقَالَ لَهُ: بِكَمْ أُمِرْتَ؟ قَالَ: بِخَمْسٍ. قَالَ: ارْجِعْ إِلَى رَبِّكَ فَسَلْهُ التَّخْفِيفَ ; فَإِنَّ أُمَّتَكَ أَضْعَفُ الْأُمَمِ، وَقَدْ لَقِيتُ مِنْبَنِي إِسْرَائِيلَ شِدَّةً. قَالَ: قَدْ رَجَعْتُ إِلَى رَبِّي حَتَّى اسْتَحْيَيْتُ مِنْهُ، وَمَا أَنَا بِرَاجِعٍ إِلَيْهِ، فَقِيلَ لَهُ: كَمَا صَبَرَتْ نَفْسُكَ عَلَى الْخَمْسِ ; فَإِنَّهُ يُجْزِئُ عَنْكَ بِخَمْسِينَ، يُجْزِئُ عَنْكَ كُلَّ حَسَنَةٍ بِعَشْرِ أَمْثَالِهَا". قَالَ عِيسَى: بَلَغَنِي أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ:" كَانَ مُوسَى - صَلَّى اللَّهُ عَلَيْهِ وَسَلَّمَ - أَشَدَّهُمْ عَلَيَّ أَوَّلًا، وَخَيْرَهُمْ آخِرًا".
رَوَاهُ الْبَزَّارُ، وَرِجَالُهُ مُوَثَّقُونَ
رَوَاهُ الْبَزَّارُ، وَرِجَالُهُ مُوَثَّقُونَ
سیدنا ابوہریرہ رضی اللہ عنہ بیان کرتے ہیں: نبی اکرم صلی اللہ علیہ وسلم ایک گھوڑا (یعنی سواری) لے کر آئے، جس کا ہر قدم وہاں پڑتا تھا، جہاں تک اُس کی نگاہ جاتی تھی، نبی اکرم صلی اللہ علیہ وسلم روانہ ہوئے اور سیدنا جبرائیل علیہ السلام بھی آپ کے ساتھ روانہ ہوئے، آپ کا گزر کچھ ایسے لوگوں کے پاس سے ہوا، جو ایک دن میں کاشت کرتے تھے اور ایک ہی دن میں فصل کاٹ لیتے تھے، جب بھی وہ فصل کاٹتے تھے، تو وہ پہلے کی طرح دوبارہ ہو جاتی تھی، نبی اکرم صلی اللہ علیہ وسلم نے دریافت کیا: اے جبرائیل! یہ کون لوگ ہیں؟ انہوں نے بتایا: یہ اللہ کی راہ میں جہاد کرنے والے لوگ ہیں، ان کی نیکی کو سات سو گنا تک بڑھا دیا جاتا ہے، اور یہ جو کچھ بھی خرچ کرتے ہیں، اللہ تعالیٰ اُس کی جگہ اور عطا کر دیتا ہے، پھر آپ کا گزر کچھ ایسے لوگوں کے پاس سے ہوا، جن کے سر پتھروں سے کچلے جا رہے تھے، جب بھی وہ کچلے جاتے، تو پہلے کی طرح دوبارہ ٹھیک ہو جاتے، اور اس عذاب میں ان کے لیے کوئی کمی نہیں کی جاتی تھی، نبی اکرم صلی اللہ علیہ وسلم نے دریافت کیا: اے جبرائیل! یہ کون لوگ ہیں؟ انہوں نے بتایا: یہ وہ لوگ ہیں، جن کے سر نماز کے لیے بوجھل ہو جاتے تھے، پھر آپ کا گزر کچھ ایسے لوگوں کے پاس سے ہوا، جن کی شرمگاہوں کے آگے بھی چیتھڑے تھے اور پیچھے بھی چیتھڑے تھے، وہ اس طرح چر رہے تھے، جس طرح جانور چرتے ہیں، وہ کانٹے دار جھاڑیاں، زقوم اور جہنم کے تپتے ہوئے پتھر کھا رہے تھے، نبی اکرم صلی اللہ علیہ وسلم نے دریافت کیا: اے جبرائیل! یہ کون لوگ ہیں؟ انہوں نے بتایا: یہ وہ لوگ ہیں، جو اپنے اموال کی زکوٰۃ ادا نہیں کرتے تھے، اللہ تعالیٰ نے ان پر ظلم نہیں کیا، اور اللہ تعالیٰ بندوں پر ظلم کرنے والا نہیں ہے، پھر آپ کا گزر کچھ ایسے لوگوں کے پاس سے ہوا، جن کے سامنے ایک ہنڈیا میں پکا ہوا گوشت تھا، اور دوسرا کچا اور خراب گوشت تھا، وہ لوگ خراب گوشت کھا رہے تھے اور پاکیزہ پکے ہوئے گوشت کو چھوڑ رہے تھے، نبی اکرم صلی اللہ علیہ وسلم نے دریافت کیا: اے جبرائیل! یہ کون لوگ ہیں؟ انہوں نے بتایا: یہ آپ کی امت کا وہ مرد ہے، جو اپنی حلال بیوی کے پاس سے اُٹھ کر کسی بدکار عورت کے پاس جاتا ہے اور صبح تک اُس کے ساتھ رات گزارتا ہے، اور وہ عورت ہے، جو اپنے حلال اور پاکیزہ شوہر کے پاس سے اُٹھ کر کسی بدکار مرد کے پاس جاتی ہے اور صبح تک اُس کے پاس رات گزارتی ہے، پھر آپ کا گزر ایک ایسے شخص کے پاس سے ہوا، جس نے ایک بہت بڑا گٹھا اکٹھا کیا ہوا تھا، جسے وہ اُٹھا نہیں سکتا تھا، لیکن وہ اس میں مزید اضافہ کرنا چاہتا تھا، نبی اکرم صلی اللہ علیہ وسلم نے دریافت کیا: اے جبرائیل! یہ کون ہے؟ انہوں نے بتایا: یہ آپ کی امت کا وہ شخص ہے، جس کے ذمے لوگوں کی امانتیں ہیں، وہ انہیں ادا نہیں کر سکتا، لیکن پھر بھی ان میں اضافہ کرتا جاتا ہے، پھر آپ کا گزر کچھ ایسے لوگوں کے پاس سے ہوا، جن کے ہونٹ اور زبانیں لوہے کی قینچیوں سے کاٹے جا رہے تھے، جب بھی وہ کاٹے جاتے، تو پہلے کی طرح دوبارہ ٹھیک ہو جاتے، اور اس عذاب میں ان کے لیے کوئی کمی نہیں کی جاتی تھی، نبی اکرم صلی اللہ علیہ وسلم نے دریافت کیا: اے جبرائیل! یہ کون لوگ ہیں؟ انہوں نے بتایا: یہ فتنہ پھیلانے والے خطیب ہیں، پھر آپ کا گزر ایک چھوٹے سے سوراخ کے پاس سے ہوا، جس میں سے ایک بہت بڑا بیل نکلا، وہ بیل جہاں سے نکلا تھا، وہیں واپس داخل ہونا چاہتا تھا، لیکن ایسا نہیں کر سکتا تھا، نبی اکرم صلی اللہ علیہ وسلم نے دریافت کیا: اے جبرائیل! یہ کیا ہے؟ انہوں نے بتایا: یہ وہ شخص ہے، جو کوئی بڑی بات کہہ دیتا ہے، پھر اُس پر شرمندہ ہوتا ہے اور اُسے واپس لینا چاہتا ہے، لیکن ایسا نہیں کر سکتا، پھر آپ ایک وادی میں آئے، تو آپ نے وہاں پاکیزہ ہوا محسوس کی، اور ایک آواز کے ساتھ مشک کی خوشبو محسوس کی، آپ نے دریافت کیا: یہ کیا ہے؟ انہوں نے بتایا: یہ جنت کی آواز ہے، وہ یہ کہہ رہی ہے: اے میرے پروردگار! میرے رہنے والوں کو اور جس چیز کا تو نے مجھ سے وعدہ کیا ہے، وہ میرے پاس لے آ! کیونکہ میرے درخت، میرا ریشم، میرا باریک ریشم، میرا دبیز ریشم، میرے نفیس قالین، میرے مرجان، میرے موتی، میرا سونا، میرے پیالے، میری رکابیاں، میرے جگ، میرے پھل، میرا شہد، میرے کپڑے، میرا دودھ اور میری شراب بہت زیادہ ہو گئے ہیں، جس چیز کا تو نے مجھ سے وعدہ کیا ہے، وہ میرے پاس لے آ! اللہ تعالیٰ نے فرمایا: ہر مسلمان مرد اور مسلمان عورت، اور ہر مومن مرد اور مومن عورت تمہارے لیے ہے، جو شخص مجھ پر اور میرے رسولوں پر ایمان لائے، نیک عمل کرے، میرے ساتھ کسی کو شریک نہ ٹھہرائے، اور میرے علاوہ کسی کو ہمسر نہ بنائے، وہ امن میں رہے گا، جو مجھ سے مانگے گا، میں اُسے عطا کروں گا، جو مجھے قرض دے گا، میں اُسے بدلہ دوں گا، جو مجھ پر توکل کرے گا، میں اُس کے لیے کافی ہوں گا، بے شک میں ہی اللہ ہوں، میرے علاوہ کوئی معبود نہیں ہے، میرے وعدے کی خلاف ورزی نہیں ہوتی، بے شک اہل ایمان کامیاب ہو گئے، بابرکت ہے اللہ، جو سب سے بہترین پیدا کرنے والا ہے، تو جنت نے کہا: میں راضی ہوں، پھر آپ ایک اور وادی میں آئے، تو آپ نے ایک ناگوار آواز سنی، آپ نے دریافت کیا: اے جبرائیل! یہ آواز کیسی ہے؟ انہوں نے بتایا: یہ جہنم کی آواز ہے، وہ یہ کہہ رہی ہے: اے میرے پروردگار! میرے رہنے والوں کو اور جس چیز کا تو نے مجھ سے وعدہ کیا ہے، وہ میرے پاس لے آ! کیونکہ میری زنجیریں، میرے طوق، میری بھڑکتی آگ، میرا کھولتا ہوا پانی، میری پیپ اور میرا دھوون بہت زیادہ ہو گئے ہیں، میری گہرائی بہت دور تک چلی گئی ہے اور میری گرمی بہت شدید ہو گئی ہے، جس چیز کا تو نے مجھ سے وعدہ کیا ہے، وہ میرے پاس لے آ! اللہ تعالیٰ نے فرمایا: ہر مشرک مرد اور مشرک عورت، ہر خبیث مرد اور خبیث عورت، اور ہر وہ سرکش شخص، جو حساب کے دن پر ایمان نہیں رکھتا، تمہارے لیے ہے، تو جہنم نے کہا: میں راضی ہوں۔
پھر آپ روانہ ہوئے، یہاں تک کہ بیت المقدس آ گئے، آپ نے اُتر کر اپنا گھوڑا ایک چٹان کے ساتھ باندھ دیا، پھر آپ نے فرشتوں کے ساتھ نماز ادا کی، جب نماز ختم ہو گئی، تو فرشتوں نے دریافت کیا: اے جبرائیل! آپ کے ساتھ یہ کون ہیں؟ انہوں نے بتایا: یہ اللہ کے رسول سیدنا محمد صلی اللہ علیہ وسلم ہیں، جو خاتم النبیین ہیں، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، یہ کتنے اچھے بھائی ہیں اور کتنے اچھے خلیفہ ہیں، پھر ان حضرات کی ملاقات انبیاء کرام کی ارواح سے ہوئی، ان سب نے اپنے پروردگار کی حمد و ثنا بیان کی، سیدنا ابراہیم علیہ السلام نے کہا: ہر طرح کی حمد اللہ تعالیٰ کے لیے مخصوص ہے، جس نے مجھے اپنا خلیل بنایا، مجھے عظیم بادشاہی عطا کی، مجھے ایک فرمانبردار امت (کی حیثیت) بنایا، اپنی رسالت کے لیے مجھے منتخب کیا، مجھے آگ سے نجات دی اور اُسے میرے لیے ٹھنڈا اور سلامتی والا بنا دیا، پھر سیدنا موسیٰ علیہ السلام نے اپنے پروردگار کی حمد و ثنا بیان کی اور کہا: ہر طرح کی حمد اللہ تعالیٰ کے لیے مخصوص ہے، جس نے مجھ سے براہ راست کلام کیا، مجھے منتخب کیا، مجھ پر تورات نازل کی، فرعون کی ہلاکت میرے ہاتھوں کروائی اور بنی اسرائیل کی نجات بھی میرے ہاتھوں کروائی، پھر سیدنا داؤد علیہ السلام نے اپنے پروردگار کی حمد و ثنا بیان کی اور کہا: ہر طرح کی حمد اللہ تعالیٰ کے لیے مخصوص ہے، جس نے مجھے بادشاہی عطا کی، مجھ پر زبور نازل کی، میرے لیے لوہے کو نرم کر دیا، پہاڑوں کو اور پرندوں کو میرے تابع کر دیا، جو میرے ساتھ تسبیح بیان کرتے ہیں، اور مجھے حکمت اور فیصلہ کن کلام عطا کیا، پھر سیدنا سلیمان علیہ السلام نے اپنے پروردگار کی حمد و ثنا بیان کی اور کہا: ہر طرح کی حمد اللہ تعالیٰ کے لیے مخصوص ہے، جس نے ہواؤں کو، جنات کو اور انسانوں کو میرے تابع کر دیا، شیاطین کو میرے تابع کر دیا، جو میری مرضی کے مطابق، محرابیں، مجسمے، حوض جیسے بڑے بڑے لگن اور ایک جگہ جمی رہنے والی دیگیں بناتے تھے، جس نے مجھے پرندوں کی بولی سکھائی، میرے لیے پگھلے ہوئے تانبے کا چشمہ بہا دیا، اور مجھے ایسی بادشاہی عطا کی، جو میرے بعد کسی کے لائق نہیں ہے، پھر سیدنا عیسیٰ علیہ السلام نے اپنے پروردگار کی حمد و ثنا بیان کی اور کہا: ہر طرح کی حمد اللہ تعالیٰ کے لیے مخصوص ہے، جس نے مجھے تورات اور انجیل کا علم عطا کیا، مجھے ایسا بنایا کہ میں پیدائشی اندھے اور برص کے مریض کو ٹھیک کر دیتا ہوں، اور اللہ کے حکم سے مُردوں کو زندہ کر دیتا ہوں، مجھے (آسمان کی طرف) اُٹھا لیا، کافروں سے مجھے پاک کر دیا، مجھے اور میری والدہ کو شیطان مردود سے پناہ عطا کی، اور شیطان کو ہم پر کوئی اختیار نہیں دیا، پھر سیدنا محمد صلی اللہ علیہ وسلم نے اپنے پروردگار کی حمد و ثنا بیان کی اور فرمایا: آپ سب حضرات نے اپنے پروردگار کی حمد و ثنا بیان کی ہے، اب میں اپنے پروردگار کی حمد و ثنا بیان کرتا ہوں: ہر طرح کی حمد اللہ تعالیٰ کے لیے مخصوص ہے، جس نے مجھے تمام جہانوں کے لیے رحمت بنا کر، اور تمام انسانوں کی طرف خوشخبری دینے والا اور ڈرانے والا بنا کر بھیجا، مجھ پر فرقان نازل کیا، جس میں ہر چیز کا واضح بیان ہے، میری امت کو وہ بہترین امت بنایا، جسے لوگوں کے لیے نکالا گیا ہے، میری امت کو درمیانی (معتدل) امت بنایا، میری امت کو سب سے پہلے اور سب سے آخر والا بنایا، میرے لیے میرا سینہ کھول دیا، مجھ سے میرا بوجھ اُتار دیا، میرے لیے میرا ذکر بلند کیا، اور مجھے فاتح اور خاتم بنایا، تو سیدنا ابراہیم علیہ السلام نے کہا: اسی وجہ سے سیدنا محمد صلی اللہ علیہ وسلم تم سب پر فضیلت لے گئے ہیں۔
پھر تین ڈھکے ہوئے برتن لائے گئے، آپ کو ایک برتن دیا گیا، جس میں پانی تھا، اور آپ سے کہا گیا: آپ پی لیجئے! پھر آپ کو دوسرا برتن دیا گیا، جس میں دودھ تھا، آپ نے اُسے پیا، یہاں تک کہ سیراب ہو گئے، پھر آپ کو ایک اور برتن دیا گیا، جس میں شراب تھی، آپ نے فرمایا: میں سیراب ہو چکا ہوں، میں اسے نہیں چکھوں گا، تو آپ سے کہا گیا: آپ نے ٹھیک کیا، عنقریب یہ آپ کی امت پر حرام قرار دے دی جائے گی، اگر آپ اسے پی لیتے، تو آپ کی امت میں سے بہت تھوڑے لوگ آپ کی پیروی کرتے۔
پھر آپ کو آسمان کی طرف لے جایا گیا، سیدنا جبرائیل علیہ السلام نے دروازہ کھولنے کے لیے کہا، تو دریافت کیا گیا: یہ کون ہے؟ انہوں نے جواب دیا: جبرائیل، دریافت کیا گیا: آپ کے ساتھ کون ہے؟ انہوں نے جواب دیا: سیدنا محمد صلی اللہ علیہ وسلم ، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، یہ کتنے اچھے بھائی ہیں، کتنے اچھے خلیفہ ہیں، اور ان کا آنا کتنا اچھا ہے، آپ اندر داخل ہوئے، تو وہاں ایک بزرگ بیٹھے ہوئے تھے، جن کی تخلیق مکمل تھی، ان کی تخلیق میں کوئی کمی نہیں آئی تھی، جس طرح انسانوں کی تخلیق میں کمی آ جاتی ہے، اُن کے دائیں طرف ایک دروازہ تھا، جس میں سے پاکیزہ خوشبو آ رہی تھی، اور اُن کے بائیں طرف ایک دروازہ تھا، جس میں سے بدبو آ رہی تھی، جب وہ اپنے دائیں طرف والے دروازے کی طرف دیکھتے تھے، تو ہنس پڑتے تھے، اور جب بائیں طرف والے دروازے کی طرف دیکھتے تھے، تو رونے لگتے تھے اور غمگین ہو جاتے تھے، نبی اکرم صلی اللہ علیہ وسلم نے دریافت کیا: اے جبرائیل! یہ بزرگ کون ہیں؟ اور یہ دو دروازے کیسے ہیں؟ انہوں نے بتایا: یہ آپ کے جد امجد سیدنا آدم علیہ السلام ہیں، اُن کے دائیں طرف والا یہ دروازہ جنت کا دروازہ ہے، جب یہ اپنی اولاد میں سے اس میں داخل ہونے والوں کو دیکھتے ہیں، تو ہنس پڑتے ہیں اور خوش ہو جاتے ہیں، اور جب یہ اپنے بائیں طرف والے دروازے، یعنی جہنم کے دروازے کی طرف، اپنی اولاد میں سے اس میں داخل ہونے والوں کو دیکھتے ہیں، تو رونے لگتے ہیں اور غمگین ہو جاتے ہیں۔
پھر آپ دوسرے آسمان کی طرف تشریف لے گئے، (جبرائیل نے) دروازہ کھولنے کے لیے کہا، تو دریافت کیا گیا: یہ کون ہے؟ انہوں نے جواب دیا: جبرائیل، فرشتوں نے دریافت کیا: آپ کے ساتھ کون ہے؟ انہوں نے جواب دیا: اللہ کے رسول سیدنا محمد صلی اللہ علیہ وسلم ، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، یہ کتنے اچھے بھائی ہیں، کتنے اچھے خلیفہ ہیں، اور ان کا آنا کتنا اچھا ہے، آپ اندر داخل ہوئے، تو وہاں دو نوجوان موجود تھے، آپ نے دریافت کیا: اے جبرائیل! یہ دونوں نوجوان کون ہیں؟ انہوں نے بتایا: یہ سیدنا عیسیٰ علیہ السلام اور سیدنا یحییٰ علیہ السلام ہیں، جو آپس میں خالہ زاد ہیں۔
پھر آپ تیسرے آسمان کی طرف تشریف لے گئے، سیدنا جبرائیل علیہ السلام نے دروازہ کھولنے کے لیے کہا، تو فرشتوں نے دریافت کیا: آپ کے ساتھ یہ کون ہیں؟ انہوں نے جواب دیا: سیدنا محمد، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، یہ کتنے اچھے بھائی ہیں، کتنے اچھے خلیفہ ہیں، اور ان کا آنا کتنا اچھا ہے، آپ اندر داخل ہوئے، تو وہاں ایک صاحب بیٹھے ہوئے تھے، جنہیں حسن و جمال میں لوگوں پر اسی طرح فضیلت حاصل تھی، جس طرح چودھویں رات کے چاند کو باقی تمام ستاروں پر فضیلت حاصل ہوتی ہے، آپ نے دریافت کیا: اے جبرائیل! یہ کون ہیں؟ انہوں نے بتایا: یہ آپ کے بھائی سیدنا یوسف علیہ السلام ہیں۔
پھر آپ چوتھے آسمان کی طرف تشریف لے گئے، سیدنا جبرائیل علیہ السلام نے دروازہ کھولنے کے لیے کہا، تو فرشتوں نے دریافت کیا: آپ کے ساتھ یہ کون ہیں؟ انہوں نے جواب دیا: سیدنا محمد صلی اللہ علیہ وسلم ، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، اور ان کا آنا کتنا اچھا ہے، آپ اندر داخل ہوئے، تو وہاں ایک صاحب موجود تھے، آپ نے دریافت کیا: اے جبرائیل! یہ بیٹھے ہوئے صاحب کون ہیں؟ انہوں نے بتایا: یہ آپ کے بھائی سیدنا ادریس علیہ السلام ہیں، جنہیں اللہ تعالیٰ نے بلند مقام پر اُٹھا لیا تھا۔
پھر آپ کو پانچویں آسمان کی طرف لے جایا گیا، سیدنا جبرائیل علیہ السلام نے دروازہ کھولنے کے لیے کہا، تو فرشتوں نے دریافت کیا: آپ کے ساتھ یہ کون ہیں؟ انہوں نے جواب دیا: سیدنا محمد صلی اللہ علیہ وسلم ، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، یہ کتنے اچھے بھائی ہیں، کتنے اچھے خلیفہ ہیں، اور ان کا آنا کتنا اچھا ہے، آپ اندر داخل ہوئے، تو وہاں ایک صاحب بیٹھے ہوئے تھے، جو لوگوں کے سامنے واقعات بیان کر رہے تھے، آپ نے دریافت کیا: اے جبرائیل! یہ کون ہیں؟ اور ان کے اردگرد موجود یہ لوگ کون ہیں؟ انہوں نے بتایا: یہ سیدنا ہارون علیہ السلام ہیں، جنہیں ان کی قوم میں جانشین بنا کر چھوڑا گیا تھا، اور یہ بنی اسرائیل سے تعلق رکھنے والی ان کی قوم کے لوگ ہیں۔
پھر آپ کو چھٹے آسمان کی طرف لے جایا گیا، سیدنا جبرائیل علیہ السلام نے دروازہ کھولنے کے لیے کہا، تو فرشتوں نے دریافت کیا: آپ کے ساتھ یہ کون ہیں؟ انہوں نے جواب دیا: سیدنا محمد صلی اللہ علیہ وسلم ، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، یہ کتنے اچھے بھائی ہیں، کتنے اچھے خلیفہ ہیں، اور ان کا آنا کتنا اچھا ہے، وہاں ایک صاحب بیٹھے ہوئے تھے، آپ ان کے پاس سے آگے گزر گئے، تو وہ صاحب رونے لگے، آپ نے دریافت کیا: اے جبرائیل! یہ کون ہیں؟ انہوں نے بتایا: یہ سیدنا موسیٰ علیہ السلام ہیں، آپ نے دریافت کیا: یہ کیوں رو رہے ہیں؟ تو (سیدنا موسیٰ علیہ السلام نے) کہا: بنی اسرائیل یہ سمجھتے ہیں کہ میں ساری مخلوق میں سب سے افضل ہوں، اور یہ صاحب میرے بعد آئے ہیں (اور مجھ سے آگے بڑھ گئے ہیں)، اگر یہ اکیلے ہوتے (تو کوئی بات نہ تھی)، لیکن ان کے ساتھ ان کی پوری امت بھی ہے۔
پھر وہ ہمیں لے کر ساتویں آسمان کی طرف گئے، سیدنا جبرائیل علیہ السلام نے دروازہ کھولنے کے لیے کہا، تو فرشتوں نے دریافت کیا: آپ کے ساتھ کون ہے؟ انہوں نے جواب دیا: سیدنا محمد صلی اللہ علیہ وسلم ، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، یہ کتنے اچھے بھائی ہیں، کتنے اچھے خلیفہ ہیں، اور ان کا آنا کتنا اچھا ہے، وہاں کھچڑی بالوں والے ایک صاحب، جنت کے دروازے کے پاس ایک کرسی پر بیٹھے ہوئے تھے، اور ان کے پاس کچھ لوگ بیٹھے ہوئے تھے، جن کی رنگت میں کچھ تھا، (عیسیٰ نامی راوی یعنی ابوجعفر رازی کہتے ہیں: میں نے ایک مرتبہ انہیں یہ کہتے ہوئے سنا: سیاہ چہروں والے) تو وہ لوگ، جن کی رنگت میں کچھ تھا، اُٹھے اور ایک نہر میں داخل ہوئے، جس کا نام ”نعمۃ اللہ“ تھا، انہوں نے اُس میں غسل کیا، جب وہ باہر نکلے، تو ان کی رنگت میں سے کچھ صاف ہو چکا تھا، پھر وہ ایک اور نہر میں داخل ہوئے، جس کا نام ”رحمۃ اللہ“ تھا، انہوں نے اس میں غسل کیا، جب وہ باہر نکلے، تو ان کی رنگت میں سے کچھ اور صاف ہو چکا تھا، پھر وہ ایک اور نہر میں داخل ہوئے، اللہ تعالیٰ کے اس فرمان سے یہی مراد ہے: ”اور ان کا پروردگار انہیں پاکیزہ مشروب پلائے گا“، جب وہ باہر نکلے، تو ان کی رنگت ان کے ساتھیوں کی رنگت کی طرح صاف ہو چکی تھی، پھر وہ اپنے ساتھیوں کے پاس آ کر بیٹھ گئے، نبی اکرم صلی اللہ علیہ وسلم نے دریافت کیا: اے جبرائیل! یہ کھچڑی بالوں والے بیٹھے ہوئے صاحب کون ہیں؟ یہ سفید چہروں والے لوگ کون ہیں؟ اور یہ کون لوگ ہیں، جن کی رنگت میں کچھ تھا، پھر یہ ان نہروں میں داخل ہوئے، انہوں نے ان میں غسل کیا، اور جب یہ باہر نکلے، تو ان کی رنگت صاف ہو چکی تھی؟ انہوں نے بتایا: یہ آپ کے جد امجد سیدنا ابراہیم علیہ السلام ہیں، روئے زمین پر سب سے پہلے انہی کے بال سفید ہوئے تھے، اور یہ سفید چہروں والے وہ لوگ ہیں، جنہوں نے اپنے ایمان کو ظلم کے ساتھ نہیں ملایا، اور یہ وہ لوگ ہیں، جن کی رنگت میں کچھ تھا، انہوں نے نیک اعمال کے ساتھ کچھ برے اعمال بھی ملا دیئے تھے، پھر انہوں نے توبہ کی، تو اللہ تعالیٰ نے ان کی توبہ قبول کر لی۔
پھر آپ سدرہ کی طرف تشریف لے گئے، تو آپ سے کہا گیا: یہ سدرۃ المنتہیٰ ہے، آپ کی امت میں سے جو بھی شخص آپ کے طریقے پر چلتے ہوئے دنیا سے رخصت ہوا، وہ یہاں تک پہنچتا ہے، یہ سدرۃ المنتہیٰ ہے، اس کی جڑ سے ایسے پانی کی نہریں نکلتی ہیں، جو خراب نہیں ہوتا، ایسے دودھ کی نہریں نکلتی ہیں، جس کا ذائقہ تبدیل نہیں ہوتا، ایسی شراب کی نہریں نکلتی ہیں، جو پینے والوں کے لیے لذیذ ہے، اور صاف کیے ہوئے شہد کی نہریں نکلتی ہیں، یہ ایک ایسا درخت ہے، جس کے سائے میں سوار ستر برس تک چلتا رہے گا، اور اس کا ایک پتہ ساری مخلوق پر سایہ کر سکتا ہے، پھر اسے نور نے ڈھانپ لیا اور فرشتوں نے ڈھانپ لیا، (عیسیٰ نامی راوی کہتے ہیں: اللہ تعالیٰ کے اس فرمان سے یہی مراد ہے: ”جب سدرہ کو اُس چیز نے ڈھانپ لیا، جس نے ڈھانپ لیا“)، پھر اللہ تبارک و تعالیٰ نے آپ سے فرمایا: آپ مانگیں! تو نبی اکرم صلی اللہ علیہ وسلم نے عرض کی: تو نے سیدنا ابراہیم علیہ السلام کو اپنا خلیل بنایا اور انہیں عظیم بادشاہی عطا کی، سیدنا موسیٰ علیہ السلام سے براہ راست کلام کیا، سیدنا داؤد علیہ السلام کو عظیم بادشاہی عطا کی، ان کے لیے لوہے کو نرم کر دیا اور پہاڑوں کو ان کے تابع کر دیا، سیدنا سلیمان علیہ السلام کو عظیم بادشاہی عطا کی، جنات، انسانوں، شیاطین اور ہواؤں کو ان کے تابع کر دیا، اور انہیں ایسی بادشاہی عطا کی، جو ان کے بعد کسی کے لائق نہیں ہے، سیدنا عیسیٰ علیہ السلام کو تورات اور انجیل کا علم عطا کیا، انہیں ایسا بنایا کہ وہ پیدائشی اندھے اور برص کے مریض کو ٹھیک کر دیتے تھے، انہیں اور ان کی والدہ کو شیطان مردود سے پناہ عطا کی، تو شیطان کو ان دونوں پر کوئی اختیار حاصل نہیں ہوا، تو اُن کے پروردگار نے اُن سے فرمایا: میں نے تمہیں اپنا خلیل بنایا ہے، اور تورات میں یہ لکھا ہوا ہے: ”محمد، رحمٰن کے حبیب ہیں“، میں نے تمہیں تمام انسانوں کی طرف بھیجا ہے، میں نے تمہاری امت کو سب سے پہلے اور سب سے آخر والا بنایا ہے، میں نے تمہاری امت کو ایسا بنایا ہے کہ ان کا کوئی خطبہ اُس وقت تک جائز نہیں ہو گا، جب تک وہ یہ گواہی نہ دیں کہ تم میرے بندے اور میرے رسول ہو، میں نے تمہیں تخلیق کے اعتبار سے سب سے پہلا نبی اور بعثت کے اعتبار سے سب سے آخری نبی بنایا ہے، میں نے تمہیں ”سبع مثانی“ (سات بار بار پڑھی جانے والی آیات) عطا کی ہیں، جو میں نے تم سے پہلے کسی نبی کو عطا نہیں کیں، میں نے تمہیں عرش کے نیچے موجود خزانے میں سے سورۃ البقرہ کی آخری آیات عطا کی ہیں، جو میں نے تم سے پہلے کسی نبی کو عطا نہیں کیں، اور میں نے تمہیں فاتح اور خاتم بنایا ہے۔
نبی اکرم صلی اللہ علیہ وسلم نے ارشاد فرمایا: میرے پروردگار نے مجھے چھ چیزوں کے ذریعے فضیلت عطا کی ہے: اس نے میرے دشمنوں کے دلوں میں ایک ماہ کی مسافت تک میرا رعب ڈال دیا، میرے لیے مال غنیمت حلال قرار دیا گیا، جو مجھ سے پہلے کسی کے لیے حلال نہیں تھا، میرے لیے زمین کو سجدہ گاہ اور پاک کرنے والی بنا دیا گیا، مجھے کلام کے آغاز اور جامع کلمات عطا کیے گئے، میری امت کو میرے سامنے پیش کیا گیا، تو ان میں سے پیروی کرنے والا اور جس کی پیروی کی جاتی ہے، کوئی بھی مجھ سے پوشیدہ نہیں رہا، میں نے انہیں دیکھا کہ وہ ایسی قوم کے پاس آئے، جو بالوں کے جوتے پہنتے ہیں، اور میں نے انہیں دیکھا کہ وہ ایسی قوم کے پاس آئے، جن کے چہرے چوڑے اور آنکھیں چھوٹی ہیں، تو میں نے پہچان لیا کہ وہ کون ہیں، اور مجھے پچاس نمازوں کا حکم دیا گیا۔
پھر نبی اکرم صلی اللہ علیہ وسلم سیدنا موسیٰ علیہ السلام کے پاس واپس آئے، تو سیدنا موسیٰ علیہ السلام نے آپ سے دریافت کیا: آپ کو کتنی نمازوں کا حکم دیا گیا ہے؟ آپ نے جواب دیا: پچاس نمازوں کا، انہوں نے کہا: آپ اپنے پروردگار کے پاس واپس جائیں اور اس سے تخفیف مانگیں، کیونکہ آپ کی امت تمام امتوں میں سب سے زیادہ کمزور ہے، اور مجھے بنی اسرائیل کی طرف سے سختی کا سامنا کرنا پڑا تھا، تو سیدنا محمد صلی اللہ علیہ وسلم واپس گئے اور اللہ تعالیٰ سے تخفیف مانگی، تو اللہ تعالیٰ نے دس نمازیں کم کر دیں، آپ سیدنا موسیٰ علیہ السلام کے پاس واپس آئے، تو انہوں نے دریافت کیا: آپ کو کتنی نمازوں کا حکم دیا گیا ہے؟ آپ نے جواب دیا: چالیس نمازوں کا، انہوں نے کہا: آپ اپنے پروردگار کے پاس واپس جائیں اور اس سے اپنی امت کے لیے تخفیف مانگیں، کیونکہ آپ کی امت تمام امتوں میں سب سے زیادہ کمزور ہے، اور مجھے بنی اسرائیل کی طرف سے سختی کا سامنا کرنا پڑا تھا، تو سیدنا محمد صلی اللہ علیہ وسلم واپس گئے اور اللہ تعالیٰ سے تخفیف مانگی، تو اللہ تعالیٰ نے دس نمازیں کم کر دیں، آپ سیدنا موسیٰ علیہ السلام کے پاس واپس آئے، تو انہوں نے دریافت کیا: آپ کو کتنی نمازوں کا حکم دیا گیا ہے؟ آپ نے جواب دیا: تیس کا، انہوں نے کہا: آپ اپنے پروردگار کے پاس واپس جائیں اور اس سے اپنی امت کے لیے تخفیف مانگیں، کیونکہ آپ کی امت تمام امتوں میں سب سے زیادہ کمزور ہے، اور مجھے بنی اسرائیل کی طرف سے سختی کا سامنا کرنا پڑا تھا، تو سیدنا محمد صلی اللہ علیہ وسلم واپس گئے اور اپنے پروردگار سے تخفیف مانگی، تو اللہ تعالیٰ نے دس نمازیں کم کر دیں، آپ سیدنا موسیٰ علیہ السلام کے پاس واپس آئے، تو انہوں نے دریافت کیا: آپ کو کتنی نمازوں کا حکم دیا گیا ہے؟ آپ نے جواب دیا: بیس کا، انہوں نے کہا: آپ اپنے پروردگار کے پاس واپس جائیں اور اس سے اپنی امت کے لیے تخفیف مانگیں، کیونکہ آپ کی امت تمام امتوں میں سب سے زیادہ کمزور ہے، اور مجھے بنی اسرائیل کی طرف سے سختی کا سامنا کرنا پڑا تھا، تو سیدنا محمد صلی اللہ علیہ وسلم واپس گئے اور اپنے پروردگار سے تخفیف مانگی، تو اللہ تعالیٰ نے دس نمازیں کم کر دیں، آپ سیدنا موسیٰ علیہ السلام کے پاس واپس آئے، تو انہوں نے دریافت کیا: آپ کو کتنی نمازوں کا حکم دیا گیا ہے؟ آپ نے جواب دیا: دس کا، انہوں نے کہا: آپ اپنے پروردگار کے پاس واپس جائیں اور اس سے اپنی امت کے لیے تخفیف مانگیں، کیونکہ آپ کی امت تمام امتوں میں سب سے زیادہ کمزور ہے، اور مجھے بنی اسرائیل کی طرف سے سختی کا سامنا کرنا پڑا تھا، تو سیدنا محمد صلی اللہ علیہ وسلم واپس گئے اور اپنے پروردگار سے تخفیف مانگی، تو اللہ تعالیٰ نے پانچ نمازیں کم کر دیں، آپ سیدنا موسیٰ علیہ السلام کے پاس واپس آئے، تو انہوں نے دریافت کیا: آپ کو کتنی نمازوں کا حکم دیا گیا ہے؟ آپ نے جواب دیا: پانچ کا، انہوں نے کہا: آپ اپنے پروردگار کے پاس واپس جائیں اور اس سے تخفیف مانگیں، کیونکہ آپ کی امت تمام امتوں میں سب سے زیادہ کمزور ہے، اور مجھے بنی اسرائیل کی طرف سے سختی کا سامنا کرنا پڑا تھا، نبی اکرم صلی اللہ علیہ وسلم نے فرمایا: میں اپنے پروردگار کے پاس اتنی مرتبہ واپس گیا ہوں کہ اب مجھے اس سے حیا آتی ہے، اب میں اُس کے پاس واپس نہیں جاؤں گا، تو آپ سے کہا گیا: جس طرح آپ نے پانچ پر صبر کیا ہے، تو یہ آپ کی طرف سے پچاس کے برابر شمار ہوں گی، آپ کی ہر نیکی دس گنا شمار ہو گی۔
عیسیٰ نامی راوی کہتے ہیں: مجھ تک یہ روایت پہنچی ہے کہ نبی اکرم صلی اللہ علیہ وسلم نے ارشاد فرمایا: سیدنا موسیٰ علیہ السلام شروع میں میرے ساتھ سب سے زیادہ سخت تھے اور آخر میں میرے لیے سب سے زیادہ بہتر تھے۔
یہ روایت امام بزار نے نقل کی ہے اور اس کے رجال کی توثیق کی گئی ہے۔ [مجمع الزاوئد ومنبع الفوائد/كتاب الإيمان/حدیث: 235]
پھر آپ روانہ ہوئے، یہاں تک کہ بیت المقدس آ گئے، آپ نے اُتر کر اپنا گھوڑا ایک چٹان کے ساتھ باندھ دیا، پھر آپ نے فرشتوں کے ساتھ نماز ادا کی، جب نماز ختم ہو گئی، تو فرشتوں نے دریافت کیا: اے جبرائیل! آپ کے ساتھ یہ کون ہیں؟ انہوں نے بتایا: یہ اللہ کے رسول سیدنا محمد صلی اللہ علیہ وسلم ہیں، جو خاتم النبیین ہیں، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، یہ کتنے اچھے بھائی ہیں اور کتنے اچھے خلیفہ ہیں، پھر ان حضرات کی ملاقات انبیاء کرام کی ارواح سے ہوئی، ان سب نے اپنے پروردگار کی حمد و ثنا بیان کی، سیدنا ابراہیم علیہ السلام نے کہا: ہر طرح کی حمد اللہ تعالیٰ کے لیے مخصوص ہے، جس نے مجھے اپنا خلیل بنایا، مجھے عظیم بادشاہی عطا کی، مجھے ایک فرمانبردار امت (کی حیثیت) بنایا، اپنی رسالت کے لیے مجھے منتخب کیا، مجھے آگ سے نجات دی اور اُسے میرے لیے ٹھنڈا اور سلامتی والا بنا دیا، پھر سیدنا موسیٰ علیہ السلام نے اپنے پروردگار کی حمد و ثنا بیان کی اور کہا: ہر طرح کی حمد اللہ تعالیٰ کے لیے مخصوص ہے، جس نے مجھ سے براہ راست کلام کیا، مجھے منتخب کیا، مجھ پر تورات نازل کی، فرعون کی ہلاکت میرے ہاتھوں کروائی اور بنی اسرائیل کی نجات بھی میرے ہاتھوں کروائی، پھر سیدنا داؤد علیہ السلام نے اپنے پروردگار کی حمد و ثنا بیان کی اور کہا: ہر طرح کی حمد اللہ تعالیٰ کے لیے مخصوص ہے، جس نے مجھے بادشاہی عطا کی، مجھ پر زبور نازل کی، میرے لیے لوہے کو نرم کر دیا، پہاڑوں کو اور پرندوں کو میرے تابع کر دیا، جو میرے ساتھ تسبیح بیان کرتے ہیں، اور مجھے حکمت اور فیصلہ کن کلام عطا کیا، پھر سیدنا سلیمان علیہ السلام نے اپنے پروردگار کی حمد و ثنا بیان کی اور کہا: ہر طرح کی حمد اللہ تعالیٰ کے لیے مخصوص ہے، جس نے ہواؤں کو، جنات کو اور انسانوں کو میرے تابع کر دیا، شیاطین کو میرے تابع کر دیا، جو میری مرضی کے مطابق، محرابیں، مجسمے، حوض جیسے بڑے بڑے لگن اور ایک جگہ جمی رہنے والی دیگیں بناتے تھے، جس نے مجھے پرندوں کی بولی سکھائی، میرے لیے پگھلے ہوئے تانبے کا چشمہ بہا دیا، اور مجھے ایسی بادشاہی عطا کی، جو میرے بعد کسی کے لائق نہیں ہے، پھر سیدنا عیسیٰ علیہ السلام نے اپنے پروردگار کی حمد و ثنا بیان کی اور کہا: ہر طرح کی حمد اللہ تعالیٰ کے لیے مخصوص ہے، جس نے مجھے تورات اور انجیل کا علم عطا کیا، مجھے ایسا بنایا کہ میں پیدائشی اندھے اور برص کے مریض کو ٹھیک کر دیتا ہوں، اور اللہ کے حکم سے مُردوں کو زندہ کر دیتا ہوں، مجھے (آسمان کی طرف) اُٹھا لیا، کافروں سے مجھے پاک کر دیا، مجھے اور میری والدہ کو شیطان مردود سے پناہ عطا کی، اور شیطان کو ہم پر کوئی اختیار نہیں دیا، پھر سیدنا محمد صلی اللہ علیہ وسلم نے اپنے پروردگار کی حمد و ثنا بیان کی اور فرمایا: آپ سب حضرات نے اپنے پروردگار کی حمد و ثنا بیان کی ہے، اب میں اپنے پروردگار کی حمد و ثنا بیان کرتا ہوں: ہر طرح کی حمد اللہ تعالیٰ کے لیے مخصوص ہے، جس نے مجھے تمام جہانوں کے لیے رحمت بنا کر، اور تمام انسانوں کی طرف خوشخبری دینے والا اور ڈرانے والا بنا کر بھیجا، مجھ پر فرقان نازل کیا، جس میں ہر چیز کا واضح بیان ہے، میری امت کو وہ بہترین امت بنایا، جسے لوگوں کے لیے نکالا گیا ہے، میری امت کو درمیانی (معتدل) امت بنایا، میری امت کو سب سے پہلے اور سب سے آخر والا بنایا، میرے لیے میرا سینہ کھول دیا، مجھ سے میرا بوجھ اُتار دیا، میرے لیے میرا ذکر بلند کیا، اور مجھے فاتح اور خاتم بنایا، تو سیدنا ابراہیم علیہ السلام نے کہا: اسی وجہ سے سیدنا محمد صلی اللہ علیہ وسلم تم سب پر فضیلت لے گئے ہیں۔
پھر تین ڈھکے ہوئے برتن لائے گئے، آپ کو ایک برتن دیا گیا، جس میں پانی تھا، اور آپ سے کہا گیا: آپ پی لیجئے! پھر آپ کو دوسرا برتن دیا گیا، جس میں دودھ تھا، آپ نے اُسے پیا، یہاں تک کہ سیراب ہو گئے، پھر آپ کو ایک اور برتن دیا گیا، جس میں شراب تھی، آپ نے فرمایا: میں سیراب ہو چکا ہوں، میں اسے نہیں چکھوں گا، تو آپ سے کہا گیا: آپ نے ٹھیک کیا، عنقریب یہ آپ کی امت پر حرام قرار دے دی جائے گی، اگر آپ اسے پی لیتے، تو آپ کی امت میں سے بہت تھوڑے لوگ آپ کی پیروی کرتے۔
پھر آپ کو آسمان کی طرف لے جایا گیا، سیدنا جبرائیل علیہ السلام نے دروازہ کھولنے کے لیے کہا، تو دریافت کیا گیا: یہ کون ہے؟ انہوں نے جواب دیا: جبرائیل، دریافت کیا گیا: آپ کے ساتھ کون ہے؟ انہوں نے جواب دیا: سیدنا محمد صلی اللہ علیہ وسلم ، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، یہ کتنے اچھے بھائی ہیں، کتنے اچھے خلیفہ ہیں، اور ان کا آنا کتنا اچھا ہے، آپ اندر داخل ہوئے، تو وہاں ایک بزرگ بیٹھے ہوئے تھے، جن کی تخلیق مکمل تھی، ان کی تخلیق میں کوئی کمی نہیں آئی تھی، جس طرح انسانوں کی تخلیق میں کمی آ جاتی ہے، اُن کے دائیں طرف ایک دروازہ تھا، جس میں سے پاکیزہ خوشبو آ رہی تھی، اور اُن کے بائیں طرف ایک دروازہ تھا، جس میں سے بدبو آ رہی تھی، جب وہ اپنے دائیں طرف والے دروازے کی طرف دیکھتے تھے، تو ہنس پڑتے تھے، اور جب بائیں طرف والے دروازے کی طرف دیکھتے تھے، تو رونے لگتے تھے اور غمگین ہو جاتے تھے، نبی اکرم صلی اللہ علیہ وسلم نے دریافت کیا: اے جبرائیل! یہ بزرگ کون ہیں؟ اور یہ دو دروازے کیسے ہیں؟ انہوں نے بتایا: یہ آپ کے جد امجد سیدنا آدم علیہ السلام ہیں، اُن کے دائیں طرف والا یہ دروازہ جنت کا دروازہ ہے، جب یہ اپنی اولاد میں سے اس میں داخل ہونے والوں کو دیکھتے ہیں، تو ہنس پڑتے ہیں اور خوش ہو جاتے ہیں، اور جب یہ اپنے بائیں طرف والے دروازے، یعنی جہنم کے دروازے کی طرف، اپنی اولاد میں سے اس میں داخل ہونے والوں کو دیکھتے ہیں، تو رونے لگتے ہیں اور غمگین ہو جاتے ہیں۔
پھر آپ دوسرے آسمان کی طرف تشریف لے گئے، (جبرائیل نے) دروازہ کھولنے کے لیے کہا، تو دریافت کیا گیا: یہ کون ہے؟ انہوں نے جواب دیا: جبرائیل، فرشتوں نے دریافت کیا: آپ کے ساتھ کون ہے؟ انہوں نے جواب دیا: اللہ کے رسول سیدنا محمد صلی اللہ علیہ وسلم ، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، یہ کتنے اچھے بھائی ہیں، کتنے اچھے خلیفہ ہیں، اور ان کا آنا کتنا اچھا ہے، آپ اندر داخل ہوئے، تو وہاں دو نوجوان موجود تھے، آپ نے دریافت کیا: اے جبرائیل! یہ دونوں نوجوان کون ہیں؟ انہوں نے بتایا: یہ سیدنا عیسیٰ علیہ السلام اور سیدنا یحییٰ علیہ السلام ہیں، جو آپس میں خالہ زاد ہیں۔
پھر آپ تیسرے آسمان کی طرف تشریف لے گئے، سیدنا جبرائیل علیہ السلام نے دروازہ کھولنے کے لیے کہا، تو فرشتوں نے دریافت کیا: آپ کے ساتھ یہ کون ہیں؟ انہوں نے جواب دیا: سیدنا محمد، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، یہ کتنے اچھے بھائی ہیں، کتنے اچھے خلیفہ ہیں، اور ان کا آنا کتنا اچھا ہے، آپ اندر داخل ہوئے، تو وہاں ایک صاحب بیٹھے ہوئے تھے، جنہیں حسن و جمال میں لوگوں پر اسی طرح فضیلت حاصل تھی، جس طرح چودھویں رات کے چاند کو باقی تمام ستاروں پر فضیلت حاصل ہوتی ہے، آپ نے دریافت کیا: اے جبرائیل! یہ کون ہیں؟ انہوں نے بتایا: یہ آپ کے بھائی سیدنا یوسف علیہ السلام ہیں۔
پھر آپ چوتھے آسمان کی طرف تشریف لے گئے، سیدنا جبرائیل علیہ السلام نے دروازہ کھولنے کے لیے کہا، تو فرشتوں نے دریافت کیا: آپ کے ساتھ یہ کون ہیں؟ انہوں نے جواب دیا: سیدنا محمد صلی اللہ علیہ وسلم ، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، اور ان کا آنا کتنا اچھا ہے، آپ اندر داخل ہوئے، تو وہاں ایک صاحب موجود تھے، آپ نے دریافت کیا: اے جبرائیل! یہ بیٹھے ہوئے صاحب کون ہیں؟ انہوں نے بتایا: یہ آپ کے بھائی سیدنا ادریس علیہ السلام ہیں، جنہیں اللہ تعالیٰ نے بلند مقام پر اُٹھا لیا تھا۔
پھر آپ کو پانچویں آسمان کی طرف لے جایا گیا، سیدنا جبرائیل علیہ السلام نے دروازہ کھولنے کے لیے کہا، تو فرشتوں نے دریافت کیا: آپ کے ساتھ یہ کون ہیں؟ انہوں نے جواب دیا: سیدنا محمد صلی اللہ علیہ وسلم ، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، یہ کتنے اچھے بھائی ہیں، کتنے اچھے خلیفہ ہیں، اور ان کا آنا کتنا اچھا ہے، آپ اندر داخل ہوئے، تو وہاں ایک صاحب بیٹھے ہوئے تھے، جو لوگوں کے سامنے واقعات بیان کر رہے تھے، آپ نے دریافت کیا: اے جبرائیل! یہ کون ہیں؟ اور ان کے اردگرد موجود یہ لوگ کون ہیں؟ انہوں نے بتایا: یہ سیدنا ہارون علیہ السلام ہیں، جنہیں ان کی قوم میں جانشین بنا کر چھوڑا گیا تھا، اور یہ بنی اسرائیل سے تعلق رکھنے والی ان کی قوم کے لوگ ہیں۔
پھر آپ کو چھٹے آسمان کی طرف لے جایا گیا، سیدنا جبرائیل علیہ السلام نے دروازہ کھولنے کے لیے کہا، تو فرشتوں نے دریافت کیا: آپ کے ساتھ یہ کون ہیں؟ انہوں نے جواب دیا: سیدنا محمد صلی اللہ علیہ وسلم ، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، یہ کتنے اچھے بھائی ہیں، کتنے اچھے خلیفہ ہیں، اور ان کا آنا کتنا اچھا ہے، وہاں ایک صاحب بیٹھے ہوئے تھے، آپ ان کے پاس سے آگے گزر گئے، تو وہ صاحب رونے لگے، آپ نے دریافت کیا: اے جبرائیل! یہ کون ہیں؟ انہوں نے بتایا: یہ سیدنا موسیٰ علیہ السلام ہیں، آپ نے دریافت کیا: یہ کیوں رو رہے ہیں؟ تو (سیدنا موسیٰ علیہ السلام نے) کہا: بنی اسرائیل یہ سمجھتے ہیں کہ میں ساری مخلوق میں سب سے افضل ہوں، اور یہ صاحب میرے بعد آئے ہیں (اور مجھ سے آگے بڑھ گئے ہیں)، اگر یہ اکیلے ہوتے (تو کوئی بات نہ تھی)، لیکن ان کے ساتھ ان کی پوری امت بھی ہے۔
پھر وہ ہمیں لے کر ساتویں آسمان کی طرف گئے، سیدنا جبرائیل علیہ السلام نے دروازہ کھولنے کے لیے کہا، تو فرشتوں نے دریافت کیا: آپ کے ساتھ کون ہے؟ انہوں نے جواب دیا: سیدنا محمد صلی اللہ علیہ وسلم ، فرشتوں نے دریافت کیا: کیا انہیں بلوایا گیا ہے؟ انہوں نے جواب دیا: جی ہاں! فرشتوں نے کہا: اللہ تعالیٰ اس بھائی اور خلیفہ کو سلامت رکھے، یہ کتنے اچھے بھائی ہیں، کتنے اچھے خلیفہ ہیں، اور ان کا آنا کتنا اچھا ہے، وہاں کھچڑی بالوں والے ایک صاحب، جنت کے دروازے کے پاس ایک کرسی پر بیٹھے ہوئے تھے، اور ان کے پاس کچھ لوگ بیٹھے ہوئے تھے، جن کی رنگت میں کچھ تھا، (عیسیٰ نامی راوی یعنی ابوجعفر رازی کہتے ہیں: میں نے ایک مرتبہ انہیں یہ کہتے ہوئے سنا: سیاہ چہروں والے) تو وہ لوگ، جن کی رنگت میں کچھ تھا، اُٹھے اور ایک نہر میں داخل ہوئے، جس کا نام ”نعمۃ اللہ“ تھا، انہوں نے اُس میں غسل کیا، جب وہ باہر نکلے، تو ان کی رنگت میں سے کچھ صاف ہو چکا تھا، پھر وہ ایک اور نہر میں داخل ہوئے، جس کا نام ”رحمۃ اللہ“ تھا، انہوں نے اس میں غسل کیا، جب وہ باہر نکلے، تو ان کی رنگت میں سے کچھ اور صاف ہو چکا تھا، پھر وہ ایک اور نہر میں داخل ہوئے، اللہ تعالیٰ کے اس فرمان سے یہی مراد ہے: ”اور ان کا پروردگار انہیں پاکیزہ مشروب پلائے گا“، جب وہ باہر نکلے، تو ان کی رنگت ان کے ساتھیوں کی رنگت کی طرح صاف ہو چکی تھی، پھر وہ اپنے ساتھیوں کے پاس آ کر بیٹھ گئے، نبی اکرم صلی اللہ علیہ وسلم نے دریافت کیا: اے جبرائیل! یہ کھچڑی بالوں والے بیٹھے ہوئے صاحب کون ہیں؟ یہ سفید چہروں والے لوگ کون ہیں؟ اور یہ کون لوگ ہیں، جن کی رنگت میں کچھ تھا، پھر یہ ان نہروں میں داخل ہوئے، انہوں نے ان میں غسل کیا، اور جب یہ باہر نکلے، تو ان کی رنگت صاف ہو چکی تھی؟ انہوں نے بتایا: یہ آپ کے جد امجد سیدنا ابراہیم علیہ السلام ہیں، روئے زمین پر سب سے پہلے انہی کے بال سفید ہوئے تھے، اور یہ سفید چہروں والے وہ لوگ ہیں، جنہوں نے اپنے ایمان کو ظلم کے ساتھ نہیں ملایا، اور یہ وہ لوگ ہیں، جن کی رنگت میں کچھ تھا، انہوں نے نیک اعمال کے ساتھ کچھ برے اعمال بھی ملا دیئے تھے، پھر انہوں نے توبہ کی، تو اللہ تعالیٰ نے ان کی توبہ قبول کر لی۔
پھر آپ سدرہ کی طرف تشریف لے گئے، تو آپ سے کہا گیا: یہ سدرۃ المنتہیٰ ہے، آپ کی امت میں سے جو بھی شخص آپ کے طریقے پر چلتے ہوئے دنیا سے رخصت ہوا، وہ یہاں تک پہنچتا ہے، یہ سدرۃ المنتہیٰ ہے، اس کی جڑ سے ایسے پانی کی نہریں نکلتی ہیں، جو خراب نہیں ہوتا، ایسے دودھ کی نہریں نکلتی ہیں، جس کا ذائقہ تبدیل نہیں ہوتا، ایسی شراب کی نہریں نکلتی ہیں، جو پینے والوں کے لیے لذیذ ہے، اور صاف کیے ہوئے شہد کی نہریں نکلتی ہیں، یہ ایک ایسا درخت ہے، جس کے سائے میں سوار ستر برس تک چلتا رہے گا، اور اس کا ایک پتہ ساری مخلوق پر سایہ کر سکتا ہے، پھر اسے نور نے ڈھانپ لیا اور فرشتوں نے ڈھانپ لیا، (عیسیٰ نامی راوی کہتے ہیں: اللہ تعالیٰ کے اس فرمان سے یہی مراد ہے: ”جب سدرہ کو اُس چیز نے ڈھانپ لیا، جس نے ڈھانپ لیا“)، پھر اللہ تبارک و تعالیٰ نے آپ سے فرمایا: آپ مانگیں! تو نبی اکرم صلی اللہ علیہ وسلم نے عرض کی: تو نے سیدنا ابراہیم علیہ السلام کو اپنا خلیل بنایا اور انہیں عظیم بادشاہی عطا کی، سیدنا موسیٰ علیہ السلام سے براہ راست کلام کیا، سیدنا داؤد علیہ السلام کو عظیم بادشاہی عطا کی، ان کے لیے لوہے کو نرم کر دیا اور پہاڑوں کو ان کے تابع کر دیا، سیدنا سلیمان علیہ السلام کو عظیم بادشاہی عطا کی، جنات، انسانوں، شیاطین اور ہواؤں کو ان کے تابع کر دیا، اور انہیں ایسی بادشاہی عطا کی، جو ان کے بعد کسی کے لائق نہیں ہے، سیدنا عیسیٰ علیہ السلام کو تورات اور انجیل کا علم عطا کیا، انہیں ایسا بنایا کہ وہ پیدائشی اندھے اور برص کے مریض کو ٹھیک کر دیتے تھے، انہیں اور ان کی والدہ کو شیطان مردود سے پناہ عطا کی، تو شیطان کو ان دونوں پر کوئی اختیار حاصل نہیں ہوا، تو اُن کے پروردگار نے اُن سے فرمایا: میں نے تمہیں اپنا خلیل بنایا ہے، اور تورات میں یہ لکھا ہوا ہے: ”محمد، رحمٰن کے حبیب ہیں“، میں نے تمہیں تمام انسانوں کی طرف بھیجا ہے، میں نے تمہاری امت کو سب سے پہلے اور سب سے آخر والا بنایا ہے، میں نے تمہاری امت کو ایسا بنایا ہے کہ ان کا کوئی خطبہ اُس وقت تک جائز نہیں ہو گا، جب تک وہ یہ گواہی نہ دیں کہ تم میرے بندے اور میرے رسول ہو، میں نے تمہیں تخلیق کے اعتبار سے سب سے پہلا نبی اور بعثت کے اعتبار سے سب سے آخری نبی بنایا ہے، میں نے تمہیں ”سبع مثانی“ (سات بار بار پڑھی جانے والی آیات) عطا کی ہیں، جو میں نے تم سے پہلے کسی نبی کو عطا نہیں کیں، میں نے تمہیں عرش کے نیچے موجود خزانے میں سے سورۃ البقرہ کی آخری آیات عطا کی ہیں، جو میں نے تم سے پہلے کسی نبی کو عطا نہیں کیں، اور میں نے تمہیں فاتح اور خاتم بنایا ہے۔
نبی اکرم صلی اللہ علیہ وسلم نے ارشاد فرمایا: میرے پروردگار نے مجھے چھ چیزوں کے ذریعے فضیلت عطا کی ہے: اس نے میرے دشمنوں کے دلوں میں ایک ماہ کی مسافت تک میرا رعب ڈال دیا، میرے لیے مال غنیمت حلال قرار دیا گیا، جو مجھ سے پہلے کسی کے لیے حلال نہیں تھا، میرے لیے زمین کو سجدہ گاہ اور پاک کرنے والی بنا دیا گیا، مجھے کلام کے آغاز اور جامع کلمات عطا کیے گئے، میری امت کو میرے سامنے پیش کیا گیا، تو ان میں سے پیروی کرنے والا اور جس کی پیروی کی جاتی ہے، کوئی بھی مجھ سے پوشیدہ نہیں رہا، میں نے انہیں دیکھا کہ وہ ایسی قوم کے پاس آئے، جو بالوں کے جوتے پہنتے ہیں، اور میں نے انہیں دیکھا کہ وہ ایسی قوم کے پاس آئے، جن کے چہرے چوڑے اور آنکھیں چھوٹی ہیں، تو میں نے پہچان لیا کہ وہ کون ہیں، اور مجھے پچاس نمازوں کا حکم دیا گیا۔
پھر نبی اکرم صلی اللہ علیہ وسلم سیدنا موسیٰ علیہ السلام کے پاس واپس آئے، تو سیدنا موسیٰ علیہ السلام نے آپ سے دریافت کیا: آپ کو کتنی نمازوں کا حکم دیا گیا ہے؟ آپ نے جواب دیا: پچاس نمازوں کا، انہوں نے کہا: آپ اپنے پروردگار کے پاس واپس جائیں اور اس سے تخفیف مانگیں، کیونکہ آپ کی امت تمام امتوں میں سب سے زیادہ کمزور ہے، اور مجھے بنی اسرائیل کی طرف سے سختی کا سامنا کرنا پڑا تھا، تو سیدنا محمد صلی اللہ علیہ وسلم واپس گئے اور اللہ تعالیٰ سے تخفیف مانگی، تو اللہ تعالیٰ نے دس نمازیں کم کر دیں، آپ سیدنا موسیٰ علیہ السلام کے پاس واپس آئے، تو انہوں نے دریافت کیا: آپ کو کتنی نمازوں کا حکم دیا گیا ہے؟ آپ نے جواب دیا: چالیس نمازوں کا، انہوں نے کہا: آپ اپنے پروردگار کے پاس واپس جائیں اور اس سے اپنی امت کے لیے تخفیف مانگیں، کیونکہ آپ کی امت تمام امتوں میں سب سے زیادہ کمزور ہے، اور مجھے بنی اسرائیل کی طرف سے سختی کا سامنا کرنا پڑا تھا، تو سیدنا محمد صلی اللہ علیہ وسلم واپس گئے اور اللہ تعالیٰ سے تخفیف مانگی، تو اللہ تعالیٰ نے دس نمازیں کم کر دیں، آپ سیدنا موسیٰ علیہ السلام کے پاس واپس آئے، تو انہوں نے دریافت کیا: آپ کو کتنی نمازوں کا حکم دیا گیا ہے؟ آپ نے جواب دیا: تیس کا، انہوں نے کہا: آپ اپنے پروردگار کے پاس واپس جائیں اور اس سے اپنی امت کے لیے تخفیف مانگیں، کیونکہ آپ کی امت تمام امتوں میں سب سے زیادہ کمزور ہے، اور مجھے بنی اسرائیل کی طرف سے سختی کا سامنا کرنا پڑا تھا، تو سیدنا محمد صلی اللہ علیہ وسلم واپس گئے اور اپنے پروردگار سے تخفیف مانگی، تو اللہ تعالیٰ نے دس نمازیں کم کر دیں، آپ سیدنا موسیٰ علیہ السلام کے پاس واپس آئے، تو انہوں نے دریافت کیا: آپ کو کتنی نمازوں کا حکم دیا گیا ہے؟ آپ نے جواب دیا: بیس کا، انہوں نے کہا: آپ اپنے پروردگار کے پاس واپس جائیں اور اس سے اپنی امت کے لیے تخفیف مانگیں، کیونکہ آپ کی امت تمام امتوں میں سب سے زیادہ کمزور ہے، اور مجھے بنی اسرائیل کی طرف سے سختی کا سامنا کرنا پڑا تھا، تو سیدنا محمد صلی اللہ علیہ وسلم واپس گئے اور اپنے پروردگار سے تخفیف مانگی، تو اللہ تعالیٰ نے دس نمازیں کم کر دیں، آپ سیدنا موسیٰ علیہ السلام کے پاس واپس آئے، تو انہوں نے دریافت کیا: آپ کو کتنی نمازوں کا حکم دیا گیا ہے؟ آپ نے جواب دیا: دس کا، انہوں نے کہا: آپ اپنے پروردگار کے پاس واپس جائیں اور اس سے اپنی امت کے لیے تخفیف مانگیں، کیونکہ آپ کی امت تمام امتوں میں سب سے زیادہ کمزور ہے، اور مجھے بنی اسرائیل کی طرف سے سختی کا سامنا کرنا پڑا تھا، تو سیدنا محمد صلی اللہ علیہ وسلم واپس گئے اور اپنے پروردگار سے تخفیف مانگی، تو اللہ تعالیٰ نے پانچ نمازیں کم کر دیں، آپ سیدنا موسیٰ علیہ السلام کے پاس واپس آئے، تو انہوں نے دریافت کیا: آپ کو کتنی نمازوں کا حکم دیا گیا ہے؟ آپ نے جواب دیا: پانچ کا، انہوں نے کہا: آپ اپنے پروردگار کے پاس واپس جائیں اور اس سے تخفیف مانگیں، کیونکہ آپ کی امت تمام امتوں میں سب سے زیادہ کمزور ہے، اور مجھے بنی اسرائیل کی طرف سے سختی کا سامنا کرنا پڑا تھا، نبی اکرم صلی اللہ علیہ وسلم نے فرمایا: میں اپنے پروردگار کے پاس اتنی مرتبہ واپس گیا ہوں کہ اب مجھے اس سے حیا آتی ہے، اب میں اُس کے پاس واپس نہیں جاؤں گا، تو آپ سے کہا گیا: جس طرح آپ نے پانچ پر صبر کیا ہے، تو یہ آپ کی طرف سے پچاس کے برابر شمار ہوں گی، آپ کی ہر نیکی دس گنا شمار ہو گی۔
عیسیٰ نامی راوی کہتے ہیں: مجھ تک یہ روایت پہنچی ہے کہ نبی اکرم صلی اللہ علیہ وسلم نے ارشاد فرمایا: سیدنا موسیٰ علیہ السلام شروع میں میرے ساتھ سب سے زیادہ سخت تھے اور آخر میں میرے لیے سب سے زیادہ بہتر تھے۔
یہ روایت امام بزار نے نقل کی ہے اور اس کے رجال کی توثیق کی گئی ہے۔ [مجمع الزاوئد ومنبع الفوائد/كتاب الإيمان/حدیث: 235]
تخریج الحدیث: «اورده المؤلف فى كشف الاستار 55»
الحكم على الحديث:
إسناده ضعیف
حدیث نمبر: 335
حَدَّثَنَا مُحَمَّدُ بْنُ سِنَانٍ، قَالَ: حَدَّثَنَا هُشَيْمٌ. ح قَالَ: وحَدَّثَنِي سَعِيدُ بْنُ النَّضْرِ، قَالَ: أَخْبَرَنَا هُشَيْمٌ، قَالَ: أَخْبَرَنَا سَيَّارٌ، قَالَ: حَدَّثَنَا يَزِيدُ هُوَ ابْنُ صُهَيْبٍ الْفَقِيرُ، قَالَ: أَخْبَرَنَا جَابِرُ بْنُ عَبْدِ اللَّهِ، أَنّ النَّبِيَّ صَلَّى اللَّهُ عَلَيْهِ وَسَلَّمَ، قَالَ:" أُعْطِيتُ خَمْسًا لَمْ يُعْطَهُنَّ أَحَدٌ قَبْلِي، نُصِرْتُ بِالرُّعْبِ مَسِيرَةَ شَهْرٍ، وَجُعِلَتْ لِي الْأَرْضُ مَسْجِدًا وَطَهُورًا، فَأَيُّمَا رَجُلٍ مِنْ أُمَّتِي أَدْرَكَتْهُ الصَّلَاةُ فَلْيُصَلِّ، وَأُحِلَّتْ لِي الْمَغَانِمُ وَلَمْ تَحِلَّ لِأَحَدٍ قَبْلِي، وَأُعْطِيتُ الشَّفَاعَةَ، وَكَانَ النَّبِيُّ يُبْعَثُ إِلَى قَوْمِهِ خَاصَّةً، وَبُعِثْتُ إِلَى النَّاسِ عَامَّةً".
ہم سے محمد بن سنان عوفی نے بیان کیا، انہوں نے کہا ہم سے ہشیم نے بیان کیا (دوسری سند) کہا اور مجھ سے سعید بن نضر نے بیان کیا، انہوں نے کہا ہمیں خبر دی ہشیم نے، انہوں نے کہا ہمیں خبر دی سیار نے، انہوں نے کہا ہم سے یزید الفقیر نے بیان کیا، انہوں نے کہا ہمیں جابر بن عبداللہ نے , نبی کریم صلی اللہ علیہ وسلم نے فرمایا مجھے پانچ چیزیں ایسی دی گئی ہیں جو مجھ سے پہلے کسی کو نہیں دی گئی تھیں۔ ایک مہینہ کی مسافت سے رعب کے ذریعہ میری مدد کی گئی ہے اور تمام زمین میرے لیے سجدہ گاہ اور پاکی کے لائق بنائی گئی۔ پس میری امت کا جو انسان نماز کے وقت کو (جہاں بھی) پالے اسے وہاں ہی نماز ادا کر لینی چاہیے۔ اور میرے لیے غنیمت کا مال حلال کیا گیا ہے۔ مجھ سے پہلے یہ کسی کے لیے بھی حلال نہ تھا۔ اور مجھے شفاعت عطا کی گئی۔ اور تمام انبیاء اپنی اپنی قوم کے لیے مبعوث ہوتے تھے لیکن میں تمام انسانوں کے لیے عام طور پر نبی بنا کر بھیجا گیا ہوں۔ [صحيح البخاري/كتاب التيمم/حدیث: 335]
حضرت جابر بن عبداللہ رضی اللہ عنہما سے روایت ہے، نبی صلی اللہ علیہ وسلم نے فرمایا: ”مجھے پانچ چیزیں ایسی عطا کی گئی ہیں جو مجھ سے پہلے کسی نبی کو نہیں دی گئیں: ایک یہ کہ مجھے ایک مہینے کی مسافت پر بذریعہ رعب مدد دی گئی ہے۔ دوسری یہ کہ تمام روئے زمین کو میرے لیے مسجد اور پاک کرنے والی بنا دیا گیا ہے۔ اب میری امت میں جس شخص کو نماز کا وقت آ جائے اسے چاہیے کہ وہیں نماز پڑھ لے۔ تیسری یہ کہ میرے لیے مالِ غنیمت کو حلال کر دیا گیا ہے جبکہ اس سے پہلے کسی کے لیے حلال نہ تھا۔ چوتھی یہ کہ مجھے شفاعت (کبریٰ) عطا کی گئی ہے۔ پانچویں یہ کہ پہلے نبی خاص اپنی قوم کے لیے مبعوث ہوا کرتا تھا، مگر میں تمام لوگوں کی طرف (رسول بنا کر) بھیجا گیا ہوں۔“ [صحيح البخاري/كتاب التيمم/حدیث: 335]
تخریج الحدیث: «أحاديث صحيح البخاريّ كلّها صحيحة»
الحكم على الحديث:
أحاديث صحيح البخاريّ كلّها صحيحة
حدیث نمبر: 438
حَدَّثَنَا مُحَمَّدُ بْنُ سِنَانٍ، قَالَ: حَدَّثَنَا هُشَيْمٌ، قَالَ: حَدَّثَنَا سَيَّارٌ هُوَ أَبُو الْحَكَمِ، قَالَ: حَدَّثَنَا يَزِيدُ الْفَقِيرُ، قَالَ: حَدَّثَنَا جَابِرُ بْنُ عَبْدِ اللَّهِ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:" أُعْطِيتُ خَمْسًا لَمْ يُعْطَهُنَّ أَحَدٌ مِنَ الْأَنْبِيَاءِ قَبْلِي نُصِرْتُ بِالرُّعْبِ مَسِيرَةَ شَهْرٍ، وَجُعِلَتْ لِي الْأَرْضُ مَسْجِدًا وَطَهُورًا، وَأَيُّمَا رَجُلٍ مِنْ أُمَّتِي أَدْرَكَتْهُ الصَّلَاةُ فَلْيُصَلِّ وَأُحِلَّتْ لِي الْغَنَائِمُ، وَكَانَ النَّبِيُّ يُبْعَثُ إِلَى قَوْمِهِ خَاصَّةً، وَبُعِثْتُ إِلَى النَّاسِ كَافَّةً، وَأُعْطِيتُ الشَّفَاعَةَ".
ہم سے محمد بن سنان نے بیان کیا، انہوں نے کہا ہم سے ہشیم نے بیان کیا، انہوں نے کہا ہم سے ابوالحکم سیار نے بیان کیا، انہوں نے کہا ہم سے یزید فقیر نے، کہا ہم سے جابر بن عبداللہ رضی اللہ عنہما نے کہ رسول اللہ صلی اللہ علیہ وسلم نے فرمایا۔ مجھے پانچ ایسی چیزیں عطا کی گئی ہیں جو مجھ سے پہلے انبیاء کو نہیں دی گئی تھیں۔ (1) ایک مہینے کی راہ سے میرا رعب ڈال کر میری مدد کی گئی۔ (2) میرے لیے تمام زمین میں نماز پڑھنے اور پاکی حاصل کرنے کی اجازت ہے۔ اس لیے میری امت کے جس آدمی کی نماز کا وقت (جہاں بھی) آ جائے اسے (وہیں) نماز پڑھ لینی چاہیے۔ (3) میرے لیے مال غنیمت حلال کیا گیا۔ (4) پہلے انبیاء خاص اپنی قوموں کی ہدایت کے لیے بھیجے جاتے تھے۔ لیکن مجھے دنیا کے تمام انسانوں کی ہدایت کے لیے بھیجا گیا ہے۔ (5) مجھے شفاعت عطا کی گئی ہے۔ [صحيح البخاري/كتاب الصلاة/حدیث: 438]
حضرت جابر بن عبداللہ رضی اللہ عنہما سے روایت ہے، انہوں نے کہا: رسول اللہ صلی اللہ علیہ وسلم نے فرمایا: ”مجھے پانچ ایسی چیزیں عطا کی گئی ہیں جو مجھ سے قبل کسی پیغمبر کو نہیں دی گئیں: مجھے ایک مہینے کی مسافت سے رعب عطا کر کے میری مدد فرمائی گئی۔ پوری روئے زمین کو میرے لیے سجدہ گاہ اور طہارت کا ذریعہ بنا دیا گیا، چنانچہ میری امت کے کسی فرد کو جہاں بھی نماز کا وقت آ جائے، اسی جگہ نماز پڑھ لینی چاہیے۔ مال غنیمت کو میرے لیے حلال کر دیا گیا۔ اور ہر نبی کو قبل ازیں مخصوص قوم کی طرف مبعوث کیا جاتا تھا اور مجھے تمام انسانوں کے لیے مبعوث کیا گیا اور مجھے شفاعت (کبریٰ) کا حق دیا گیا ہے۔“ [صحيح البخاري/كتاب الصلاة/حدیث: 438]
تخریج الحدیث: «أحاديث صحيح البخاريّ كلّها صحيحة»
الحكم على الحديث:
أحاديث صحيح البخاريّ كلّها صحيحة
حدیث نمبر: 3251
حَدَّثَنَا رَوْحُ بْنُ عَبْدِ الْمُؤْمِنِ، حَدَّثَنَا يَزِيدُ بْنُ زُرَيْعٍ، حَدَّثَنَا سَعِيدٌ، عَنْ قَتَادَةَ، حَدَّثَنَا أَنَسُ بْنُ مَالِكٍ رَضِيَ اللَّهُ عَنِ النَّبِيِّ صَلَّى اللَّهُ عَلَيْهِ وَسَلَّمَ، قَالَ:" إِنَّ فِي الْجَنَّةِ لَشَجَرَةً يَسِيرُ الرَّاكِبُ فِي ظِلِّهَا مِائَةَ عَامٍ لَا يَقْطَعُهَا".
ہم سے روح بن عبدالمؤمن نے بیان کیا، کہا ہم سے یزید بن زریع نے بیان کیا، کہا ہم سے سعید بن ابی عروبہ نے بیان کیا، ان سے قتادہ نے اور ان سے انس بن مالک رضی اللہ عنہ نے بیان کیا کہ نبی کریم صلی اللہ علیہ وسلم نے فرمایا ”جنت میں ایک درخت ہے جس کے سائے میں ایک سوار سو سال تک چل سکتا ہے اور پھر بھی اس کو طے نہ کر سکے گا۔“ [صحيح البخاري/كتاب بدء الخلق/حدیث: 3251]
حضرت انس بن مالک رضی اللہ عنہ سے روایت ہے، وہ نبی صلی اللہ علیہ وسلم سے بیان کرتے ہیں کہ آپ نے فرمایا: ”جنت میں ایک درخت اتنا بڑا ہے کہ اگر سوار اس کے سائے میں سو برس تک چلتا رہے تب بھی اسے طے نہ کر سکے گا۔“ [صحيح البخاري/كتاب بدء الخلق/حدیث: 3251]
تخریج الحدیث: «أحاديث صحيح البخاريّ كلّها صحيحة»
الحكم على الحديث:
أحاديث صحيح البخاريّ كلّها صحيحة
حدیث نمبر: 6552
وَقَالَ إِسْحَاقُ بْنُ إِبْرَاهِيمَ: أَخْبَرَنَا الْمُغِيرَةُ بْنُ سَلَمَةَ، حَدَّثَنَا وُهَيْبٌ، عَنْ أَبِي حَازِمٍ، عَنْ سَهْلِ بْنِ سَعْدٍ، عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ، قَالَ:" إِنَّ فِي الْجَنَّةِ لَشَجَرَةً يَسِيرُ الرَّاكِبُ فِي ظِلِّهَا مِائَةَ عَامٍ لَا يَقْطَعُهَا".
اور اسحاق بن ابراہیم نے بیان کیا، انہوں نے کہا ہم کو مغیرہ بن سلمہ نے خبر دی، انہوں نے کہا ہم سے وہیب نے بیان کیا، ان سے ابوحازم نے بیان کیا، ان سے سہل بن سعد رضی اللہ عنہ نے بیان کیا کہ رسول اللہ صلی اللہ علیہ وسلم نے فرمایا ”جنت میں ایک درخت ہے جس کے سایہ میں سوار سو سال تک چلنے کے بعد بھی اسے طے نہیں کر سکے گا۔“ [صحيح البخاري/كتاب الرقاق/حدیث: 6552]
حضرت سہل بن سعد رضی اللہ عنہ سے روایت ہے، وہ رسول اللہ صلی اللہ علیہ وسلم سے بیان کرتے ہیں کہ آپ صلی اللہ علیہ وسلم نے فرمایا: ”بلاشبہ جنت میں ایک ایسا درخت ہے جس کے سائے میں سوار سو سال تک چلنے کے بعد بھی اسے طے نہیں کر سکے گا۔“ [صحيح البخاري/كتاب الرقاق/حدیث: 6552]
تخریج الحدیث: «أحاديث صحيح البخاريّ كلّها صحيحة»
الحكم على الحديث:
أحاديث صحيح البخاريّ كلّها صحيحة
ترقیم عبدالباقی: 521 ترقیم شاملہ: -- 1163
حَدَّثَنَا يَحْيَى بْنُ يَحْيَى ، أَخْبَرَنَا هُشَيْمٌ ، عَنْ سَيَّارٍ ، عَنْ يَزِيدَ الْفَقِيرِ ، عَنْ جَابِرِ بْنِ عَبْدِ اللَّهِ الأَنْصَارِيِّ ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " أُعْطِيتُ خَمْسًا لَمْ يُعْطَهُنَّ أَحَدٌ قَبْلِي، كَانَ كُلُّ نَبِيٍّ، يُبْعَثُ إِلَى قَوْمِهِ خَاصَّةً، وَبُعِثْتُ إِلَى كُلِّ أَحْمَرَ وَأَسْوَدَ، وَأُحِلَّتْ لِيَ الْغَنَائِمُ، وَلَمْ تُحَلَّ لِأَحَدٍ قَبْلِي، وَجُعِلَتْ لِيَ الأَرْضُ طَيِّبَةً طَهُورًا وَمَسْجِدًا، فَأَيُّمَا رَجُلٍ أَدْرَكَتْهُ الصَّلَاةُ، صَلَّى حَيْثُ كَانَ، وَنُصِرْتُ بِالرُّعْبِ بَيْنَ يَدَيْ مَسِيرَةِ شَهْرٍ، وَأُعْطِيتُ الشَّفَاعَةَ ".
یحییٰ بن یحییٰ نے بیان کیا کہ ہمیں ہشیم نے سیار سے خبر دی، انہوں نے یزید الفقیر سے اور انہوں نے حضرت جابر بن عبداللہ انصاری رضی اللہ عنہما سے روایت کی، کہا: رسول اللہ صلی اللہ علیہ وسلم نے فرمایا: ”مجھے پانچ چیزیں عطا کی گئی ہیں جو مجھ سے پہلے کسی کو نہیں دی گئیں: ہر نبی خاص اپنی قوم ہی کی طرف بھیجا جاتا تھا اور مجھے ہر سرخ و سیاہ کی طرف بھیجا گیا، میرے لیے اموال غنیمت حلال قرار دیے گئے، مجھ سے پہلے وہ کسی کے لیے حلال نہیں کیے گئے، میرے لیے زمین کو پاک کرنے والی اور سجدہ گاہ بنایا گیا، لہٰذا جس شخص کے لیے نماز کا وقت ہو جائے وہ جہاں بھی ہو، وہیں نماز پڑھ لے، اور مہینہ بھر کی مسافت سے دشمنوں پر طاری ہو جانے والے رعب سے میری نصرت کی گئی اور مجھے شفاعت (کا منصب) عطا کیا گیا۔“ [صحيح مسلم/كتاب المساجد ومواضع الصلاة/حدیث: 1163]
حضرت جابر بن عبداللہ انصاری رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”مجھے پانچ چیزیں ایسی دی گئی ہیں جو مجھ سے پہلے کسی کو نہیں دی گئیں: ہر نبی خاص طور پر اپنی قوم ہی کی طرف بھیجا جاتا تھا، اور مجھے ہر سرخ و سیاہ کی طرف بھیجا گیا ہے، میرے لیے مال غنیمت حلال قرار دیا گیا ہے، مجھ سے پہلے کسی کے لیے وہ حلال نہیں قرار دیا گیا، میرے لیے روئے زمین کو پاک کرنے والی اور مسجد بنایا گیا ہے، لہٰذا جس شخص کو جہاں نماز کا وقت پالے وہیں نماز پڑھ لے، اور مجھے ایسے رعب کے ذریعے مدد دی گئی جو ایک ماہ کی مسافت سے ہی لوگوں (دشمنوں) پر طاری ہو جاتا ہے (یعنی میری دھاک و دبدبہ ایک ماہ کی مسافت پر پڑ جاتا ہے) اور مجھے شفاعت دی گئی ہے۔“ [صحيح مسلم/كتاب المساجد ومواضع الصلاة/حدیث: 1163]
ترقیم فوادعبدالباقی: 521
تخریج الحدیث: «أحاديث صحيح مسلم كلها صحيحة»
الحكم على الحديث:
أحاديث صحيح مسلم كلها صحيحة
ترقیم عبدالباقی: 2827 ترقیم شاملہ: -- 7138
حَدَّثَنَا إِسْحَاقُ بْنُ إِبْرَاهِيمَ الْحَنْظَلِيُّ ، أَخْبَرَنَا الْمَخْزُومِيُّ ، حَدَّثَنَا وُهَيْبٌ ، عَنْ أَبِي حَازِمٍ ، عَنْ سَهْلِ بْنِ سَعْدٍ ، عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ، قَالَ: " إِنَّ فِي الْجَنَّةِ لَشَجَرَةً يَسِيرُ الرَّاكِبُ فِي ظِلِّهَا مِائَةَ عَامٍ لَا يَقْطَعُهَا "
ابوحازم نے حضرت سہل بن سعد رضی اللہ عنہ سے، انہوں نے رسول اللہ صلی اللہ علیہ وسلم سے روایت کی کہ آپ نے فرمایا: ”جنت میں ایک درخت ہے، ایک سوار اس کے سائے میں سو سال تک چلتا رہے تو بھی اسے طے نہ کر سکے“۔ [صحيح مسلم/كتاب الجنة وصفة نعيمها وأهلها/حدیث: 7138]
حضرت سہل بن سعد رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جنت میں ایک ایسا درخت ہے کہ سوار اس کے سائے میں سو (100) سال چلے گا، پھر بھی اس کو پار نہ کر سکے گا۔“ [صحيح مسلم/كتاب الجنة وصفة نعيمها وأهلها/حدیث: 7138]
ترقیم فوادعبدالباقی: 2827
تخریج الحدیث: «أحاديث صحيح مسلم كلها صحيحة»
الحكم على الحديث:
أحاديث صحيح مسلم كلها صحيحة
حدیث نمبر: 489
حَدَّثَنَا عُثْمَانُ بْنُ أَبِي شَيْبَةَ، حَدَّثَنَا جَرِيرٌ، عَنِ الْأَعْمَشِ، عَنْ مُجَاهِدٍ، عَنْ عُبَيْدِ بْنِ عُمَيْرٍ، عَنْ أَبِي ذَرّ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:" جُعِلَتْ لِي الْأَرْضُ طَهُورًا وَمَسْجِدًا".
ابوذر رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”میرے لیے ساری زمین ذریعہ طہارت اور مسجد بنائی گئی ہے“ ۱؎۔ [سنن ابي داود/كتاب الصلاة/حدیث: 489]
سیدنا ابوذر رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”زمین میرے لیے پاک کرنے والی بنائی گئی ہے اور جائے سجدہ بھی۔“ [سنن ابي داود/كتاب الصلاة/حدیث: 489]
تخریج الحدیث دارالدعوہ: «تفرد بہ ابوداود، (تحفة الأشراف: 11969)، وقد أخرجہ: مسند احمد (5/145، 147، 248، 256) (صحیح)»
وضاحت: ۱؎: یعنی ہر پاک زمین تیمم کرنے اور نماز پڑھنے کے لائق بنا دی گئی ہے، یہ صرف امت محمدیہ کی خصوصیت ہے کہ ہم بالعموم ہر جگہ نماز پڑھ سکتے ہیں، سوائے چند مخصوص مقامات کے جن کا ذکر آگے احادیث میں آ رہا ہے۔ پہلی امتوں کو اس کے لئے بڑا اہتمام کرنا پڑتا تھا، وہ صرف عبادت خانوں ہی میں نماز پڑھ سکتی تھیں، دوسری جگہوں پر نہیں۔
قال الشيخ الألباني: صحيح
قال الشيخ زبير على زئي:صحيح
وله شواھد عند البخاري (335،438) ومسلم (521) وغيرهما
وله شواھد عند البخاري (335،438) ومسلم (521) وغيرهما
حدیث نمبر: 2524
حَدَّثَنَا عَبَّاسٌ الدُّورِيُّ، حَدَّثَنَا عُبَيْدُ اللَّهِ بْنُ مُوسَى، عَنْ شَيْبَانَ، عَنْ فِرَاسٍ، عَنْ عَطِيَّةَ، عَنْ أَبِي سَعِيدٍ الْخُدْرِيِّ، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: " فِي الْجَنَّةِ شَجَرَةٌ يَسِيرُ الرَّاكِبُ فِي ظِلِّهَا مِائَةَ عَامٍ لَا يَقْطَعُهَا، وَقَالَ: ذَلِكَ الظِّلُّ الْمَمْدُودُ " , قَالَ أَبُو عِيسَى: هَذَا حَدِيثٌ حَسَنٌ غَرِيبٌ مَنْ حَدِيثِ أَبِي سَعِيدٍ.
ابو سعید خدری رضی الله عنہ سے روایت ہے کہ نبی اکرم صلی اللہ علیہ وسلم نے فرمایا: ”جنت میں ایسے درخت ہیں کہ سوار ان کے سایہ میں سو برس تک چلتا رہے پھر بھی ان کا سایہ ختم نہ ہو گا“، نیز آپ نے فرمایا: ”یہی «ظل الممدود» ہے (یعنی جس کا ذکر قرآن میں ہے)“۔ امام ترمذی کہتے ہیں:
ابو سعید خدری رضی الله عنہ کی روایت سے یہ حدیث حسن غریب ہے۔ [سنن ترمذي/كتاب صفة الجنة عن رسول الله صلى الله عليه وسلم/حدیث: 2524]
ابو سعید خدری رضی الله عنہ کی روایت سے یہ حدیث حسن غریب ہے۔ [سنن ترمذي/كتاب صفة الجنة عن رسول الله صلى الله عليه وسلم/حدیث: 2524]
تخریج الحدیث دارالدعوہ: «تفرد بہ المؤلف (تحفة الأشراف: 4221) (صحیح) (سند میں عطیہ عوفی ضعیف راوی ہیں، لیکن شواہد کی بنا پر یہ حدیث صحیح لغیرہ ہے)»
قال الشيخ الألباني: صحيح ويأتى من حديث أنس (3347)
حدیث نمبر: 432
أَخْبَرَنَا الْحَسَنُ بْنُ إِسْمَاعِيلَ بْنِ سُلَيْمَانَ، قال: حَدَّثَنَا هُشَيْمٌ، قال: أَنْبَأَنَا سَيَّارٌ، عَنْ يَزِيدَ الْفَقِيرِ، عَنْ جَابِرِ بْنِ عَبْدِ اللَّهِ، قال: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:" أُعْطِيتُ خَمْسًا لَمْ يُعْطَهُنَّ أَحَدٌ قَبْلِي: نُصِرْتُ بِالرُّعْبِ مَسِيرَةَ شَهْرٍ، وَجُعِلَتْ لِي الْأَرْضُ مَسْجِدًا وَطَهُورًا فَأَيْنَمَا أَدْرَكَ الرَّجُلَ مِنْ أُمَّتِي الصَّلَاةُ يُصَلِّي، وَأُعْطِيتُ الشَّفَاعَةَ وَلَمْ يُعْطَ نَبِيٌّ قَبْلِي، وَبُعِثْتُ إِلَى النَّاسِ كَافَّةً وَكَانَ النَّبِيُّ يُبْعَثُ إِلَى قَوْمِهِ خَاصَّةً".
جابر بن عبداللہ رضی اللہ عنہم کہتے ہیں کہ رسول اللہ صلی اللہ علیہ وسلم نے فرمایا: ”مجھے پانچ چیزیں ایسی دی گئی ہیں جو مجھ سے پہلے کسی کو نہیں دی گئیں ۱؎: ایک مہینہ کی مسافت پر رعب کے ذریعہ میری مدد کی گئی ہے ۲؎، میرے لیے پوری روئے زمین مسجد اور پاکی کا ذریعہ بنا دی گئی ہے، تو میری امت کا کوئی فرد جہاں بھی نماز کا وقت پا لے، نماز پڑھ لے، اور مجھے شفاعت (عظمیٰ) عطا کی گئی ہے، یہ چیز مجھ سے پہلے کسی نبی کو نہیں دی گئی، اور میں سارے انسانوں کی طرف (رسول بنا کر) بھیجا گیا ہوں، اور (مجھ سے پہلے) نبی خاص اپنی قوم کے لیے بھیجے جاتے تھے“۔ [سنن نسائي/كتاب الغسل والتيمم/حدیث: 432]
حضرت جابر بن عبداللہ رضی اللہ عنہ سے روایت ہے، رسول اللہ صلی اللہ علیہ وسلم نے فرمایا: ”مجھے پانچ چیزیں ایسی دی گئی ہیں جو مجھ سے پہلے کسی کو نہیں دی گئیں۔ مجھے ایک ماہ کی مسافت تک رعب عطا فرمایا گیا، اور میرے لیے زمین کو نماز کی جگہ اور ذریعہ طہارت بنایا گیا، لہٰذا میری امت کے آدمی کو جہاں بھی نماز پالے، وہ پڑھ لے، اور مجھے شفاعت عامہ دی گئی جو مجھ سے پہلے کسی نبی کو نہیں دی گئی، اور مجھے سب لوگوں کی طرف مبعوث کیا گیا ہے جب کہ دوسرے نبی خاص طور پر اپنی قوم کی طرف بھیجے جاتے تھے۔“ [سنن نسائي/كتاب الغسل والتيمم/حدیث: 432]
تخریج الحدیث دارالدعوہ: «صحیح البخاری/التیمم 1 (335)، والصلاة 56 (438)، صحیح مسلم/المساجد 3 (521)، (تحفة الأشراف 3139)، مسند احمد 3/304، سنن الدارمی/الصلاة 111(1429)، ویأتي عند المؤلف (برقم 737) مختصر اعلی قولہ: ’’جعلت لي الأرض مسجدا‘‘ الخ (صحیح)»
وضاحت: ۱؎: آگے جو تفصیل بیان کی گئی ہے اس میں صرف چار کا ذکر ہے، پانچویں خصوصیت کا ذکر نہیں، اور وہ مال غنیمت کا حلال کیا جانا ہے جو سابقہ امتوں کے لیے حلال نہیں تھا، صرف رسول اللہ صلی اللہ علیہ وسلم اور آپ کی امت کے لیے اسے حلال کیا گیا ہے۔ ۲؎: یعنی میرا دشمن ایک مہینہ کی مسافت پر ہو تبھی سے میرا رعب اس کے دل میں پیدا ہو جاتا ہے۔
قال الشيخ الألباني: صحيح
قال الشيخ زبير على زئي: متفق عليه