نافع رحمہ اللہ کہتے ہیں کہ ایک غلام خمس کے غلاموں پر کھڑا تھا کہ وہ زبردستی ان غلاموں میں سے ایک لونڈی پر واقع ہو گیا، تو سیدنا عمر رضی اللہ عنہ نے اسے کوڑے لگائے اور جلا وطن کر دیا اور لونڈی کو کچھ نہ کہا؛ کیونکہ اس سے زبردستی ہوئی تھی۔
سیدنا عبداللہ بن عمر رضی اللہ عنہما سے بھی منقول ہے کہ انہوں نے ایک لونڈی کو حد لگائی اور فدک کی طرف جلا وطن کر دیا، اور سیدنا علی رضی اللہ عنہ ام ولد کے بارے میں فرماتے ہیں کہ اسے حد لگے گی، جلا وطن نہیں کی جائے گی۔ سیدنا عبداللہ بن مسعود رضی اللہ عنہ فرماتے ہیں: حد بھی لگے گی، جلا وطن بھی ہو گی اور سیدنا علی رضی اللہ عنہ سے بھی ایسا ہی منقول ہے۔ [السنن الكبرى للبيهقي/كِتَابُ الحُدُودِ/حدیث: 17096]

ابو زناد رحمہ اللہ فقہائے اہل مدینہ سے روایت کرتے ہیں کہ جب غلام یا لونڈی زنا کر لے تو ان میں سے ہر ایک پر پچاس کوڑے ہیں، جلا وطنی ان پر نہیں ہے۔ وہ کہتے ہیں کہ جو غلامی کی حالت میں حد کا مستحق ہوا اور اس پر حد قائم نہ کی گئی یہاں تک کہ وہ آزاد ہو گیا تو اس پر غلام ہی کی حد ہے۔ [السنن الكبرى للبيهقي/كِتَابُ الحُدُودِ/حدیث: 17097]