سیدنا عبداللہ بن مسعود رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ”جو شخص (وضو کرتے ہوئے) سر کا مسح بھول جائے، اور وہ اُسے اس وقت یاد آئے، جب وہ نماز ادا کر رہا ہو، تو اگر وہ اپنی داڑھی میں تری پا لیتا ہے، تو وہ تری لے کر اُس کے ذریعے اپنے سر کا مسح کر لے یہ اس کے لیے کفایت کر جائے گا، اور اگر اسے تری نہیں ملتی ہے، تو پھر وہ وضو اور نماز کو دہرا لے“۔
یہ روایت امام طبرانی نے معجم اوسط میں نقل کی ہے، اس کی سند میں ایک راوی نہشل بن سعید ہے اور وہ کذاب ہے۔ [مجمع الزاوئد ومنبع الفوائد/كِتَابُ الطَّهَارَةِ/حدیث: 1234]