سیدہ عائشہ صدیقہ رضی اللہ عنہا نبی اکرم صلی اللہ علیہ وسلم کا یہ فرمان نقل کرتی ہیں: ”عورت کی برکت میں یہ بات شامل ہے کہ اُسے پیغام دینا آسان ہو اس کا مہر دینا آسان ہو اور اس کا رحم آسان ہو“ (یعنی وہ بچہ پیدا کرنے کی صلاحیت رکھتی ہو)“۔
یہ روایت امام أحمد نے نقل کی ہے، اور اس کی سند میں ایک راوی اسامہ بن زید بن اسلم ہے، وہ ضعیف ہے، ویسے اس کی توثیق کی گئی ہے، اس روایت کے بقیہ رجال ثقہ ہیں۔ [مجمع الزاوئد ومنبع الفوائد/كِتَابُ النِّكَاحِ/حدیث: 7331]

سیدہ عائشہ صدیقہ رضی اللہ عنہا نبی اکرم صلی اللہ علیہ وسلم کا یہ فرمان نقل کرتی ہیں: ”سب سے زیادہ برکت والی خواتین وہ ہیں، جن کی مؤنت (یعنی مہر وغیرہ کا خرچ) آسان ہو“۔
یہ روایت امام أحمد اور امام بزار نے نقل کی ہے، اس کی سند میں ایک راوی ابن سخبرہ ہے، ایک قول کے مطابق اس کا نام عیسیٰ بن میمون ہے اور وہ متروک ہے۔ [مجمع الزاوئد ومنبع الفوائد/كِتَابُ النِّكَاحِ/حدیث: 7332]