نزال بن سبرہ بیان کرتے ہیں: جب سیدنا عثمان رضی اللہ عنہ کو خلیفہ بنایا گیا، تو سیدنا عبداللہ بن مسعود رضی اللہ عنہ نے فرمایا: ہمارے امیر وہ فرد بنے ہیں، جو باقی رہ جانے والوں میں سب سے بہتر ہیں، اور ہم نے اس حوالے سے کوئی کوتاہی نہیں کی ہے۔ [مجمع الزاوئد ومنبع الفوائد/كِتَابُ الْمَنَاقِبِ/حدیث: 14534]

ایک روایت میں یہ الفاظ ہیں: ”ہم نے اس معاملے کی اہمیت کے حوالے سے، بلند مرتبہ شخصیت کے بارے میں کوئی کوتاہی نہیں کی ہے۔“
یہ روایت امام طبرانی نے مختلف اسانید کے ساتھ نقل کی ہے جن میں سے ایک کے رجال ”صحیح“ کے رجال ہیں۔ [مجمع الزاوئد ومنبع الفوائد/كِتَابُ الْمَنَاقِبِ/حدیث: 14535]