سیدنا عبداللہ بن ہلال انصاری رضی اللہ عنہ بیان کرتے ہیں: میرے والد مجھے نبی اکرم صلی اللہ علیہ وسلم کے پاس لے گئے، انہوں نے عرض کی: یا رسول اللہ! آپ اس کے لئے دعا کیجئے، راوی کہتے ہیں: میں یہ بات نہیں بھولا کہ نبی اکرم صلی اللہ علیہ وسلم نے میرے سر پر اپنا ہاتھ رکھا تھا، یہاں تک کہ اس کی ٹھنڈک میں نے محسوس کی تھی، یہاں تک کہ نبی اکرم صلی اللہ علیہ وسلم نے میرے لئے برکت کی دعا کی۔ راوی بیان کرتے ہیں: میں نے انہیں دیکھا کہ ان کے سر کے اور داڑھی کے بال سفید تھے اور عمر رسیدگی کی وجہ سے وہ اپنے سر میں مانگ نہیں نکال سکتے تھے، وہ دن کے وقت نفلی روزہ رکھتے تھے اور رات کے وقت نوافل ادا کیا کرتے تھے۔
یہ روایت امام طبرانی نے نقل کی ہے اور اس کی سند حسن ہے۔ [مجمع الزاوئد ومنبع الفوائد/كِتَابُ الْمَنَاقِبِ/حدیث: 16098]