سیدنا ابودرداء رضی اللہ عنہ بیان کرتے ہیں: ایک شخص جس کا نام حرملہ تھا، وہ نبی اکرم صلی اللہ علیہ وسلم کی خدمت میں آیا، اس نے عرض کی: یا رسول اللہ! ایمان یہاں ہے، اس نے اپنی زبان کی طرف اشارہ کیا، اور منافقت یہاں ہے، اُس نے اپنے دل کی طرف اشارہ کیا، اور میں اللہ کا ذکر صرف تھوڑا سا کرتا ہوں، تو نبی اکرم صلی اللہ علیہ وسلم نے فرمایا: ”اے اللہ! اس کی زبان کو ذکر کرنے والا، دل کو شکر کرنے والا بنا دے، اور اسے میری محبت اور اس شخص کی محبت نصیب کر دے، جو مجھ سے محبت رکھتا ہو اور اس کے معاملے کو بھلائی کی طرف لے جا“۔
یہ روایت امام طبرانی نے نقل کی ہے اس کی سند میں ایک راوی ایسا ہے، جس کا نام بیان نہیں کیا گیا ہے، اس روایت کے بقیہ رجال ثقہ ہیں۔ [مجمع الزاوئد ومنبع الفوائد/كِتَابُ الْمَنَاقِبِ/حدیث: 16108]