(نبی کریم صلی اللہ علیہ وسلم نے فرمایا:)
”حمد و ثنا کے بعد! بے شک اللہ تعالیٰ نے اپنی کتاب میں نازل فرمایا ہے: ﴿يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ﴾ ”اے لوگو! اپنے رب سے ڈرو جس نے تمہیں ایک جان سے پیدا کیا“ [سورة النساء: 1] آیت کے آخر تک۔ اور فرمایا: ﴿يَا أَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ﴾ ”اے ایمان والو! اللہ سے ڈرو، اور ہر جان یہ دیکھے کہ اس نے کل کے لیے کیا آگے بھیجا ہے۔“ [سورة الحشر: 18] اور یہ آیت ﴿هُمُ الْفَائِزُونَ﴾ [سورة الحشر: 20] تک پڑھی۔ پھر فرمایا: اس سے پہلے صدقہ کر لو کہ تم صدقہ نہ کر سکو۔ کوئی شخص اپنے دینار سے صدقہ کرے، کوئی اپنے درہم سے صدقہ کرے، کوئی اپنی گندم سے، کوئی اپنی کھجوروں سے اور کوئی اپنے جو سے صدقہ کرے۔ صدقے کی کسی بھی چیز کو ہرگز حقیر نہ سمجھو، خواہ وہ کھجور کا ایک ٹکڑا ہی کیوں نہ ہو۔“ [صحيح الجامع الصغير وزيادته/[حَرْفُ الْأَلِفِ] -- أَلْ م/حدیث: 1354]