(نبی کریم صلی اللہ علیہ وسلم نے فرمایا:)
”حمد و ثنا کے بعد! یقیناً سب سے سچی بات اللہ کی کتاب ہے، اور سب سے بہترین طریقہ محمد ( صلی اللہ علیہ وسلم ) کا طریقہ ہے، اور سب سے برے کام (دین میں) نئی نکالی گئی چیزیں ہیں، اور ہر نیا کام بدعت ہے، اور ہر بدعت گمراہی ہے، اور ہر گمراہی آگ میں لے جانے والی ہے۔ قیامت تمہارے پاس اچانک آئے گی۔ میں اور قیامت ان دو (انگلیوں) کی طرح ایک ساتھ بھیجے گئے ہیں، قیامت تمہارے سروں پر آپہنچی ہے۔ میں ہر مومن کے لیے اس کی اپنی جان سے زیادہ حق دار ہوں، جو کوئی مال چھوڑ کر مرے تو وہ اس کے اہل و عیال کا ہے، اور جو کوئی قرض یا بے سہارا بچے چھوڑے تو اس کی ذمہ داری مجھ پر اور میری طرف ہے۔ اور میں مومنوں کا ولی اور سرپرست ہوں۔“ [صحيح الجامع الصغير وزيادته/[حَرْفُ الْأَلِفِ] -- أَلْ م/حدیث: 1353]