(نبی کریم صلی اللہ علیہ وسلم نے فرمایا:)
”میرے سامنے انبیاء پیش کیے گئے، تو موسیٰ ایک چھریرے (ہلکے) بدن والے آدمی تھے، گویا وہ قبیلہ شنوءہ کے آدمیوں میں سے ہوں، اور میں نے عیسیٰ بن مریم کو دیکھا تو جس شخص سے وہ سب سے زیادہ مشابہت رکھتے تھے وہ عروہ بن مسعود تھے، اور میں نے ابراہیم کو دیکھا تو جس شخص سے وہ سب سے زیادہ مشابہت رکھتے تھے وہ تمہارا ساتھی تھا - یعنی خود آپ صلی اللہ علیہ وسلم - اور میں نے جبریل کو دیکھا تو جس شخص سے وہ سب سے زیادہ مشابہت رکھتے تھے وہ دحیہ تھے۔“ [صحيح الجامع الصغير وزيادته/حَرْفُ الْعَيْنِ/حدیث: 4004]