امام مجاہد رحمہ اللہ سے روایت ہے کہ انہوں نے مسجدِ کوفہ میں ایک شخص کو یہ بیان کرتے ہوئے سنا کہ ”جس روز سیدنا سعد بن معاذ رضی اللہ عنہ نے بنو قریظہ کے متعلق فیصلہ صادر فرمایا تو میں اس وقت لڑکپن کی عمر میں تھا، پس لوگوں نے میرے بالغ ہونے کے متعلق شک کیا مگر جب انہوں نے دیکھا کہ ابھی مجھ پر استرا نہیں چلا (یعنی علاماتِ بلوغت ظاہر نہیں ہوئیں) تو مجھے قتل کرنے کے بجائے زندہ رہنے دیا گیا۔“ اور چوری کی حد کے باب میں ان شاء اللہ تعالیٰ ان اہل علم کا ذکر آئے گا جنہوں نے چھ بالشت قد کو بلوغت کا معیار قرار دیا ہے۔ [المطالب العالية بزوائد المسانيد الثمانية/كِتَابُ الْبُيُوعِ/حدیث: 1502]