سیدنا ابوسعید خدری رضی اللہ عنہ سے روایت ہے کہ ایک شخص رسول اللہ صلی اللہ علیہ وسلم کی خدمتِ اقدس میں حاضر ہوا اور عرض کی: اے اللہ کے رسول! آپ کا کیا ارشاد ہے اس شخص کے بارے میں جو مجھ سے سامنا ہونے پر میرا مال چھیننے کا ارادہ رکھتا ہو؟ تو رسول اللہ صلی اللہ علیہ وسلم نے ارشاد فرمایا: ”تم اسے تین مرتبہ اللہ تعالیٰ کا واسطہ دے کر (ظلم سے باز رہنے کی) فہمائش کرو، پھر اگر وہ باز نہ آئے تو اس سے قتال کرو؛ پس اگر وہ تمہیں قتل کر دے تو تم جنت میں داخل ہو گے اور اگر تم نے اسے قتل کر دیا تو وہ آگ (جہنم) میں جائے گا۔“ [المطالب العالية بزوائد المسانيد الثمانية/كِتَابُ الْقِصَاصِ/حدیث: 1910]