سیدنا جابر رضی اللہ عنہ سے روایت ہے کہ رسول اللہ صلی اللہ علیہ وسلم خربوزے کو تازہ اور پکی ہوئی کھجوروں کے ساتھ ملا کر تناول فرمایا کرتے تھے اور آپ صلی اللہ علیہ وسلم ارشاد فرماتے تھے: «هُمَا طَيِّبَانِ» ”یہ دونوں ہی انتہائی پاکیزہ اور لذیذ اشیاء ہیں“۔
اس حدیث کو امام ابوداؤد طیالسی نے اپنی مسند میں روایت کیا ہے، اس کی سند میں زَمْعہ بن صالح ضعیف راوی ہے اور اس میں ایک راوی مبہم یعنی ”جابر رضی اللہ عنہ کے بعض ساتھی“ کے الفاظ کے ساتھ موجود ہے، البتہ دیگر صحیح احادیث میں آپ صلی اللہ علیہ وسلم کا پھلوں کو کھجور کے ساتھ ملا کر کھانا ثابت ہے جو اس مفہوم کی تائید کرتے ہیں۔ [المطالب العالية بزوائد المسانيد الثمانية/كِتَابُ الْأَطْعِمَةِ وَالْأَشْرِبَةِ/حدیث: 2418]