سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم جب آئینے میں اپنا رخِ انور ملاحظہ فرماتے تو یہ دعا پڑھتے: «الْحَمْدُ لِلهِ الَّذِي حَسَّنَ خَلْقِي وَخُلُقِي، وَزَانَ مِنِّي مَا شَانَ مِنْ غَيْرِي» ”تمام تعریفیں اللہ ہی کے لیے ہیں جس نے میری ظاہری صورت اور باطنی سیرت کو عمدہ بنایا، اور مجھ میں ان اعضاء کو زینت بخشی جو دوسروں میں عیب دار ہو سکتے تھے۔“ اور جب آپ صلی اللہ علیہ وسلم سرمہ لگاتے تو ہر آنکھ میں دو دو سلائیاں لگاتے اور ایک سلائی دونوں کے درمیان (مشترک طور پر) لگاتے تھے، اور جب آپ صلی اللہ علیہ وسلم اپنے نعلین مبارک پہنتے تو دائیں پاؤں سے آغاز فرماتے، اور جب اتارتے تو پہلے بایاں پاؤں نکالتے تھے، اور جب مسجد میں داخل ہوتے تو اپنا دایاں پاؤں پہلے داخل فرماتے تھے، اور آپ صلی اللہ علیہ وسلم ہر معاملے میں، خواہ وہ کچھ لینا ہو یا دینا، دائیں جانب کو مقدم رکھنے (تیمن) کو پسند فرماتے تھے۔
یحییٰ بن علاء نہایت ضعیف راوی ہے۔ [المطالب العالية بزوائد المسانيد الثمانية/كِتَابُ الْأَدَبِ/حدیث: 2593]