سیدہ عائشہ رضی اللہ عنہا سے روایت ہے کہ نبی کریم صلی اللہ علیہ وسلم نے ارشاد فرمایا: ”جو شخص عصر کے بعد سوئے اور پھر اس کی عقل چھین لی جائے (یعنی اس کا ذہنی توازن بگڑ جائے) تو وہ (اس نقصان پر) اپنے سوا کسی اور کو ہرگز ملامت نہ کرے۔“
اس روایت کو امام ابو یعلیٰ نے اپنی مسند میں ذکر کیا ہے، تاہم اس کی سند میں عمرو بن الحصین نامی راوی سخت ضعیف اور متروک ہے، اسی بنا پر محدثین نے اس روایت کو غیر مستند اور ضعیف قرار دیا ہے، علامہ البانی رحمہ اللہ نے اسے سلسلۃ الاحادیث الضعیفہ میں ذکر کیا ہے۔ [المطالب العالية بزوائد المسانيد الثمانية/كِتَابُ الْأَدَبِ/حدیث: 2592]