سیدنا عبداللہ بن عمر رضی اللہ عنہما سے روایت ہے کہ انہوں نے بیان کیا: ”یہ سورت ﴿إِذَا جَاءَ نَصْرُ اللَّهِ وَالْفَتْحُ﴾ [سورة النصر: 1-3] رسول اللہ صلی اللہ علیہ وسلم پر حجۃ الوداع کے موقع پر منیٰ میں ایامِ تشریق کے وسط (درمیانی ایام) میں نازل ہوئی، آپ صلی اللہ علیہ وسلم نے اسے آخر تک تلاوت فرمایا؛ تو رسول اللہ صلی اللہ علیہ وسلم سمجھ گئے کہ یہ دنیا سے رخصت ہونے یعنی وداع کی اطلاع ہے“۔
اس حدیث کو امام ابو بکر بن ابی شیبہ نے زید بن حباب کی سند سے روایت کیا ہے، نیز عبد بن حمید نے اسے ابوبکر سے مفصل نقل کیا ہے، اور امام ابو یعلیٰ نے زہیر بن حرب کی سند سے بہلول بن مورق کے واسطے سے موسیٰ بن عبیدہ سے اس کی تخریج کی ہے جس میں انہوں نے صدقہ بن یسار اور عبداللہ بن دینار دونوں سے اسے مفصل روایت کیا ہے۔ [المطالب العالية بزوائد المسانيد الثمانية/كِتَابُ التَّفْسِيرِ/حدیث: 3787]