عبداللہ بن حارث بیان کرتے ہیں کہ سیدنا جندب رضی اللہ عنہ نے نبی کریم صلی اللہ علیہ وسلم کو آپ صلی اللہ علیہ وسلم کی وفات سے پانچ دن پہلے فرماتے سنا: ”تم میں سے میرے کچھ بھائی اور دوست رہے ہیں، اور میں اللہ کے حضور اس بات سے بری ہوں کہ تم میں سے کوئی میرا خلیل ہو، اور اگر میں اپنی امت میں سے کسی کو خلیل بناتا تو ابوبکر رضی اللہ عنہ کو خلیل بناتا، اور بے شک میرے رب عزوجل نے مجھے خلیل بنایا ہے جیسے ابراہیم علیہ السلام کو خلیل بنایا تھا، خبردار! تم سے پہلے لوگ اپنے انبیاء اور نیک لوگوں کی قبروں کو سجدہ گاہ بنا لیتے تھے، تو تم قبروں کو سجدہ گاہ مت بنانا، میں تمہیں اس سے منع کرتا ہوں۔“ [المعجم الكبير للطبراني/باب الجيم/حدیث: 1673]