سیدنا معاویہ بن حیدہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”ہلاکت ہے اس شخص کے لیے جو بات کرتے ہوئے اپنی قوم کو ہنسانے کے لیے جھوٹ بولے، ہلاکت ہے اس کے لیے، ہلاکت ہے اس کے لیے۔“ [المعجم الكبير للطبراني/باب الميم/حدیث: 16999]

سیدنا معاویہ بن حیدہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”ہلاکت ہے اس شخص کے لیے جو لوگوں کو ہنسانے کے لیے جھوٹی بات کہے، ہلاکت ہے اس کے لیے، ہلاکت ہے اس کے لیے۔“ [المعجم الكبير للطبراني/باب الميم/حدیث: 17000]

سیدنا معاویہ بن حیدہ رضی اللہ عنہ سے روایت ہے، وہ فرماتے ہیں: میں نے رسول اللہ صلی اللہ علیہ وسلم کو فرماتے سنا: ”بے شک جو شخص لوگوں سے بات کرتے ہوئے جھوٹ بولے تاکہ اس سے لوگوں کو ہنسائے، ہلاکت ہے اس کے لیے، ہلاکت ہے اس کے لیے۔“ [المعجم الكبير للطبراني/باب الميم/حدیث: 17001]

سیدنا معاویہ بن حیدہ رضی اللہ عنہ سے روایت ہے، وہ فرماتے ہیں: میں نے رسول اللہ صلی اللہ علیہ وسلم کو فرماتے سنا: ”ہلاکت ہے اس شخص کے لیے جو لوگوں سے جھوٹی بات کرے تاکہ انہیں ہنسائے، ہلاکت ہے اس کے لیے، ہلاکت ہے اس کے لیے۔“ [المعجم الكبير للطبراني/باب الميم/حدیث: 17002]

سیدنا معاویہ بن حیدہ رضی اللہ عنہ سے روایت ہے، وہ فرماتے ہیں: میں نے نبی اللہ صلی اللہ علیہ وسلم کو اس شخص کے بارے میں فرماتے سنا جو لوگوں سے بات کرتے ہوئے انہیں ہنسائے: ”ہلاکت ہے اس کے لیے، ہلاکت ہے اس کے لیے۔“ [المعجم الكبير للطبراني/باب الميم/حدیث: 17003]

سیدنا معاویہ بن حیدہ رضی اللہ عنہ سے بھی اسی جیسی حدیث مروی ہے۔ [المعجم الكبير للطبراني/باب الميم/حدیث: 17004]

سیدنا معاویہ بن حیدہ رضی اللہ عنہ سے بھی اسی جیسی حدیث مروی ہے۔ [المعجم الكبير للطبراني/باب الميم/حدیث: 17005]

سیدنا معاویہ بن حیدہ رضی اللہ عنہ بیان کرتے ہیں: میں نے عرض کیا: یا رسول اللہ! میں سب سے زیادہ نیکی کس کے ساتھ کروں؟ آپ صلی اللہ علیہ وسلم نے فرمایا: ”اپنی ماں کے ساتھ۔“ میں نے عرض کیا: پھر کس کے ساتھ؟ آپ صلی اللہ علیہ وسلم نے فرمایا: ”پھر اپنی ماں کے ساتھ۔“ میں نے عرض کیا: پھر کس کے ساتھ؟ آپ صلی اللہ علیہ وسلم نے فرمایا: ”پھر اپنے باپ کے ساتھ، پھر جو قریب ہو اس کے بعد جو اس سے قریب ہو۔“ [المعجم الكبير للطبراني/باب الميم/حدیث: 17006]

سیدنا معاویہ بن حیدہ رضی اللہ عنہ بیان کرتے ہیں: میں نے عرض کیا: یا رسول اللہ! میں سب سے زیادہ نیکی کس کے ساتھ کروں؟ آپ صلی اللہ علیہ وسلم نے فرمایا: ”اپنی ماں کے ساتھ“ - یہ بات تین بار فرمائی - میں نے عرض کیا: یا رسول اللہ! پھر کس کے ساتھ؟ آپ صلی اللہ علیہ وسلم نے فرمایا: ”اپنے باپ کے ساتھ۔“ میں نے عرض کیا: یا رسول اللہ! پھر کس کے ساتھ؟ آپ صلی اللہ علیہ وسلم نے فرمایا: ”پھر جو قریب ہو اس کے بعد جو اس سے قریب ہو۔“ [المعجم الكبير للطبراني/باب الميم/حدیث: 17007]

سیدنا معاویہ بن حیدہ رضی اللہ عنہ بیان کرتے ہیں: میں نے عرض کیا: یا رسول اللہ! میں سب سے زیادہ نیکی کس کے ساتھ کروں؟ آپ صلی اللہ علیہ وسلم نے فرمایا: ”اپنی ماں کے ساتھ، پھر اپنی ماں کے ساتھ، پھر اپنی ماں کے ساتھ، پھر اپنے باپ کے ساتھ، پھر جو قریب ہو اس کے بعد جو اس سے قریب ہو۔“ [المعجم الكبير للطبراني/باب الميم/حدیث: 17008]