سیدنا مقدام بن معدی کرب رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”تم عنقریب کئی علاقے فتح کرو گے جن میں ایسے مکانات ہوں گے جنہیں حمام کہا جائے گا، میری امت کے لیے ان میں داخل ہونا حرام ہے۔“ لوگوں نے عرض کیا: یا رسول اللہ! یہ تو تکان دور کرتے اور میل کچیل صاف کرتے ہیں۔ آپ صلی اللہ علیہ وسلم نے فرمایا: ”تو یہ میری امت کے مردوں کے لیے تہبند کے ساتھ حلال ہیں، اور میری امت کی عورتوں کے لیے حرام ہیں۔“ [المعجم الكبير للطبراني/باب الميم/حدیث: 17805]