سیدنا مغیرہ بن شعبہ رضی اللہ عنہ کہتے ہیں: نبی کریم صلی اللہ علیہ وسلم سے دجال کے بارے میں مجھ سے زیادہ کسی نے سوال نہیں کیا، تو آپ صلی اللہ علیہ وسلم نے فرمایا: ”تم کیا کرو گے؟ وہ تمہیں نقصان نہیں پہنچائے گا۔“ میں نے عرض کیا: کیا میں ابن صیاد کو قتل نہ کر دوں؟ آپ صلی اللہ علیہ وسلم نے فرمایا: ”تمہیں اسے قتل کرنے سے کیا حاصل ہو گا؟ اگر وہ دجال ہوا تو تم اسے قتل نہیں کر سکو گے، اور اگر وہ دجال نہ ہوا تو اس کے قتل کرنے سے تمہیں کیا فائدہ؟“ [المعجم الكبير للطبراني/باب الميم/حدیث: 18072]

سیدنا مغیرہ بن شعبہ رضی اللہ عنہ کہتے ہیں: ہم نبی اللہ صلی اللہ علیہ وسلم کے ساتھ سخت گرمی میں ظہر کی نماز پڑھا کرتے تھے، تو رسول اللہ صلی اللہ علیہ وسلم نے ہم سے فرمایا: ”نماز میں ٹھنڈک کا انتظار کرو (تاخیر کرو)، کیونکہ سخت گرمی جہنم کی بھاپ میں سے ہے۔“ [المعجم الكبير للطبراني/باب الميم/حدیث: 18073]