سیدنا عمر بن خطاب رضی اللہ عنہ بیان کرتے ہیں کہ رسول اللہ صلی اللہ علیہ وسلم ہمارے پاس تشریف لائے، اس حال میں کہ آپ صلی اللہ علیہ وسلم کے ہاتھ میں دو پوٹلیاں تھیں، ایک سونے کی اور دوسری ریشم کی، تو آپ صلی اللہ علیہ وسلم نے فرمایا: ”یہ دونوں میری امت کے مردوں پر حرام ہیں اور میری امت کی عورتوں کے لیے حلال ہیں۔“
امام طبرانی رحمہ اللہ فرماتے ہیں: ”اس حدیث کو اسماعیل بن ابی خالد سے عمرو بن جریر کے سوا کسی نے روایت نہیں کیا، اس میں داود بن سلیمان منفرد ہیں۔“
دار الحرمین کے مطبوعہ نسخے میں (أحدهما) ہے، جبکہ جو لفظ درج کیا گیا ہے وہ طحان کے نسخے سے لیا گیا ہے اور وہی سیاقِ کلام کے موافق ہے۔ [المعجم الأوسط/بَابُ الزَّايِ/حدیث: 3604]