اللہ تعالیٰ کے اس ارشاد کے بیان میں کہ ”خبردار! وہ اپنے سینوں کو دوہرا کرتے ہیں تاکہ اس سے چھپ سکیں، سن لو! جس وقت وہ اپنے کپڑوں کو اوڑھ لیتے ہیں، وہ (اللہ) ان تمام باتوں کو جانتا ہے جو وہ پوشیدہ رکھتے ہیں اور جو وہ ظاہر کرتے ہیں، بے شک وہ سینوں کے بھیدوں سے بخوبی واقف ہے۔“

اللہ تعالیٰ کے اس ارشادِ گرامی کے بیان میں کہ ”اور وہی ہے جس نے آسمانوں اور زمین کو چھ دنوں میں پیدا فرمایا اور اس کا عرش پانی پر تھا تاکہ وہ تمہیں آزمائے کہ تم میں سے عمل کے اعتبار سے کون زیادہ بہتر ہے، اور اگر آپ کہیں کہ بے شک تم لوگ موت کے بعد دوبارہ اٹھائے جانے والے ہو تو کافر لوگ ضرور یہ کہیں گے کہ یہ تو ایک کھلے جادو کے سوا کچھ نہیں ہے“۔

اللہ تعالیٰ کے اس ارشاد کے بیان میں ہے کہ ”اور اگر ہم انسان کو اپنی جناب سے کسی رحمت کی لذت سے آشنا کریں، پھر اسے اس سے سلب کر لیں، تو وہ بلاشبہ سخت مایوس اور کفرانِ نعمت کرنے والا بن جاتا ہے، اور اگر ہم اسے کسی ایسی تکلیف کے پہنچنے کے بعد جو اسے لاحق ہوئی تھی، راحت و نعمت کا ذائقہ چکھائیں، تو وہ پکار اٹھتا ہے کہ ”مجھ سے مصائب رخصت ہو گئے“، یقیناً وہ بہت زیادہ اترانے والا اور فخر جتانے والا ہے، سوائے ان لوگوں کے جنہوں نے ثباتِ قدم سے صبر کیا اور صالح اعمال بجا لائے، یہی وہ خوش نصیب ہیں جن کے لیے مغفرت اور اجرِ عظیم ہے۔“

”بھلا وہ شخص جو اپنے رب کی جانب سے ایک روشن دلیل پر قائم ہو اور اس کے پیچھے ہی پیچھے اس کے رب کی طرف سے ایک گواہ بھی (شہادت دیتا ہوا) چلا آتا ہو، جبکہ اس سے پہلے موسیٰ کی کتاب بطورِ مقتدا اور باعثِ رحمت موجود تھی؛ یہی وہ لوگ ہیں جو اس پر ایمان لاتے ہیں، اور تمام گروہوں میں سے جو کوئی بھی اس کا منکر ہوگا تو آگ ہی اس کی وعدہ گاہ ہے، پس آپ اس کے بارے میں کسی شک و شبہ میں نہ رہیں، یقیناً یہ آپ کے رب کی جانب سے سراسر حق ہے لیکن اکثر لوگ ایمان نہیں لاتے ہیں۔“

للہ تعالیٰ کے اس ارشادِ گرامی کی تفسیر میں کہ ”اور اس شخص سے بڑھ کر ظالم کون ہو گا جس نے اللہ پر جھوٹا بہتان باندھا؟ یہی وہ لوگ ہیں جو اپنے رب کے حضور پیش کیے جائیں گے اور گواہ پکار اٹھیں گے کہ یہی وہ لوگ ہیں جنہوں نے اپنے رب پر جھوٹ بولا تھا۔ خبردار! ظالموں پر اللہ کی لعنت ہے۔“

اللہ تعالیٰ کے اس ارشاد کے بیان میں ہے کہ ”اور آپ ہماری نگرانی میں اور ہماری وحی کے مطابق کشتی تیار کیجیے، اور ان ظالموں کے بارے میں (ان کی نجات کے لیے) مجھ سے کوئی کلام نہ کیجیے، یقیناً وہ سب غرق کر دیے جائیں گے۔“